نصفي المفقود

بارت ٤٣

نِصّـفُـيِّ أّلَمًفُـقُوٌدٍ
بًأّرتٌـ 3
جّـ/2
بًقُلَمً
βÃŤỖĹ
أّلَنِأّشُـر
ÃĤϻÃĎ
أتٌـقُبًلَنِيِّ بًمًأّ أشُـعٌر ؟

بًأخِـطِأّئيِّ وٌمًأّيِّصّـدٍر

وٌمًأّ آتٌـيِّکْ بًأّلَکْلَمًأّتٌـِ

عٌُذرأًّ عٌنِدٍمًأّ أعٌثًـُر

وٌدٍمًعٌيِّ فُـأّئضًـ أّلَقُطِرأّتٌـ

وٌضًـعٌفُـيِّ عٌنِدٍمًأّ أخِـسِـر

أتٌـمًسِـکُْ جّـيِّدٍأًّ بًيِّدٍيِّ

وٌحًيِّدٍأًّ عٌنِدٍمًأّ أعٌبًُر
«بارت على كـد الحال»
__________________________♡
@
رسل.بست امي ونزلت لزمت ايد مصطفى
باوعت لـ ادم طلعو هو ومره مبينه صغيره
مخليه ملحف على شعرها
مصطفى.تعذرني ادم كعدتك من نومك بس تدري
بالـصار
ادم.اسكت اسكت رحمه لـ دينك
كال كعدني من نوم
واصلا رايح وياك انه
مصطفى.يابه ودوامك
ادم.دنعل ابوه اسبوع مااياثر
يمااه
اخذي البنيه خليهاا يمج
رسل.باوعت لـ مصطفى بـخوف
ناس ماااعرفهم شلوون اضل يمهم
حجه وجنه قره الـ بالي
مصطفى. ميخالف  رسوله ولله ما اكدر اخذج
امنج هنا احسن وهسه تلكين جده ادم هم موجوده
بس هناك راح تصير هوسه وهمه كرايبهم هواي وراح تصير سالفه مشامر
ناس طابه وناس طالعه وما اكدر اخليج يم وحده من خواتج كلهن راح يلتهن وي رنا
ضلي هنا وان شاء الله احنه ما نطول
واذ صارر مجال ارجع عليج ولله
رسل. باسني براسي وكفني يم باب البيت
مصطفى. اماانه عندج ام خاله
مرجان.بـعيوني ماما لا يضل بالك
لله يسهل طريقكم
ياارب
تعاالي حبيبتي
رسل. صعدو مصطفى وادم بـسياره
دخلتني جوه وسدت الباب
مرجان.كافي ماما حبيبتي لا تبجين
لله يصبركم ان شاء الله
وهذا امر الله ولا اعترض على حكمته
تعالي غسلي وجهج الحلو
وندخل جوه اذ تريدين تنامين
رسل.وكفتني يم مغسله غسلت وجهيي
والماي يغسل وجهي وي دموعي وومااتوكف
بـكلبي حركه وماا وماا تبرد بدموع
على اختي ترملت وهيه بـعمر ٢٠ سنه
صغيره ياالله
وحامل طفلهاا شلون راح يربه
من حركتي علي وهو شااب ماا شاف من حياته شي
ولله
يارربي صبرنه دخليك
سديت الماي
التفتت الها
مرجان.كاافي يـماما شوفي عيونج شصار بيهن
يا عـمري انتي
حضنتها واربت بـيدي على ظهرها
بـ اسف الله يرحمه ترحمي اله الدموع مااتفيد
رسل.حضنتهاا حيل
حسيت بيهاا امان وحنيه
دخلنه للمطبخ وهيه تمسح على ظهري وتقره سوره «الاخلاص»
شفت بنيه تشرب ماي واكفه
انتبهت الـ شكلها لابسه تراك وردي وحاله شعرهاا
باعتلي مستغربه واجت يمي
لزمت خدي
سلسبيل.صددقه منووو هاي الحلوه عمه
مرجان.تؤ تؤ سلسبيل
سلسبيل.منو هاي عمه
مرجان.اخت صديق ادم
سلسبيل.اووي فديت
شنو اسمج
مرجان.رسل
سلسبيل ماما اسمها رسل ويله كافي فضول وصعدي فوك لـ رجلج
سلسبيل.لا اوكفي عمه الله عليج
مرجان.سلسبيل البنيه تعبانه روحي كملي
نوم والصبح هلا وغلا بيج
نزلي يمنه
سلسبيل.هزيت راسي بـ ايي وباوعت الها مووو تروحين
زين
رسل.ضليت باوعلها مستغربه من تصرفاتهاا ما تعرفني
وهيج تحجي وياي
سلسبيل.يله تصبحين على االف خير
طلعت من المطبخ
مرجان.لا تستغربين ماما هيه هلشكل
فضوليه شوويه وما تعوف شخص بدوون ما تاخذ منه معلومه
لوو تعرفه
رسل.هززيت راسي بـ ايي
ودنكت
مستحيه منهاا
ناس ما اعرفهم شلون هيج طيبين وياي
مرجان.لا تخجلين حبيبتي اني لو عندي بنيه جان هسه مثلج هيه
وانتي اخت صديق ادم
يعني انتي وياه صرتو نفس المعزه
رسل.ابتسمت بس بالكوه والغصه احسها واكفه بـلعومي
دخلتني لغرفه لكيت الحجيه جده ادم نايمه
وطفل صغيرون على جربايه
مرجان.كعدي حبيبتي
انطيني جبتج وحجابج
رسل.موو اخاف واحد يدخل هنا
مرجان.ما عدنه احد هو بس ادهم وما ينزل هنا
رسل.نزعت جبتي وخليت شالي على شعري
باوعتلي وابتسمت
مرجان.براحتج ماما انه راح اودي رواد لـ امه واجيج اخذي راحتج ونامي حبيبتي لا تتقيدين
رسل.هزيت راسي بـ ايي
طلعت واخذت وياها الطفل
باوعت للـ غرفه حلوه ومرتبه كلش والاثاث البيها بسيط ونازك كلش
رجيت ظهري على جربايه
وبالي راح يم رنا شحالج هسه بس ااريد ااعررف
تعبانه
والدموع ماخذه منهاا هوواي
الشـافته سند بعد ابوي وصارلها كلـشي
وهيه عنده بالدنـيه راح وماا يرجعع مثل ابووي شلون رراح وما رجع بعدد
ياارب سلمها واحفظهااا لخاطر البـطنها
مااتتحمل ولله ما تتحمل
ياااللهي سااعدهااا يارب تخلق وحاشاك ان تنسه عبادكـ
سهل ياللهي عليها مصيبتها
دخلت ام ادم عدلت كعدتي
مسحت دموعي بيدي
مرجان.ابقي حبيبه  بمكانج وبراحتج
بس ولله تعبن هلـ عيون الحلوات
من البجي
نزعت الرداء علكته
كعدت يمها وخليت راسها بحضني
رسوله ماما كلنه على هذا طريق
كلنه نموت
هذا شي حق علينه
لان النفس امانه عدنه من الله ولابد يجي يوم وتنرد هااي الامانه وترجع الـخالقها
بس البجي ما يفيد وما يـرجع ميـت
اقري الها الفاتحه وفد شويه ونكوم اني وياج نصلي اله ركعتين
ويارب يرحمه ويغفر اله
وما بيدنه شي غير الدعاء اله بالعفو
مسدت على راسها
احس بـهاي الحركه الانسان يهدى
لو شما تكون علي تراكمات وضغوطات من الحياه يهدا بهاي الحركه
ويرتاح ويحس بالامان وي الشخص الـيسويها اله
رسل.غمضت عيوني واحس بيها ثكال
مااعرف من نعاس او من البجي لو من تفكير
الماكل عقلي وكـلبي
نمت بحضنها وما اعرف شلون
بس حسيت نفسي  بـ امان
بس فتحت عيوني ضوه قليل بالغرفه
واصوات حجي  خفيفه او اقرب للـهمس
من ام ادم وجدته
____________________♡«مـرجان»
مرجان.عفتها تغفه
وخليت راسها على المخده
سبحانه الخالقها
حتى يخليها تدخل الكـلب بدون استاذن
باوعـت الساعـه
راح تصيربـ٣ ضبـط
نمت بصفها واصـبر نفسي
حتى لا تاخـذني نـومـه قبل صلاه
ما قاومـت ونمت
كـعدت على صوت عمتي
تكعدني لـصلاه
نوريه. يله يمه كعدي صلاه كل يوم انتي تكعديني حتى لو ما صلين شمالج ليوم
مرجان. ايي عمه كعدت
نوريه. چا سلسبيل شمالها نايمه هنا
اكيد متعاركه وي المصروع ذاكـ
مرجان. كعدت لفيت شعري
لا عمه هاي مو سلسبيل
نوريه. چاا ياهي يمه
مرجان. اخت مصطفى صديق  ادم
نوريه. ياا وشجابهاا هناا بس لا ادم مصخم الووجه وي صويحبه
مرجان. لا عمه ووين رحتي
بس زوج اختها مسوي حادث وهيه عندها دوام وجابها هنا
نوريه. ياا يمه ياافكررها يااهي منهن
مرجان.مااعرفها ولله
شنيي يمه جنت ميته انه شو ناس مسوي حادث وعدنه خطار
مرجان. اني كلت لـ ادم لا يكعدج و انتي البارحه تاخرتي بنومه
من وراه رواد
نوريه.وهسه لوليد شحاله خوما متعور
مرجان.لا عمه نطاج عمره الله يرحمه
نووريه.ييمه الله يساعدج ام مصطفى منين تتلكينها
مرجان.الله يرحمه
نوريه.اي ولله الله يرحمه ويرحمنه ان شاء الله
فزي صلي بـعد عمتج فزي
ان الله وانا اليه راجعون
مرجان.كمت غسلت وتوضيت رجعت صليت
وبقيت كاعده نومه طارت من عيوني
نوريه.ناامي يمه مبينه تعيبانه انتي
مرجان.لا ولله عمه نومه طارت من عيووني
نوريه.عينيني بعد عـمتج اروحن بـصاله
مرجان.كومتها وطلعنه لصاله
عمه احضر الريوك
نوريه.نسدحيي يمه هنا
انه اسوي شعددي هيه حليبه افورنها
مرجان.لا صدوك جذب اني اسوي ولله وحتى فد شويه واكعد رسل هم وراها دوام
كومتهاا وكعدنه بالمطبخ
بقيت اشتغل واسولف وياها
مرجان.عمه هيه هاي نفسها البنيه لكلتي عليها هذاك ليوم
لو عنده بعد غيرها اخت
نوريه.شنيه يمه شو خبطتيهاا ليه
مرجان.اقصد هاي نفسها البنيه هيه رسل الكلتي عليها ادم جان وي اخوهاا دائما
نووريه.خايبه هو ابنج ما يغبل تكليلها رسيله
اله عسوله مدرري شاف بيها
ويكلهااعسوله
ااخ منك ياا ادم
مرجان.لا عمه ولله مبينه حبابه وطيبه
نوريه.يا يمه چا هسه انه شكايله
وعلي انه احبنها بس احبن اداهر ادم
من جان يجي شايلها على ظهره وتكضي ليوم كله عدنه
اكيف عليهاا مونسه البيت
احسبنها  حسااب ادم
وهيه من الاخلاق والاداب بيت ابو مصطفى ينضرب بيهم المثل
كلهن مو بس هيه
حتى خوواتها من الاداب والاخلاق والتربيه
ابوهن وامهن تعبو عليهن
وشافوو خيرهن
مرجان.عمه يعني انتو من زمان جيرانهم
نووريه.ايي يمه عشره عمرر وياهم ولكمه تنكصم نصين بينه وبينهم
ونعم منهم
ناس جانت خووش ناس الجار يقدر جاره ويحترمه
اذ حزن جاره جن الحزن بيته ومنه وبي
واذ فرح تلكينه فرحاان اكثرر منه
والمناسبه لوو صارت بـ بيت من بيوت المنطقه كلهاا تفزع
وتساعد وتلم هذا وتجيب ذاك
والملح والزاد يتوزعـ
بيناتهم
واحد يضم الزين لـلاخر
والكعده والكوومه كلهاا سوه
مرجان.ابتمست على حجيهاا صدوك ايام حلوه والناس جانت زينه
هسه الناس تغيرت والنفوس اختلفت
خليت الريوك كدامهاا
هيه تحب تتريك من وقت
نورريه.كابليني يمه
واكليج لكيمه
مرجان.باوعت لساعه بـ5 ونصـ
بعد وقت ما اكعد رسل هسه
وهم اني جوعانه مو مالت انتظرها تكعد
كعدت خليتلي حليب بـكلاص
نورريه.يمه وليدتج مااا يحجون كدامج عن ابيهم وعلي اهيسن كلبي نار على وليدي
مرجان.دنكت راسي وحجيت
لا عمه ما يحجون شي كدامي
نووريه.ترجعين يمه
مرجان.وين
نووريه.لـ ابو عيالج
ليمتها يمه تضلون واحدكم عاشك الثاني
وكل وحد منكم بديره
مرجان.عمه ما اكدر ارجعله
نووريه.ليش يا يمه احسلنكم هسه مطشر شملكم
واذ على اهيلتج الج عليه انه اروحن الهم بس يمه اريد اشوفكم مرتاحين كبل لا الله ياخذ امانته
امن عليج وعليه
مرجان.عمه ما اكدر ولله
لحد هسه بالي وكفته وي الموظفه الوياه
ولله احسه مخلي خنجر بكلبي
انه غلطت ايي وما انكر ولله
بس عمه جان المفروض هو الرجال يعني هو اليكبر عقل وياي
مو يخرب بيته بيده
نوريه.يمه الله كاتب الكم تتفاركون
وصارت ولو فات الفوت ما ينفع الصوت
والراح راح
وي الايام ذيج
انتو ولد هلـ ايام ولد هذا الجيل
شمحلاها من تلمون شملكم وشمل وليدتكم
وتكعدون فوك روسهم
يمه ترا الراح
موو اكثر من البقه ولله يا يمه مانام ليله اذ مو اذكركم بدعائي
واكول الله يجمع بينكم
وانتو يا يمه كبار مو صغار واحد يعلمكم
وهاي الدنيه اليعيش هوواي يشوف هوواي
فكري يمه بينج وبين نفسج
ولا تستعجلين
وانه هم احجي وياه ماا اخلي
بس خلي يرد من سفرته
مرجان.هزيت راسي ايي
اكوم اكعد رسل
نووريه.كومي يمه الله يهدي بالج وسرج
مرجان.كمت وكل حرف حجته
بقه بالي وصعدت فووك وصلت يم باب غرفه ادهم
وعيت لنفـسي لمن صعدت هسه اني
مو جنت رايده اروح اكعد رسل
هزيت راسي
لشوكت ابقه هشكل
كل ما ينذكر اسمـه كدامي
اضيع دربي
هزيت راسي هديت نفسي
الا اله الا الله
ودكيت الباب عليهم
طلع ادهم مبين كاعد
ادهم.ها ماما
مرجان.صباح الخير حبيبي
شنو كاعد من زمان
ادهم.كبل شوي وصليت وكاعد اكلب بتلفون
مرجان.تعاا اخلي الك ريوك حتى نودي رسل للمدرسه
ادهم.يا رسل؟!
مرجان.اخت مصطفى
ادهم.ياا مصطفى
مرجان.خليت ايدي على كصته شبيك ماما مصخن
صديق اخوك
ادهم.ايي ذكرته
شكوو لمن
مرجان.مو زوج اخته توفه
و بقت البنيه يمنه لان امتحانات
ادهم.اووف
لله يرحمه ويغفر اله
وادم ووين
ليش ما كعدني
مرجان.ما راد يفززك بليل
اني سابقتك مو تتاخر ولتدخل غرفتنه اني وبيبتك
ترا البنيه هناك وكولش خجوله
لا تحرجها
فهمت ماما
ادهم.شلـقصه جاهل شنوو
مرجان.بعد اني حذرت بدل وتعال مو تنزل بلا تيشرت
ادهم.ان شاء الله
مرجان.نزلت حضرت ريوكه
بالمطبخ واخذت صينيه ريوك للغرفه
نووريه.ها يمه كعدتي وليدج
مرجان.ايي عمه هستوني كعدته
باوعت لـرسل فزت
مرجان.رحت يمهاا صباح الخير
رسل.هزيت راسي
صباح نور
استحيتت شنو اكلها شكلها ابد مو مالت اكلها خاله مبينه اصغر بهواي من عمرها
خاله ماا ترهم عليها ابد
مرجان.يله حبيبتي كومي غسلي حتى تروحين لـدوامج
رسل.كمت
وسمعت صوت جده ادم
نورريه.تعالي ليه حبوبه
خلي احبنج عمت عيني عليجن يمه
رسل.انتبهت الها كاعده يم الشباك ما شفتهاا
رحت يمها سلمت عليهااا
نوريه.شلونج حبووبه شلون
امج
اخيج
اخياتج
ان شاء الله بخير
رسل.هزيت راسي الحمدلله بخير
نورريه.البقيه بحياتج وان شاء الله خاتمة الاحزان حبووبه
وكلنه على هذا طريق
رسل.الحمدلله على كل حال
مرجان.يله حبيبتي
رسل. كمت من يم جده ادم وباوعت الها
فهمتني
مرجان.اني وياج امشي
ماما
رسل طلعت غسلت
ورجعت للغرفه
كعدت يم جده ادم
خلت يمي صينيه ريوك
نفسي مسدوده ومالي خلك اي شي
بس ما حبيت اخجلها
لزمت كلاص الحليب وشربت منه
حجيت وي ام ادم هيه جاي تعدل الفراشات
انه ماا عندي ملابس
مرجان.ها حبيبتي
رسل.ما عندي ملابس وما يخلوني ادخل اذ ما لابسه ملابس دوام
مرجان.اي ماما هسه نروح لبيتكم عندج المفتاح
رسل.هززيت راسي ايي مخليته بالجنطه مالتي
مرجان.طلعت الي ملابس من الكنتور
اني راح ابدل وانتي كملي براحتج واكلي لا تبقين بدون اكل
واني ما اخليج بدوام بس تكملين امتحانج
اطلعج
_______________________________♡
ادهم كملت ريوكي غسلت وصعدت فووك ابدل
فتحت الباب باوعت لـ رواد عبثث بنومته
عدلت نومته
رفعت راسهاا سلسبيل
سلسبيل.ووين رايح
ادهم.النااس تكعد تكوول صباح الخير
شبيج جنج مخرووعه
سلسبيل.كمت من جربايه وخرت شعري عن عيووني
وباوعتله
صبااح الخير
شلونك
شخباررك
ورين رايح من الصبح
هز ايده ودار وجهه يطلع ملابس من الكنتوور
اادهم موو احجي ويااك انيي
ادهم.رايح اوصل امي والبنيه
للمدرسه
سلسبيل.ياا بنيه
ادهم.بنيه اجت لباررحه
سلسبيل.ذكرتهه هااي ماالت الباارحه
رحتت وكفت كباله وهوو ماد ايده يفتح سحااب التراكسود
شفتهااا شنوو
ادهم.ليش
سلسبيل.ااددهم الله علليك شفتهاا
ادهم.لا شبيجج
سلسبيل.بااوعتله وقلصتت عيووني
وجن ركبني جنني وطبع باالي صورتهه حلووه وادهمم اسمم الله عليه ابدد ميحب الحلووات
لا ماكو شي حسبالي شفتهاا
ااروح ووياك
ادهم.عززيمه شنوو فووتي كملي نوومتج احسن الج يله عمـري
سلسبيل.شبيكك تريد تخلص منيي شنوو هشـكل مضااايقتك كعدتي
لوو شووفتي
بااوعلي مستغرب
ادهم.شبيج يببه كاعده من نووم تريدين تتعاركين
شعددج حلمانه متعاركه وتريدين ثبتينهاا بالواقعع
سلسبيل.ماا دتشوووف نفسك
شلون تنترر بيه نترر
ادهم.بالعباااس ابد موو طبيبعه انتيي
اطلعع اشرفلي
سلسبيل.ذب قميصه بوجهيي وطلع
ضرربت رجلي بالكاااع
اددهم
ولله عندددك شي موو خالي وهيجج مستعجل
شمرررت ملاابسه بالكاع ونززلت وراه
لكيته كااعد بصااله ويباووع بساعته
خزررني ودار وجهه فووكهاا هو الزعلان
غسلت وجهيي ودخلت لغرفه عمتيي
نووريه.اسم الله يمه شنيي حبوبه شماالج داخله دووريه تفتيش
سلسبيل.شبيج ويايه بيبي
نوريه.مدري يمه غيرر انتي جفتيي علينه جفتت
سلسبيل.اسسفه بيبي
صبااح الخير
نوريه.هلا يمه صباح الخير
مرجان.صبااح نور حبيبتي
سلسبيل.كعددت يم بيبي
وعيووني عليهاا
جاي تلف شال مالتها بـ اهمال
وما منتبهه الي ابد
باوعت لـ بيبي تحاجيني بس ما منتبهه عليهاا
نووريه.خاايبه شمالج ليوووم من الصبح طكين صفناات جنج ابو صابرر
سلسبيل.وياج بيبي وياج شنو تريدين
نووريه.ما اريد متج شي اكلج تردين اصبلج حليبه
سلسبيل. لا بيبي ما اشتهيي شي
مرجاان.يله ماما رسوله
سلسبيل ديربالج على ابنج
واني ما اطول واذ صارت بـ١٠ واني ما جاايه بس طلعي دجاجه  ذوبيهاا
رسل.طلعت من الغرفه وراه ام ادم
شفت
اخو ادم
مرجان.هاا ماما كملت
ادهم.ايي وشغلت سياره
البقيه بحياتج خوويه وان شاء الله خااتمه الاحزان وكلنه على هذا الطريق
رسل.وبحياتك الباقيه
طلعنه من الصاله
سياره بالكراج مخليها صعدنه وهو فتح الباب طلع السياره ورجع نزل سده
وطلع بسياره
مرجان.تندل بيتهم ماما
لو دليك
ادهم.لا شلـ قصه اندله رايح اله جـم مره
مرجان.لعد مر على البيت خليهاا تاخذ كتابها وملابس الهاا
ادهم.ان شاء الله
باوعت لـ تلفوني يدك
انتبهت للاسم ابووي
مرجان.تلفونك ماما
ادهم.ايي هسه
سيطرت على السياقه وجاووبت
ادهم.الوو هاا يابه
منتظر.هلا يبه
شلوونك
ادهم.بخير يابه انته شلوونك
منتظر.الحمدلله بخير
وين انته
ادهم.طالع اوصل امي
منتظر. وين تووصلها
بس لا بيت خووالك
اذبحكك ادهم تعرف شنوو اذبحك
ادهم.لاا بشغله ما كتلي محتاج شي
منتظر.ماكو شي  حبيبي
دكيت على اخووك هواي  ماكو ما جاوب ضل بالي عليكم وعلى امي
ادهم.ايي مو ادهم صارت فاتحه عد صابحه وراح وياه للسماوه
منتظر.لا اله الا الله
اكول ما يرد بس ضل بالي يله المهم بس تخلص شغلتك
مر الي
ادهم.صار يابه صار
منتظر اله صدك اكلك هيه يمك
ادهم.منوو
منتظر.اابن الكـلب اممك يااهي بعد
ادهم.ضحكتت ودردت السكان
بيدي
مشكوور ما تقصر
ايي ياابه
منتظر.شلوونهاا
ادهم.زين ياابه زين
منتظر.يله خلص ومر الي
ادهم.ان شاء الله في امان
منتظر. الله ويااك
ادهم.سديت تلفون انتبهت على امي دايره وجهاا للـجامه
وصلنه يم البيت نزلن وحتى ما حاجتني
ضليت كااعد انتظر الهن
نص ساعه وطلعن
صعـدن
اطلع للمدرسه
مرجان.ايي
ادهم.هزيت راسي وشغلت السياره
وصلت يم المدرسه
انتظركم هنا
مرجان.ما نطووول بس تمتحن
نزلنه يله ماما رسوله
دخلت للـ داره وراه توسلات قبلن يمتحنهن
قبل الطالبات
كعدت كداام المدرسه تمتحنهاا
بقيت اباوع مستغربه الوضع
وين زمنه وين زمنهم
وين الاداره والمدير قبل
اذ ووكف كدامه ولي الامر يضل يرجف
جان اله هيبه
هسه لاا اشوف طاالبه ترادد المدرسه وحدتهن لسانهاا اطول منهاا
شويه وجاابو بنات مخالفات بالزي وحده جاايبه تلفوون وياها
تعجبت ونقهرت بنفس الوقت
مراهقه وعقلهاا مو واعيي وتمشي وراه مشاعرهاا
وينضحك عليهاا بسهووله
بقت سؤال يتوارد باالي اهلهن ووين معقوله هااي قله المسؤؤليه عدهم هشكل ومتهاونين بتربيتهم
هزيت راسي وانتبهت لـ رسل تعصر بنفسهااا لان ما محضره بس على تحضير اليومي
خلصت وكمنه اتستاذنت من المديره وطلعنه
باوعتلي وحجت
رسل.هسه نروح لـامي
مرجان.لا حبيبتي هسه شووفي انتي شلووون تعبانه رتاحي شوويه
واخوج مو كلج ما اريدج تجين هنااك راح يصير تجمعاات
واقارب وناس معززين
وراح تعبين اكثر
رسل. اريد اشووف رناا خااله فدووه
مرجان. ياا يعمري ولله ماا اعرف شنو اسوي
امشي نصعد بسياره ونشووف شلوون ارهمهاا
صعدنه بسياره
ادهم. كملتوو
مرجان. ايي ماما خابر على اخوهاا اخوك
كلهم البنيه تريد تشوف اختهاا
وضال بالها عليها
ادهم.امي هسه اخوها ملتهي بالفاتحه
احتمال ما يرد عليه هسه
وشيوديهاا للسماوه
مرجان. مااما غير اختهاا
هسه بس نرجع للبيت
اتصل على اخوها
ادهم.ان شاء الله
مرجان.راح تطلع بس توصلنه
ادهم.ايي محتاجه شي
مرجان.لا سلاامتك
رسل.وصلنه للبيت
ونزلنه
دخلت للغرفه
فاارغه
مابيها احد
راسي بي صداع موو طبيعي وصوره رنا ماا راضيه تروح من عقلي خووفي عليهاا وهيه حاامل اكبر من اي شي بالدنيه
اختي وصديقتي واربع وعشرين ساعه اني وياها معاارك ما متعووده اشوفها لوواتخيلها تبجيي
دائمه ضحكتهاا على وجهااا وهذا الشي الخله مراد يحبهاا
واخذهاا بس مااهو هسه وعاافهاا هيه وابن ويمكن يعيش على هااي الصدمه لو لا
والقهرني ااكثر اذكر فرحتهم همه الاثنين لمن عرفوو رنا حامل
يااارب دخيلك ساااعدهااا يارررب رحمتك بيهاا
نفتح الباب درت وجهي
ومسحت دمووعي
سلسبيل.عمتيي تناديج
رسل.هزيت راسي بـ ايي
ومشيت وراهاا
لـصاله ام ادم وجدته واخوه ومرت اخوه
مرجان.تعالي حبيبتي
هسه دك ادهم على اخوج
رسل.الفتتت لـ ادهم بسررعه
منتظره جووابه ودااخلي نارر تسعر على اختي
ادهم.راح نروح انه وامي وياج للسماوه بس ما نطول هااي اوامر اخوج لان خاايف عليج كاال هناك ناس ما هامهاا غير الاكل ويتعاركون علي بنص الفاتحه واخوان لولد وابوه من حيرتهم بمصابهم مخلين الفاتحه كلهاا بيد اقاربهم يعني شغله فلتانه كلشش
وهو هم بس تكمل الفاتحه يجون ورانه
خوش حجي
رسل.هززيت راسي بـ ايي ليمتهاا نروح
ادهم.وراه الغده ان شاء الله انه هسه طالع رتبو اموركم على ماا اجي
سلسبيل.كااام وانيي وراه
وصل لباب البيت وبااوعلي
ادهم.شبيج سلسبيل من الصبح لحد هسه طابكاات براسج
تفتررين ووراي عباالك مضيعه شي بجيبي
سلسبيل.ووين راايح
ادهم. سلسبيل رحمه لـ اهلج ولوو  ماا يستاهلوون الرحـمه
وخري عني وخليني اتووكل للطريقي
سلسبيل.بسس كووولي ووين رايح وانته حتى شغلل ما تتشغل
وتطلع كل يوووم لصبح لحددد العصرر يله تنوور البيت وعاايفني هناا مكبووره بالبيت
ادهم.لا اله الا الله
ولج شبيج ليوم بس كليلي وجهج مكلووب من الصبح
لباارحه بـحضني مااا بيج شي
كعددتي متخبله ومنكـده عليه من الصبح
سلسبيل.ماا حجيت ضليت ابااوع بعيووني
نفسي ماا اعرف شريد
ادهم. لاااا تحجيننن ضللليي  واااريد اشوووف الكـلب المنطيج وجه شيسوووي بيجج بعدد
سلسبيل.رجعتت لوراه وهو طبك الباب حيللل
مرجان.شبيكم ماما
سلسبيل.انتبهت لعمتي ورايه
لا عمه ما بينه شي
مرجان.عليه سلسبيل شبيج ويااه
سلسبيل.ماا بيه شي عمه مااا بيه شي
مرجان.طلعتت تركض كددامي صعدت فوك لبيتهم
الله يستر
دخلت للمطبخ طلعتت الدجاج
وبديت اطبخ وبالي يم ادهم وسلسبيل العركاتهم ماا تخلص
ومنا ادم ما يشيل تلفون ويرد
يااربي اني شلوون بجـهالي لواحدهم ميعرف طريقه ووين
درت وجهي اغسل التمن
صارت رسل كبالي واكفه بـ باب المطبخ
ابتسمت بوجهه
هلـ بنيه سبحانه الي خلاني هلـكد ارتاح الهاا
تعاالي ماما لا توكفين بالباب
رسل.انه ضاايجه وما ادري ووين اروح كلت اجي اشوفج محتاجه شي ااساعدج بشي
مرجان.ايي يله تعاالي
اعلمج شتسوين
رسل.دخلت وخلت كدامي سله الخضره
مرجان.تعرفين تفردينهاا
رسل.هزيت راسي بـ ايي
مرجان.يله عـمري شوفي شغلج بس اسوي تمن واجي اكعد يمج
درت وجهي اكمل التمن وكل شويه اباوع الها
لهدوئها
وهيه تتشغل مبينه تريد تلتهي بشي حتى لا تفكر بـ اختها وشكد بعد يله نروح
رسل.كملت الخضره
غسلتها وعفتها على الكاونتر
بعد شكد وياذن
مرجان.نص ساعه قلتت الطباخ
تعالي نتوضه ونصلي ركعتين ونقره سوره ياسين
حتى نهديهاا لـ زوج اختج
ويارب يرحمه ويغفر اله
بـمحمد حبيبه واله
رسل.مشيت وراها توضينه
وبدينه نصلي
.......بعد ساعه
ادهم.سلسبيل ديربالج على رواد
سلسبيل.شلت رواد وراه ما باسه
درت وجهيي عنه
سمعته تافف وستغفر
ادهم.ضلي يبه ضلي مثل ما انتي اريد اشوف هذا اسلوبج وين يوصلنه
خليت الج مصرف يم جدتي
وفكري بحالنه علماا اجي ااريد سلسبيل العااقله
واحتمال
ماا ارجع بنمااا هذا الطريق
ومااادري شكووو بي المهم ديربالج على رواد ولا تخلينه بحده واذ تخافين نزلي يم جدتي ناامي
وقفلي البيبان
بليل
سديت الباب وراي ونزلت لكيت امي ورسل صاعدت بالسياره
سميت بالله وصعدت
_______وراه ساعات والشمس غرربت
ودعتنه
نزلنه وراه مخاابره وي مصطفى وهو يدليني الطريق لـكوني اول مره اجي للسماوه
نزلنه من السياره
لكيت بوجهي مصطفى وياه واحد
_______رسل.وووكفت السياره واحس كلبي ويااها وكف ميززت مصطفى من طووله واكف يمه واحد دنيه ظلام
وكوه تنشاف الوجوه
نززلت من السياره حتى قبل ادهم
قرربت يم مصطفى
انتبهت الـواكف يمه
نسر

#يتبع