نصفي المفقود

بارت ٣٣

نصفي _المفقود
بارت
٣٣
بقلم
bat_ol
الناشر
Ahmaed11
(ثم
قالت بعد محاولات نسيان عديده
رباه ابتليه بشوق موجع حتى يرجع ويلملم شتاتي💔) ♡

______________________________________
ام مصطفى.يخبلن يمه تتهنين بيهن ان شاء الله كدرتي قميصج الاسود
رسل.هسه
دخلت
كدرت الاسود صغير عبالك مال بتدائيه موو الشتريته ولا نفس الزخرفه البي
طلعت لامي
رسل.يمه هذا مو نفسه الشتريته وصغير
ام مصطفى.يااا جا شني مخربطين بي
بله طينياه
اي ولله موو هوه بس لا مبدله ابو المحل
رسل.اووووف يييمه ولله حلو ذاك الشتريته
هذاصغير وهم مووو حلوو
ام مصطفى.جا شنسوي يمه انه اشتريلج عود
المحل بعيد عود انه اوصي مصطفى وياخذج
وتشترين غيره
رسل.لا يمه الله عليج كلشي ولا مصطفى ومااااريد غيره الله عليج
ام مصطفى.يبووو رسيله لو لحت
رسل.ييمه فدووه والقران يضل بنفسي
اروحلج فدووه نبع الحنان ام صوفي الحلووه
ان شاء الله تشوفين احفادج معرسين بس تشتريلي هذاك القميص
ام مصطفى.هوه انه اكدرن للسانج لا ولله
يله يمه جا انتي دكيتي بالج امري لـ الله باجر نروح ونبدله
رسل.اييي حبابه بستهابراسها وكمت
ام مصطفى.كوومي يله بدلي ملابسج
وكفضي غرفتنه
رسل.كمت بدلت وعلكت ملابسي بالكنتور
وفرحانه بيها فرحه طفله بملابس العيد
كفضت الغرفه
بسرعه
صلينه وسويت العشه اندومي امي ما تتعشه
ومصطفى ما رجع
اله ب١١
لمن اجه
امي كالت سوي له عشه
مصطفى.لا كعدي لا سوين
باليل شوفته امي
لملابس لـ مصطفى ما حجه بس كال بالعافيه
وخليها تشيل سالفه تبطيل من البالها
لو اعرف شغلي وياها
سالفه صارت لا تعيد وتصقل بيها
مصطفى. انسي سالفه احسنلج
وحتى خط يجيج للبيت ويرجعج
وي بنات مهند
ام مصطفى.بعد عمري يمه جا هيه شتريد بس هيه خبالاتها شوي وبردن
مصطفى.حجيتي ليوم وي البنات
ام مصطفى. اي ولله يمه حجيتي
واخيتك رنا ليوم ماخذه سونر وبيها وليد
مصطفى. اييي عالخير ان شاء الله يرادلهم روحه هاا شتكولين
ام مصطفى. يااعع صدك جذب يمه تسئلني هوه غير رويحتي معلكه هناك
مصطفى. خير ان شاء الله
بس افرغ هلـ شهر نروح ان شاء الله
ام مصطفى.يبعد عمري ريتك سالم دوم ان شاء الله وما يلوحك شر
مصطفى.بوجودج
ام مصطفى.صدك يمه جا انه نسيت اكلك باجر نروح
انه ورسيله
نرجع قميصها
مصطفى.ليش شبي
ام مصطفى.يمه هيه مو تلبس اسود وجايبينه قياس صغير
مصطفى.خو ليش ترجعون وتعبون اشتريلها غيره
ام مصطفى.لا يمه هيه تريده
مصطفى.بكيفكم هوه المحل بعيد قريب
ام مصطفى.لا يمه كريب شيودينه للغريب
مصطفى.هاي هيه بكيفكم
يله انه اروحن انام لا تكعدوني باجر
ام مصطفى.ليش يمه ما تروح لشغلك
مصطفى.لا الشفت الصباحي ما اروح خليها للعصر
يله
رسل.درت وجهي وره ما راح لان جنت كاعده يمهم بس عيوني بتلفزيون ابد بس اذني تسمع كلشي
اروحلج فدوووه نبع الحنان
ام مصطفى.بعد كليبي شعدي غيركم كومي يله نامي حتى الصبح نطلع على شميسه ونرجع قميصج
رسل.ايي كمت طفيت الاضويه
ودخلنه لغرفتنه
امي نامت ووانه عقلي يفتر بفكرتين
اكوم اكمل الرسمه لو اكعد
واسيطر على نفسي
كمت فتحت الكنتور على كيف
وطلعتها شغلت الاتيبلم
قللت الدرجه مالته
فتحت الدفتر وتجاهلت كلشي راسمته
وكانهه اجتني قوة وفكره جديده وهاي الفكره شكد حاولت اسويها ما اكدرت عقلي ما يستوعبها بس هلـمره اريد اسوويها
لان مشتاقتله
ااريده وياي بـ اول يوم دوام
مليت وانه سنتين اروح وهوه موو وياي
كلبت الاوراق
فتحت صفحه جديده
نرسمت بالي الملامح شخص مستحيل انساه لو تصير كلها وجوه متشابهه انه اعرفه من دون الكل
من ضحكته وحنيته من حجايته ونصيحته من مسحه ايده
الماخذها التعب
ورغم كلشي يكوول
فدوه الكم المهم ما تحتاجون شي
بتسامته بـ اخر ايامه
ركضته ودمعته عليه
مشيته وهيبته وياي جنت من امشي افتخر اكول هذا ابوي
اول خط نرسم على الورقه دمعتي
حجايته وهوه يكلي لا ترسميني هسه
لمن يجي يوم ما شوفيني يله حتى تضلين تذكريني ما اتنسيني
واذ رسمتيها صح راح اجي واكلج
جنت ما افهم حجيه ابتسم بوجهه وارد علي
رسل.ماااا تاخذني وياك
جانت هاي لحظه تنعاد بذاكرتي هوواي
بس ماافهمها بس لمن شفتها على الواقع وعرفت شنو شيقصد
تمنيت ماعرفتها وعساااني ما شفتها
مسحت عيوني من الدموع
شما امسحها ترجع تنزل وهيه المنتصره عليه
صرت ما اشوف الورقه واضحه
اخذت الدفتر والاقلام والوان
وطلعت بصاله
رسمت الوجه وحددتت لحيته بديت اخط خطوط خفيف تجاعيد وجهه
بطرف عيونه
ضحكته
لحيته المخلوط بيها شيب ابيض
يشبه بياض كلبه
هنا صدك ووصلت ما اكدر اكمل الرسمه
احس الدموع عمت عيوني
حبست شهكتي بداخلي
فزيت على صوت الباب من نفتح