نصفي المفقود

الجزء الثاني

نصفي _المفقود
جـ/2

بقلم
bat_ol
الناشر Ahmed11

تعال بصدري نام سنين

‏جيب وياك كل تعبك

‏و احشر تعبك بصدري

‏انا أهواك و اتحمل تعب گلبك

‏و لا فد يوم أمل منك ،

أظن تدري !

‏و فرفح روحي هم أقبل

‏ما أگلك دكافي و عيب

‏أنت وليدي المدلل

_________________________________________♡
كلشي يمر بذاكرتي هااي لحظه
الايام المرت علينه ما اتمناها العدوي
صعبه كلش 
بس سبحانه
(لَآ يَکْلَفُ آلَلَهّ نِفُسِآ آلَهّ وٌسِعٌهّآ)
هااي الايه كلش حسيته نطبقت علينه
اجت ايام نوم احسه صار حرام عليه وانه اشوف ابوويـ
يتلاوى وي الموتـ
بس بداخلي شي يكلي كوول يارب
وكلها تهونـ
وفعلا كلها هانت وصارت سوالف
وذكريات
وهاي احنه
صاعدين بسياره ومسافر بذاكرتي الـ قسى ايام عشتها بـحياتي
وعاني صوت ادهم
يسوولف بموضوع امي وابوووي
ادهم.اكلك انته وين جاان عقلك
من كلت الـ ابويه ارجع امي الك
ومنو كالك هيه ترضه
ادم.اذ تحبه ترضه
ادهم.مرات الحب ميسد مسد
ادم ابوكـ توا طالع من حلك الموت
خاف ما ترضه امي ويصير بي شي
مااسمعت دكتور من كال هااي الفتره صيرو حريصين علي زياد
وحاولو تهيئون اله جو نفسيـ يساعده حتى يتخطه الازمه وينساها
ادم.ماا ادري ادهم بس  الـ دري بي امك لززوم ترجع لـ ابوكـ
كاافي اثنينهم اتاذو
واحنه هم لاحنه طشار
وخالكـ ما ناوي على خير
شي الوحيد اليـسد حلكه
امك تصير بـذمه ابوكـ
بعد ماا يكدر يحجيي شي ولا يطالبنه
ادهم.اخخ اخخ من هلـ خال البلوه وغضب من رب العالمين
شويه وصف السياره ادهم كدام
مدرسه مالت بنات
ادم.هااا بوويه شووصفيت هنا شني منتظر ترقم وحده
ادهم.خااب ما تسكت تشووف حالي مالت ترقيم انه
اريد انزل اجيب جكاير
ادم.خووش حجيي بس لا طول
ادهم.ماامواعد ترا اجيب جكاير واجيي
ادم
نزل هوه
وعيونيي ضلت تراقب البنات بيهن المنزله راسها ومحتشمه والعبايه
تحسها رايده روحها وحابتهاا
ما رايد واحد يباوعلها بالموزينه
وحده انه استحيي اباوعلها واكوول شلون تمشيي بملابسها كد مااضيكه
هززيت راسي ودنكت على تلفوني يله بكل مكان اكو شي زين واكوو لا
ربع ساعه وادهم ماا جااي منن دنيه تصمط صمط من الحرر وسياره تبريد مشتغل وماا بين بيها
نزلت اشوفه وعيوني دور علي شفته بعده بالمحل من الجام  بس ضليت واكف اتاني  لمن شبهت على وحده سديت باب السياره وتقدمت شويه حتى تتواضح الصوره وكفت كدامها
لين واكفين وراه سياره عاليه سوده
اريد اتقدم واشوفهاا هيه صدك لو يتهيئا الي
وتمنيت ميت ولا شاايفها المشكله اعرفهاا من طولها
من وكفتهاا حافظها
رجعت عيوني تشكلت على الواكف يمها بزي عسكري اسود
ويحجيي وعيونه متركزه على ملامح وجهاا
مدنكه وتسمع حجيه
احس الحراره اشتعلت بيه من جدامي لراسي
عررضي هااي من لكاهاا واكف وي واحد شسوووي
رجليه احس تجمدت وثكلت
اجت بالي صوره مصطفى زين هسه لووويشوفهه شنو يسووي اريد امشي واتقدم بس اخاف من الحجي عليها
وياحجييي وهيه واكف وي واحد
مااا لكيت روحي
غير جدامي مشتني بلا راي بشاارع والهورنات تركع وياي
سيارت وخطوط طالبات
وشارع عام
يعني ضجه والهووسه الصارت والسب والشتم العليه صار بفلس
من سمعت الهوسه رفعت راسها وجتيي عيوونها بعيووني
انه الحس عيووني جمره واشتلعت بيهاا
عكسها الخوف تلبسهاا
والخووف لون وجهه
بكل خطوه امشيها احس دمها يجمد بيهاا
خوف لو خجل من شوفتي لو فعلتها
ما كدرت اعرفه شنو احساسها بهذيج لحظه
صرت يمهااا لزمت ايدهاا وعتيتها
صارت كدامي رجفت ايدها
خلت حتى اعصابي تفوور
اعترض طريقي
نسر.وووين يوولد
ادم.توووخر لا ودين محمد اليوووم اكفرك
ماا رايد الفضيحة الهاا وخرر
واحساابك بعدين ونتواجهه
رسل.اادم
ادم.التفتت عليها
اششش صووتج مااا اسمعه
رسل.اددم حبااااب بس ااسمع
ادم.رفعتتت اصبعي بمعنى
كتلج اشششش صووت مااا اسمع لاا تجيبين الفضيحه الـنفسج
رسل
بس اسمعنيي الله عليك بس اسمعنييي
ولله موو مثل ما متصوور
نسر.منووو انته وعلى يااحق تااخذهاا
ادم.انه منووو ياا س.... يا ك.... بس هذووله ليوكف وي بنات نااس بنص شاارع ويسوولفوون وياهم
وانتيي ولججج هيج ماا مغزر بيج تعب مصطفى
ولج يركض ليل ونهااار وشكووو مصيبه طاايحه براسه من وراج وهسه جااايه تنزززلين راسه واكفتلي وراه السيارات هااي بس بنات لـ...
سكتت ما كملت حجيي
حسيته ابتعد ونصدم بنفس الووقت
ومبين ما متوقع ينصادون
رسل.نززلت دمووعي وي حجيه
وذنب تملكني
الحجي ماا يطلع وياي
حجيت بس صوت خاافت وعيوني تفتر عليهم هم الاثنين من نظرات ادم التنگط شر
ومن صدمه نسر وعيوني التباوع على ايد ادم
والحيره تملكت ملامح وجهه
الخوف عليه لو على نفسه مااعرف شنو هوه بالضبط
نسر.خيي تهد بـ الله قسم بدينك البنيه رايددهاا حلال والقرران شريف راايدهاا بـحلال
ادم.حجيت من بين سنوني وبالي
الصوت العالي فضيحه الهاا وهيه واكفه بـنصنه
واليريد حلال يووكف وراه السيارات
حساابك مو هسه وانه موو وصي عليها واحسابك عدها اخووها وهو يتكفل
بيها وبيك
اجيت امشي وعات ايدها بيدي
نسر.اكلك راايدها والعباس اخوو زينب بس نطيني مجال نتفاهم
ادم.نتفاهم بوويه نتفاهم شـورانه
اوديهااا لبيت اهلها وهناك بالخير بيش تريد نتفاهم
بالنجوم العـ جتافك بالعشاير بكيفك
نسر.تهوون عليك فضحيه بت بيت.....
رسل.دفعني كددامه واحس دموعي حركت وجهيي
حجيت وردت اكسر خاطره
ولله ادم موووو هيج هووو وكفني ولله
التفتت اليه خزرني وحجه بـ حه صووت
ادم.اششش فاااضحه نفسج  اامشي كددامي للسياره وصووت ما اسمعلج
رسل.هززيت راسي  مسحت دموعي بيدي ومشيت عبرت الشارع باوعت هوواي سيارات واكفه وكفت يم وحده اشرلي عليهاا هوو وايدي حااضنه نفسي تمنيت الموت ولا هااي شاايفني
  انتبهت زين ناس مشغووله هذا اليصعد بنات
وهذا اصوات السيارت مغطيه كلشي
ووكفت يم سياره باوعت وجان ينزل من ولد نسخه ادم
عزززه بعينيي هذا شووكت وصل
ادهم.هاا يـ بنيه محتاجه شي
رسل.هززيت راسي بـ لا
ودموعي تجري مسحتها بيدي
وعرفته هذا اخوه تؤام
ادهم.لعد شبيج تبجين متعرضلج احد
يلحكج واحد
رسل.هزيت راسي بـ لا
ودموعي تجري مسحتها بيدي
وعرفته هذا اخوه تؤام
ادهم.لعد شبيج تبجين متعرضلج احد
يلحكج واحد
رسل.هزيت راسي بـ لا
اتجرئت وحجيت فدووه خوويه كوول لـ ادم لا يكووول لمصطفى ولقرران
يذبحنييي ولله
ادهم.شبي ادم وياج  شمسوويلج
احجي
رسل.تجمدت من شفته ووصل يمي فتح باب السياره ودفعني
وصعد هو كدام
صعد اخوه وسد الجامات وحجه
ادهم.منووو هاي البنيه ادم شمسووي االها وولك بس لا تبلينه
وي اهلها
ادم.ااعرفها حرك لبيت مصطفى
رسل.الله علليك لااااا فدوووه لاا والله مااا يتحمل ولقرران يصيرر بي شيي
ادهم.لا اله الا الله غيررر يحجيي شبيها البنيه ووانته تعررفها شممسووي وهيج خااايفه منك
ادم.اخت مصطفى
ادهم.ااييي ونعم لعد شبيهااا
ادم.هيج ولد معترض بطريقهااا وانه حسبتهاا غلط
ادهم.لا يـ ك..... على هاي سالفه وكوون بزعته دم
ادم.احط اايدك بماي باارد صارلك خردده اامشي يله
رسل.سكتت وماا حجيت بعد
بس هو يحجي وي اخوه على اعصاابه صخااام بووجهي  اوول لقاء وياه وهيج صااار وشاافني واكفه ووي نسر بس وولله موو بيدي ولله
غصبن عنيي يااللهي يااا غيات المستغيثين اااغني يالله
وتفكيرري صار كله بـ مصطفى يممممه ولقررران
لووو عرف مصطفى ولله لا هوه يعيش ولا ااانه ولا اميي تتحمل يااربي انته تعرررف دخيلكك يااللهي لا تخذلنييي
مدلي الكلنكس اخوه
ادهم.خوويه لا تبجين هو ولد شووراع هوواي والمثلج ماا تخاف
واخوهاا مصطفى حجاره وعبيها براسه
وماااحد يعيب عليج
ادم.ااعذرهااا حقهااا مرررعوبه ومصطفى منن يعررف هم مااايرضه واكيد يخلي الها خط
رسل.اخذت الكلنكس منه ولزمت كلبي بيدي ودموووعي تززيد ما تنقص وهو يشددد على على كلمه ماا يرضه
يعني ااكيد يكله
يااللهي دخيلك
اشرر اله على طرريق وكف باب بيتنه
ورجفه لززمتت بجسميي
نزل فتح الباب اليمي وهو مجاهلني وما يباوعلي بس عيوونه عالباب
بس نظرته مااا ناويه على خيرر
نزلت سد لباب وصار بصفي يفصلني عنه قدمين
دك لباب
وي دكته دمووعي جرت بحراره رفعت راسي اله يباوعلي
التقت نظراتنه
رسل.ادم ولله ااانته تتعررفني انه موووو الي هااي سوالف
ولا عمري شفتهااا
ولا راح  اسوويها
ادم.تعرفينه
رسل.ايي ولله حماه رنا
ادم.هاي هيه جا تعرفينه بعد على شنيي هلـ بجي وخاايفه اكول لـ مصطفى واكيد هو يعرفه مو كرايبكم
رسل.ادم.....
ادم.لا تبجين كاافي
رجعت الوراه من سمعت صوت ام مصطفى
باوعت لـ ادهم ملتهي يخابر
رسل.لا تكوول لـ مصطفى
ادم.درت وجهي عنهاا ما اكدر
رسل.فتحت امي الباب اول شي شاافته ادم
ام مصطفى.هله يمه هله بالغالي
ادم.هله بيج خاله شلونج
ام مصطفى.الحمدلله يبعد خالتك ادخل جوه
استراح علما يجي مصطفى 
وتتغدون سووه
ادم. لا ولله مشكوره
بس هاي امانتكم
دخلت رسل للبيت
رسل.ضربت على صدرهه من شاافتني
ام مصطفى. ياا يمه ياهوو وياج شمالج وشجابج علـ ادم
ادم. ولد الحرام هواي خاله وما يعولون يشووفون بنيه تمشي بحدها يتحركشون بيها
هيه مسمعها جم حجايه 
وضاله تبجي
احنه مارين من علـ ولد صديقنه
وشفتها والاحسن تحطون الها خط يتكفل بيها احسن من ما تضل تمشي بشارع وهيه بحدها
ام مصطفى.جززاك الخير يمه والله يحفظك لـ شبابك يبعد روحيي  ولله بس هيه عدهاا ساايق
وليوم دك على اخيك ووتعذر منه وهو وصلها صبح
مشكوور يمه ولله ماا قصرت
ادم.بالخدمه يله سلملولي على مصطفى 
خليت ايدي على صدري سلمت وصعدت بسياره
ادهم.مااهو مصطفى
ادم.لا بشغله
حاجيت امي
ادهم.لا يمعوود انه وين احاجيهااا شكلها اريد ارجعج لـ ابوي
ادم.خااب شمالك ماا تعرف تصفط جم حجاايه
ادهم.لك ك... هيه سهله ومنووو كال امك ترضه
ادم.ولك غيرر تحبه شلوون سالفه هاااي
ادهم.منوو كال تحبه
ادم.لا الله عليك بعد حلفها عالقران بويه شماالك انته جااا انته مااتباوع لحالها وكت الچنه نرجع من المستشفى ايام لا يعيدها ان شاء الله
ادهم.بس هذا موو شي كافي حتى نكوول تحبه
وترضه ترجعله
ادم.هسه انته شخسران احجيي وياها وشوفها لووو ما دبرهاا
ادهم.لا ولله صدك ما ادبرها خويه
ادم.خاااب وغسل اي وولله علـ ماابي حظ
ادهم.احجيي وياها انته
ادم.انه كلت تحجي وياها انته تفهمها تسترسل الها بالموضوع وانه وراك انطي الها طك بـ طك
ادهم.هااا قصدك انه امهد الها بالموضوع
ادم.عفيه هيج بس ووين وانته حجايتين ومحتاررر وين تخليهن
ادهم.لا اذ هيج ادبرهاا وليل بليل اتسلح واخذ الدرع وياي واطير لغرفه امي
ادم.زززلمه
ادهم.غيرر ماا شفتني بليله عررسي
ادم.خليت ايدييي على وجهي
لا اله الا الله خوويه انته لابگ بيك شي يووجعك شجااب ليله عرسك بـنص
ادهـم.غير يكووولوون اذ ردت تفرح تذكر ايام عرسك
ادم.وعررسك شجااااابه بالمووضوع
ادهـم.ومرض غيرر اعلمك
ادم.تحرررك ادهـم لا انعل عشيرتي فوووك عشيرتك
ادهـم.نفس العشيرره احنه
ادم.استغفرالله ياالله يااا صبرر ايووب
ادهـم.انززل انززل وافتح باب الكراج خليني ادخل السياره
ادم.نزلت بسررعه من السياره فتت للبيت فتحت اله باب الكراج ودخلت
للمطبخ
لكيت امي تثرم الزلاطه
وخصلات شعرها نازله على وجهه بـ براءه
منطيتها جمال فوك جمالها
الـ يشوفهاا مستحيل يكول هاي شايفه ضيمم كلـه
ابتسمت
كالت
مرجان.هلا حبيبي اجيتوو
ادم.اي هاي جيتنه وعلي فد جووعان بس اصلي واچيت على الصينيه
مرجان.يخسه الجوع ماما روح بدل وصلي وتعال تلكه الاكل جاهز
جاي  احضر الغده
طلع من المطبخ وعيوني تـراقب طوله ياارب لا تحرمني منهم
بحق محمد واله وصحبه
نزلت سلسبيل قطعت عليه صفنتي
سلسبيل.هاا عمه محتاجه شي
مرجان.عرفتهاا ما تنزل اله اذ ما طاابخه
هاا لجج ليش ما طابخه
سلسبيل.عمه ولله مداعرف اضبط الاكل مثلج مجااي يطلع حلوو وياي وادهم تعود على اكلج
حبابه استقبلينه اليوم
مرجان.هههه يله تعاالو
سلسبيل.هيووو تعيش عمتييي
اساعدج بشيي
مرجان.اي ماما بس خلي البن وكاسات المرك على الطاوله
سلسبيل.اوكي
درت وجهيي وبديت احضرهن
عمه عاادي اسئلج سؤال
مرجان.لله يستر لعد كوولي
سلسبيل.ليش مرحتييي شفتيي عمو
مرجان.رجفه سرت بجسمي من سؤالها
واحس حتى دكات كلبي تخربطت
الوشه بـ اذني صاررت
سكتت وما جاوبت 
سؤالها ابد مو محله ولا وقته
سلسبيل.عمه
مرجان.غسلت اديني حضري الاكل خلي اشوف عمتي  خلصت صلاه لو بعدها
سلسبيل.سكتت ودرت وجهيي خررب شنوو فضولج هذاا سلسبيل
ليش هشكل فضوولج طااغي احسن هسه يمكن ضااجت
مني سمعت صوت وراي
ادهم.هااا يبه مررتي تخبلت تلبس بيها جنيي تحجيي لوحدها
سلسبيل.درت وجهيي عليه بـ زعل ليش تكوول اني مخبله
ادهم.جا اليحجي وي روحه شنوو يمسونه
سلسبيل.يفكر حبيبي يفكر
ادهم.لا كلبي موو اليفكر بعقله وما يخلي واحد
يعرف هو بشوو يفكر حفاظا على عقله وتفكيره لا يخرب
سلسبيل.يعنيي قصدك انيي مخبله
ادهم.نص ونص
سلسبيل.هاااي شنوو ولله ازعل تره
ادهم.زعليي يله
سلسبيل.ليش هيج مااا عندك احساس انته
ادهم.اروايج الاحساس شلوونه
سلسبيل.تقدم يمي وبتسامته شريره على وجهه
انفاسه طخ بـ ركبتي
قرب على شفتيي يبووسني
وصووت تحمم ادم دخل
صررت بملابسي كدد الفشله والووضع الشافنه
صرت وراه ادهم وهو دار وجهه يحجي وياه وخصوصا ادم ماا طايقني من سالفه لمن كلت لـ ادهم على ابوه
مااا يشوفني بنص عينه
صااح ادهم
ادهم.احتركووو عشيرتك نفر نفر ماا تدخل اله هسه
ادم.تووازيت هناا و وكت غده كبرر يـا عااار
ادهم.دووولي لك اريد اشووفك بله من تزووج ما لكفلك
ادم.مخبل ضال يمك ووين امي
كالت احضر الغده وصار بالساعه ترره
ادهم.رووح شووفها وين
سلسبيل.طلع اجييت اشرد  فوك سد طريق بيده
ادهم.هااا وين ولج
سلسبيل.عيب عززززه بعيووني شاافنه هشكل
ادهم.مااا عليج بي تعاااي اكمل
سلسبيل.لك عزززه بعيني شتكمل وخرر ادهم الله عليك ولله استحيي ابقه هنا بعد
ادهم.شكووو هو ناااهبج ساالبج غير مررتي
سلسبيل.لا الله عليك اادهم ولله استحييي انته ورواد هنا ابقوو
تغدو
ادهم.سلسبيل ما تستاهل سالفه ولله
ما اله داعي تصعدين كعدي اكلي و صعدي بعدها براحتج دخلت امي
مرجان. ها ماما شو بالمطبخ
ادهم. اجيت اساعدها
مرجان.اوووي عيووني تساعدها
ادهم. هاا امي خلصت من ابنج تستلمني انتي
مرجان. براحتك حبيبي قاابل اني اطلع وانتوو تبقون
ادهم. لا اامي هيه مالت طلعين غير ميت من الجوع
مرجان. بعيوني يله لعد ساعد سلسبيل وحضر الاشياء البسيطه وهاي اني راح اضب بالصحوون
حضرو الغده وياي وهم يتشاورن ويبتسمون بينهم
دعيت الله بكلبي يحفظهم من كول شر
ويارب يوم اشوف ادم متزوج ومرتاح بحياته
يله ماما صيح اخوك
دخلت عمتي
كعدنه والتمينه سووه
عسا ما تفترق هلـ جمعه الطيبه
بدينه ناكل
كلـ شويه ارفع راسي الكه نظرات بين ادهم وادم
بشعور لا اردي حسيت بيهم عندهم حجي يخصني ومتررددين
بالحجي
خلصنه
وكمت اغسل المواعين 
ما قبلت سلسبيل 
سلسبيل. عمتووو ما كافي طبختي الغده خلي المواعين عليه اني
اغسلهن
مرجان. مااشي حبيبتي
بس بطليها هااي عمتوو
سلسبيل. بعيوني
مرجان. سالمه ياارب
طلعت وبيدي كلاصات الجاي الهم
اخذ من ادم الصينيه و
وزع الجاي
نوريه.يمه ابوك ماارد
اخاافنه رجع ساافر وهلـ روحه روحه وماا يرد بعد
ادهم. هاا لاا ان شاء لله هلـ ايام
يرجع خابرته الصبح
نوريه. ان شاء الله وعلي كلبي ناار عليه
جاا اخذني انظف اله بيته اعدله وارتبه يجي تعيبان عمت عيني
غير يلكه اله اليرتاح بي
ادم.لا نونو ستراحيي اخذج وترجعين بليل
واخخخ ياا رجلي واخخ ياظهري
اجيبلي ولد ينظها وتخلص
نوريه.وولك شوو مااتعررف تحجيي انته
ادم.ايي يا نونوو انتي ليش تزعلين من حجايه الحكـ«ق»
نوريه.خاايب ادهم ما تناوشنيي من يمك العصه اكسررها علـ ظهره
ادم.التفتت لـ ادهم اخووك انه بشااربك ابو رواد
ادهم.لا بيبي اعفيي عنه هلـ مره سماح
نوريه.خاايب المصعلك خاف عبالك جنت اريد اطكه بحده لا
اريد اطبككم سووه
ادهم.لااا يببه شنوو متواززي اخذ مريتي واصعد احسلي شلت رواد ومشيت للمطبخ
مريتي
مريتي
ادم.هزت ايدها وباستها
نوريه.يااربي نعمه العقل ودين
كلشي مانريد
ادم.و رجاال حبووبه رجال
كمززت كمزت القرد من شمرت عصاتها عليه
شبيجج نونو غيرر احجيي صدك
نوريه.صك الله عظامك يااما تستحيي
وانتي ولج ماا شوفين فروخج
مرجان.عمه شبيج وياهم غير يتشاقون وياج
نوريه.بس خليني اكضبه هذا ابو رجال بيك خير تزوج انته
مرجان.بعده صغير عمه خلي يكبر شويه
نوريه.شمااله يمه زغير رجال شكده
شاربه ولحيته تارسه وجهه
بعد شنيي ناطرين وخلي يتزوج وهو شاب حتى يربي جهاله تربيه عدله يفهمهم ويفهمونه ماا ينشلع كلبه
مرجان.ماا اعرف عمه بكيفج بس ولله اني شوفه اصغير مو مالت زواج
نوريه.خاايبه شمالج انتي هوو بيدي وما زوجته
بس وليدج موش خالي وعليي اذ ما حاطله وحيده جوه ايده موو نوريه انه
مرجان.يعني يحب
نوريه.خاايب شيحب غيرر تشوفينها بكد بزره
مرجان.عمه تعرفينها انتي شنوو
نوريه.ايي اخيت مصطفى
مرجان.منوو مصطفى
بس لا هذا لولد لي دائما وياه
نوريه. اي يمه دوولبين الواحد يله تفك الحجايه منج
مرجان.ههههه اااسفه
بس البنيه حلوه  لا
اخلاقها زينه
نوريه. ونعم من ومن تربيتها البنيه جان جيرانه وابنج مكاابل بيتها اربع وعشرين ساعه هو واخيهاا
مرجان.يوومه فدوه طلع وليدي يحب ولله بس يكول من باجر اخطبها اله
نوريه. خاايبه اكسر هاي العصه على ظهرج مثل ولدج المفهين
مرجان. يااا عززا عمه اني شكو
نوريه. جاا شني من باجر تخطبينها ولج اكلها زغيره علي
مرجان. عااددي عمه موو يحبون بعض خليهم
نوريه. كوومي عن ويهيي  شوو كوومي
عفيه چنه هيه ولدها يشلعون الگلب
مرجان.كمت عنها و دخلت للغرفني
واضحك
وافكر بـ ادم وابتسامتي ماليه وجهي
تحمست اريد اشوفها الماخذه گلبه
ومخليه هذا جمود كله بي
________________________
رسل.دخلت وسديت باب الغرفه وامسح بدموعي
بدلت والخوف والرجفه كضتني
كعدت على جربايه
دخلت امي
ام مصطفى.هاا يمه عمت عينه اي ولله الخوفج هلـ خوف
رسل. خلتني بحضنهااا وجسمي كله يختض من وراها الصار وشهكتي احس تجرح بلاعيمي
ام مصطفى. كاافي يبعد امج كاافي يربي كوون ما يتهنى
تهدي وصلي على محمدوال محمد
رسل. هززيت راسي
وصليت بداخلي
اللهم صلي على محمدوال محمد
ام مصطفى. كومي حبيبتي كومي يمه غسلي وصلي واستهدي بالله
لا يجي اخوج وتعرفينه كلشي ولا انتي
عنده بالدنيه
رسل.زاادت دموعي وعلـه صوتي بجييـ
احس ندم ماكلني اكل والخوف يلعب بـ اعصابي رجفه جسمي موتنتني
خفتت وندمت وشكوو شي زين سواه مصطفى الي صار كدامي عيوني
احس اذيتـه بدوون قصد ماا جان قصدي ردت بس اخلص من نسر
من كد ما اشـوفه يوكف بـ باب مدرستنه
صررت اتخبل من شووفته وحضي العاثر الجابـ ادم بـهيج يووم بقيت ابجي وضامه روحي بيهاا احس روحي اريد ارجع بـ بطنهاا ماا اريد هااي دنيه كلهاا
وامي تهدي بيه حتى هيه احتارت بيه
ام مصطفى. خااايبه يمه اروحلج فدوه لا تتخربطين عليه وين اوديج بهلـ ظهريه شمالج ادم مسويلج شي حاجيني يمه ولله فتيتي كلبي فـت
رسل. هزيت راسي بـ لا
ام مصطفى. جااشمالج يمه هم ولدالحرام هواي ويمشون بـ شارع لا حيا ولا اخلاق ولا ضمير
امشي اغسل ويـ(ج) ـهج وتعااي اكليلج لكـيمه ضاله على لحم بطنج
وهاي هيه سالفه وصاارت يمه ومره ثااني و روحـ ابوج اذ سايق ما جاجج انه اخذنج بيدي
لا يجي اخوج ويشوفج وتـهبطينه بهلـ ظهريه
رسل.هزيت راسي وكمت وياها غسلت وجهي
كعدت بالمطبخ
صبتلي بماعون تمن ومركـ
اخذت الخاشوكه من ايدي وضلت توكلني
احس لكـمه سـم عليه
تربيتهاا بيه ضاعت ولله ماا مـصدكه السويتـه صدك
شلوون مااا فكرت بيهـا
شلوون ما صارتـ كدامي عيوونـي
_______________________________________
     رجعتنه محموده ان شااء الله
اعتذر ولو اعتذراي ميسوي شي
بس واجب
هذا البارت كـ بدايه
للـحداث الجزء الثاني
وكـ فكره عنه
اتمنى انووو يرجع تفاعل للـقصه مثل ما جاان
قبل
وان شاء الله اني مـراح اقصر (اتمنى صراحه انوو ما يصيرلي فد شي مزعج حتى يخليني انكر وعدي الكم)
آلَﮯ آلَقَآء