نصفي المفقود

بارت٦

نصفي_المفقود
بارت 6
بقلم_bato_l●
الناشر_@Ahmaed
{هن ايام فاركناك بس وعيونك التنباس
جن اسنين مشتاكين}

_______________________________________________
مصطفى
مرت سنة على يوم نحيس بحيث كل اتمنى اكو مسح ذاكره
حتى امسحه من ذاكرتي
مشاهد لتذكير
كعدت المغرب اول شي خطر على بالي الورقه محمد يعني هو وراه هلي سالفه غسلت وجهي ونزلت ركض بيتهم ورانه بفرعين وكفت يم باب بيتهم
دكيت الباب
مصطفى -لكككك ك----- ابن لكلب------ اااااااطلععع اذ انتم زلم طلعووووو
ووووحق العبااااس نسوواااان لوووو زلمم فتحتووو الباب
كو..... ابن........
حسيت لزمت اثنين من ظهري
رجال،عميي كوول يالله ذوله مشرانين جيب عشيرتك وأكعد وياهمممم
مصطفى،التفت اريد احجي
و
نفتح لباب ولد عمره ل16 سنة طفرت من ادي لزميني تعال ابن ل.....
زنكته من قميص طلعت شكووو ضيم بكلبي بي  ملامح وجهه تاهت بيدي م همني الناس تحجز بينه هو بركان ونفجر  بداخلي ردت بس شي يطفي وهو طلع بوجهي
لين الهوسه لي صار كلهاا سمعت سركي لباب نفتح مره ثانيه
لتفت ناس كلها طشرت لعرفته بيده مسدس هو منو ما شفته
ما لحكت اعوف البيدي
هيه لحظات وحسيت شي نار اخترق خاصرتي لا إرادي أيدي صار على جرح على نار حاميه من دنكت أشوف دمي يطيح على كاع  ولله ما إجه بالي
لا الألم ولا دنيه ولا عمري لجنت راح اخسره لو ما رحمه الله
صارن كبال عيوني أمي ورسل
حتى من طحت على وجهي رجليه ما حسيت بيهن
من كد فكري وعقلي لي تعلق بيهن بهيج للحظه
واعي بس ما كدر افتح عيوني
حراره على بروده شنو الاحساس لي احس بي ماعرف بس الالم بد يجتاح .جسمي
اطرافي
هدوء غريب صار أثر صوت طلقه وحده
شويه ونطبك باب حيل
صفاره إنذار صارت كلها الأصوات تجمعت كلها تحجي سوه ما ينفهم
ناس ومصايح
لي بيهم يكول
شرررد كضووو لا تخلووونه يشرددد
كتلوووو لولد ليشش هيج شسوووه
نقلوووو للمستشفى راح يمممووت
ماااابي شي يتنفس بس جيبووو سيااره اااسعااف
ضوضاء وصوات زعجتني
الألم بدأ يأكل بجسمي كله لدرجه بقيت ما أحس بطرافي
كل شوي عقلي الواعي ينطيني يعاز أصوات لي يمي من صعدوني بالسياره
رجال يمي يحاجيني بس لساني أحس مربوط بشي ماكدر أرد
ثاني محطه أصوات الأطباء ويصيحون للغرفه العمليات فورأ
أخير محطه من حسيت أخواتي وازوجهن يمي
وصوت أمي باذني وهيه تصيح باسمي بس مو صوتهاا لا صوت بتلفون
فتحت عيوني بعد معانأه ماكو غرفه فارغه بس انه وعطر المعقمات الألم بجهت بطني من الايسرى كارثه
أحس حتى عقجت وجهي توجعني جسمي مكسر
بقيت اباوع الشباك دنيه بدايه غروب
حسيت الباب نفتح ودخل باسل
______________________
رسل،رجعت الوراه وانه اسمع حجي دكتور
دكتور،24 ساعه اذ ما صحت راح نشيل الأجهزه عنها وتبقه بيد الله
لله يشفيها انشالله ما عدكم غير الدعاء
رسل،كعدتني رزان  عل كرسي
صرخت
اررررريدد اميييي جيبووووولي امييي فدوه اارريد أمي ووولله بدونهاااا اموووت
ولله امووت
رزان،اشش حبيبتي ماكو شي وهسه تطلع ما بيها شي ولله وهم موو زين عليجج القهر منا مصطفى ومنا أمي وتكمليها انتي ادعي حبيبتي ادعي و انشالله اثنيهم يطلعون
رسل،لجج ونبي مااابيه حيل بعد مااابيه منا مصطفى ومنا أمي منا كسرت ابوي لبعدها بينه ولله مووو حمل قهر بعدد مو حمله لا انه ولا امي
رااح تموووت من قهرهاا علي ولله
باوعت روان مناك إجت تركض
روان،شبيهااا أمي ولجنن
رسل،دنكت راسي موووتني من الوجع وبس شهكه بلعومي احس عيوني نشفن ما بيه بعد ابجي
روان،وولجنن مصخمات شبيهااا
رزان،دصلن على محمد واله شل قصه ستهدن برحمن وخلن ايمانج بالله قوي انشالله اثنينهم سالمين وماكو شي
خلت ايدها على صدرها وجرت نفس وكعدت
روان،يااالله دخيلك شنيي ما مقسوم نفرح
رزان، استغفري الله شنو هالحجي
صدك رنين ورجلهاوين
روان،بقو يم رنا خطيه هم من رعبه راح كلبها
وانتي رسيله كومي اكلي شي من البارحه على لحم بطنج
رسل،ولله مالي خلك الأكل بحلكي أحس مر من هبطه مصطفى أمس وكسرته من شفته دخل البيت ولجج لملابس طلع بيهن نضيفات رجعن كلهن سود من لصخام ولله من دخل دمعته بعينه الله لا يوفقك يا محمد
رزان،اخخخخ اخخخ الله لايوفقه وانشالله بجاه حركه كلب ام وكسرت ظهر ايتام السواها ما يتهنئ يحياته
روان،لا تكولين هيج كولي حسبي الله ونعم الوكيل
وكلي امرج لا لله وهو يأخذ حقج حتى أكبر من دعوتج
رزان، وينك يا ربي واشوف بي يوم نذر عليه اله اوزع جكليت
رسل،باوعتلها وضحكت بكل سالفه تنذر توزع جكليت كضت حياتها تنذر جكليت وترجع الوراه رزان،هاااا يمه ما عاجبج وتضحكين
رسل،كضيتي حياتج تنذرين جكليت شهل قصه لما تخلص
روان،أي ولله كضتها تنذر جكليت وياريت موفيه نذورها
اريد اسئل أمي يمكن جابتج وهيه تنذر جكليت لو تأكل جكليت
رزان،هااا هيجي صارت
رسل،بستها بجتفها ولا تزعلين هو جكليت دائما يحب جماعته وياه هسه انتي يصير تشترين جكليته بربع ما يصير لازم 3 لو 4
رزان، فديت روحي طلعت جكليته وما أدري
رسل،خواتي نعمه من رب العالمين
وحده تهون على ثانيه
وحده تصبر ثانيه
وراه ساعه جرتنه رزان واخذتنه الغرفه بيها الممرضات توضينه وهيه فوك روسنه تفتر وتوصي صلاة بنيه الشفاء صلينه وقرينه دعاء شفاء المريض
ورجعنه لمكانه رزان اخذها رجلها جهال بالبيت هواي وما يتسيطر عليهم بقت بس روان ورجلها
علي *زوج روان* انه نازل للمحل أجيب جكاير تريدن شي
روان،اي فدوه جيبلي عصاير وكيك لهاي العوبه راح تطيح علينه هنوب بدل الإثنين ثلاث يصيرون
رسل،لا خويه ولله لا جيب شي
علي،ولجج رسيله اذ مصطفى مو هنا مو يعني ماعندج اخو كلنه خواتج وبالخدمه بس اشري
وهسه اجيبلج شي تاكلين شدين حيلج بي وراج تعب اخوج هسه حالته زينه وراح يصحى وامج هم انشالله تصحئ غير كون بعافيتج حتى تدارينهم
رسل،سالم انشالله خويه
علي،تردون بعد شي
روان،سلامتك حبيبي
رسل،لا تتحركن من مكانجن فاهمات
رسل .روان.ايي انشالله
رسل،راح وباوع الدكاتره يمشون وألهم هيبه ونازكه يجننونن
بأكثر اوقاتي الصعبه وتمنيت أخلي مصطفى يرتاح راح أصير دكتوره وما اخلي أحد يحتاج وافتح اله مثل محلات أبويه الله يرحمه مسحت دموعي واباوع دكتوره طلعت من الغرفه
دكتوره،مسحي دموعج وحمدي ربج معجزه من نجت من هيج جلطه
وهيه ضاربه على القلب
وكفت على حيلي أحس كلبي من الفرح دكاته تقرأ 600
رسل،صددك ولله يعنييي هسه ما بيها شي وهسه تكعدد مووو
دكتوره،رب يحفظها ويخليها خيمه على راسج
رسل،اارريد ادخل الها الالله يخليج حبوبه
دكتوره،انتظري شويه بس ينقلونها بغير غرفه وتشوفينها وتشبعين منها
رسل،ضليت كاعده على نار
روان تبجي من الفرحه يعني صدك ما متوقعين تطلع سلامات من طلعنها من البيت فاقده حتى نفس ما ابيها سبحان مغير للأحوال يالله يارب بقت فرحه مصطفى
إجه
علي،هااا بشرني
رسل،طفرت عليه وحضنته وتبجي
بأس رأسها
علي،كولي يالله ل حمدلله طلعت سلامات و انشالله مصطفى وراها يعديها بخير وسلامه
روان،أمين يالله ولله لو صار شي بمصطفى شي أمي ما تعيش هو نفسها بدنيه
علي،لا خير انشالله وولج شنو حليان الج الحضن بنص الناس
روان،هاي بنت لكلب صار ساعه تباوعلك حتى أكلها هذا مالتي محجوز
رسل،ضحك ويشاقيها
ضحكوني. رغم أحس حتى ضحكه باهته  وهمه  يتناكرون
طلعت أمي وبخير وسلامه وعدت يومين هيه زينه بس ما تكدر تمشي بعد
ما كلنالها ردنه بس مصطفى يصحئ حتى ما يأثر عليها الخبر
رنا وخطيبها واكفين وعلي وروان ورزان وحمد ورنين و باسل
كلهم واكفين ونعم منهم ما قصرو ويانه بشئ
وكفو ويانه وكفت إخوان
علي  عاف دوامه وكف ويانه بالمستشفى
وباسل صار اختصاص جهال كد ما كعد وي الجهال بالبيت
وحمد تكفل بمصاريف المستشفى
كلها
لحد للعصر دخل باسل لأن هو تناوب وي علي
باسل،رسل تعالي
رسل،طلعت بره على كيف أمي نايمه
شكو خوفتني ولله
باسل،تعالي وياي
رسل،مشيت وياه أحس كلبي لازمته بيدي
ونبي ما بيه أخسر شخص بعد
يارب لا تيتمني مرت ثانيه
يالله دخلنه لغرفه مصطفى باوعت كاعد ومرتجي على جربايه
رسل،دموعي سبقني ونزلن عيوني ما شوف بيها ملامحه عدل
أشر الي وهو متالم بصبعه على حلكه بمعنى لا تبجين
مصطفى،تعاي يكسره ظهر اخوج انتي ولله
رسل.ركضت علي وحضنته
بحضنه حسيت حنيه ابوي
مصطفى مووو بدون بجيي كافي يلاا
رسل،ليشش هيج سووويت ووالله مليت من البجييي عليكم
كلبي لازمته بيدي من الخوف عليكم اذ متتت انته سبب
ضحك وعقج وجه من الألم
مصطفى،ميخالف ياب عود نفصلج بعلاكه حلويات معدله بس خليني اطلع سلامات
رسل،اريددك سالم انته ولعلاكه لراح تجيبهااا
مصطفى، والعباس ما بيه أضحك
رسل،العلاكه مصطفى لا تنساها
مصطفى،دكووومي من انعل ابليسج هسه أحد يكلي ليش
رسل،ليش
مصطفى، لانج حقنه ما تنبلعين
رسل،أشرب وراي ماي انبلع ولله
مصطفى،كووومي لا اطيح حضج و الله
رسل،اخوي الغالي العزيز انته بس لا تعصب لا يطلع الك تجاعيد
وتعنس على كلبي
ياعيوني انته
راد يرفع ايده
كمزت يم باسل
رسل،الله بالخير
باسل،لجج ام المشاكل رجال مصاوب اكعدي عنه
رسل،يااا فوكاهاا صدك مكيوله سوي خير وذب  بشط
مصطفى، ولله لو صاحي انه لاذبج بشط بس أخلص من لغوتج
رسل،نشوووف
مصطفى، باسل
باسل،هسه اجيك
امشي ارجعج يم عمتي
رسل،يلا بوست مصطفى بخده وطلعنه
شبيكم تتغامزون
باسل،مو عيون ليزر
رسل،يمممه اسم الله عليه بيش طالبني ......
باسل،دفووتي يلا
_________________
مصطفى
باسل.هاا شبيك كمت تتغامز
مصطفى.اريد المسدس مالتك
نتفض وصاح
باسل،ووووللك صدك تحجييي أمك مووواته من ووووراك
خوواتك حااال ضيم حاااالهن وجااايني يريد مسدس دحيررر بروحك هسه انته صوابك ما صارله يومين بالقررران ولانزل القررران أختك كل شوووي وطايحه علينه و أمك بلانعاااش لله رحمك وطلعهاا سلامات وانته جااان خسرت روحك ......
مصطفى،هاي هيه ياب مارايد منك شي وكفو منك وما قصرت
باسل.مصطفى اسمعني رحمه لروحه لابوك العزيز
مصطفى، يالله أحجي أسمعك
جر كرسي وكعد كبالي
باسل.تدري منووو وراااهم ذوله لو ما تدرري
إذ ما تدري خليني اكلك ذيول...... وشكوو حزب بالعراق هم ساسه فهمت يعني عادي عدهم يصفونك وانته بالمستشفى ولا عبالك تطلع وراك عشيره لو عمام الله وكيلك عدهم ستعداد يبيعونك بربع دينار ااانته مصاوب يومين يومين يا ابو الغيره يالمعدل ماكو عم صار خير ودك الباب على اهلك ويعرفوون زين هن نسووان لا يحلن ولا يربطن وياريت كبار وعليهن اعتماد اثنين ومراهقات وأمك مره تعبانه ما بيها حيل تطلع لرأس الشارع
هاي يومين وهيج ماكو واحد منهم سئل لا عمام ولا عمات ولا خوال ابد جا باجر لو طموك جوه التراب شيصير بيهن يبعد أخوك
عووفك من هذا كله وادري بيك راح تطلع طرزان وماكو واحد يخوفك
ابوك مو لحد آخر نفس بي وهو يوصيك باختك وأمك
موو هذني مدلالته ليش تريدلهن ذله وتخلي شماتك يوكفون فوك روسهن ويشمتون بيهن لله وكيلك ساعتها تتندم ندم ومايفيد بعد
اذ ما كتلوك وصفوك جوه التراب
يكسرونك ويخلونك مقعد واختك تروح بيهن وحق الحسين المات مظلوم اذ مو يخلونها استغفرك يالله مصطفى صير عاقل واستر على أخواتك وأمك رحمه لابوك زين
مصطفى. درت وجهي عنه
باسل ماكو أعز من كرامه الرجال والرجال والزلمه لمعدل بدون كرامه ما يصير وأنه موباسل ماكو أعز من كرامه الرجال والرجال والزلمه لمعدل بدون كرامه ما يصير وأنه مو  بطران اخذوني غدر وحركو رزقي وصوبوني يعني  داسوها برجلينهم شيبقه مني
ولللك انه ماااا مدنك رأس حتى لابوي وتالي واحد ك... وس.... يغدرني ويخليني مربط
باسل،خووش نفترض كتلته تعرف هو هلواحد لاهله مووصح
ساعتهاا اذ همه هسه داسو كرامتك ثق بالقرآن الكريم المره جايه يدوسون على شرفك كدامك
مصطفى،رجعت راسي للوراه حتى صداع شكل عندي من وراه تفكير والمشكله كل الكاله صدك
باسل،لا تحجي شي ولا تفكر لله موجود وما يضيع عبده انشالله
مصطفى، لله كريم
باسل.اااافا يوول زلمه من ظهر زلمه ولله بس مرات الظروف تعاكسنه
مصطفى.نااار ولله وبالله نااار بصدري الألم ما جاي أحس بي بكد الحركه لبيه صايره
اخخخخخ اخخخ
باسل،سالم انشالله ربك عقابه أكبر من عقابك تذكر هيج دائما
لله لو راد ينتقم الك راح يدمره أكثر من نار التحرك بصدرك هسه
مصطفى،أمي هسه شلونها
باسل،لا الحمد لله اشوه من أمس
مصطفى، منو وصل الهم الخبر منو جابهم
باسل،مدري سمعت اسمها نهاد مدري انهار وانه دكت عليه رنا واخذتهم
مصطفى،هاي الب..... ما تكعد شووويه
باسل،اددري انته منطيك مخدر لو جرعه مالت السان زفر كله غلط
مصطفى.ولعباس ببوووويه بنت ل16 كلب شردت آدم واجتني هسه
باسل،يالله استلم شوف السان
لله يستر بس لا فروخي عليك طالعين اله اتبرئ منهم لا عرفهم ولا يعرفوني ابد
مصطفى، هو انته صاحلك خال لفروخك لشاخطين مثلي
صدك شعجب ماكو ولا واحد منهم
باسل، بالله بيت ويهرجونه بصياحهم هنا من اجيبهم الله وكيلك حتى لدكاتره تشرد
مصطفى، ههههه يالله هم صدك
اكلك أمي سمعت صوتها بس انه لا عيوني لبيهن يفتحن ولا لساني يكدر يحجي
جبتوها هنا شنو
باسل،لا يمعود مو دكتور يكول اذ المريض سمع صوت واحد يحبه ياخذ استجابه
خليت تلفون على ذانك وخليتها تحجي وياك
مصطفى، باسل بداعت جهالك زين وما تحلف بيهم جذب
أمي زينه زينه لو لاحها شي
باسل،دصلي على محمد واله واطلع بخير وسلامة وانشالله تتعالج بسيطه
مصطفى.خليت أيدي على وجهي
اخخخ ويكلي لا تاخذ بثارك منهم هااا
شبيها باسل احجيها تعودت على هل مصايب
باسل،يأبه والعباس ما بيها شغلتها بسيطه علاج طبيعي لرجلينها
مصطفى، تتحجييي صدك يعنيي ما تكوووم بعدد
باسل،تكوم انشالله بخير بزودك لا تفكر هوايه كدها وكدود وتعبرها وما دام انته موجود وسالم الباقيي يصلح وداعت جهالي
هااااا
وحق الحسين افضحك بالعشيره كلها واكول بجه
مصطفى، دنعل ااابو هالعشيره لما جايني منها خير
باسل. خووش حجي افضحك يم جهالي ولله اذعه سومر ما تلحكهم بالأخبار
مصطفى،اريد اشوفها صيحلي دكتور شي
باسل.لا يووولد ووين انه أجيبها
مصطفى،مو زين عليها ابد انه اشوفها وارجع
باسل،أشوف دكتور واجيك
مصطفى، راح حجه وي دكتور شويه واجه
هااا
باسل،مستحيل تتحرك جرحك بعده هدي وهسه اجيبها الك بعيوني ولله
وما عليها شي لأن احنه ناوين بليل نطلعها
مصطفى،زين واخلي رسيله تساعدك
تعبناك ويانه نردها بالافراح انشالله
باسل،ردها الي بعرسك لو خلصت طاقتك بالعراك
مصطفى،ابد ما بيه بعد فايده من الرأس الشارع
باسل،جا لتاخذك شتحصل منك بس المزاحك*صياحك او صوت العالي*
يلا عيني جهرتك عدلها لا تخلي أمك تلوب عليك ولا تكلها احنه ما كلنه الها يجي الخبر منك أحسن وهم تهدي عليها بسلامتك
مصطفى،الله كريم
طلع وأحس راسي راح ينفجر من الأفكار حد ما دخلت أمي شفت العافيه على هيئة بشر
بشر بشوفتها
_____________________
رسل،دخلت للغرفه أمي كاعده
ام مصطفى، يمه وين جنتي صارلي ساعه اريد انوش الماي ماكو
رسل،يمه رحنه يم مصطفى كعد
ام مصطفى،يااا وللجج وتكولينها هيج تعااي كووميني اشوفه يمه عمت عين أمك عليك رسل،وين ياامي انتي خلي يفحصا دكتور
ونشوفه
ام مصطفى،ولجج ما تنجبين انتيي وليدي طالع من حلك الموت وهيه تكلي دكتور
رسل،يمه هسه ولله هسه خل يجي باسل
ام مصطفى،ووولججج تعااي وكفيني
رسل،بعد معاناه قنعتها تنتظر شويه لأن احنه ما كلنه الها متكدر تمشي بعد
وانه ماكدر اسندها بحدي خررب هسه وكت روحتج يا روان
رجعت ضحكت
وانه أتذكر شكل مصطفى لزمت سبحه واسبح بالحمد
ام مصطفى، يمه الله خو ما متعور حيل
رسل،لا يمه ولله ما بي شي صاحي صل انشالله
ام مصطفى. كشش بره من عيونج
رسل،ياااا فوكاهااا
ام مصطفى.شكال دكتور عنه
رسل،ولله ياايمه مادري بس هو من رحت اله ماكو دكتور
ويمكن باسل راح يخلي دكتور يشوفه وإذ يطلعه لو لا
ام مصطفى،لله يستر
رسل،باوعتلها مستغربه
ليش يمه صوفي والحمدالله عداها سلامات
ام مصطفى،يا يمه لا مصيفي يسكت ولا هذولاك يسكتون رايح عليهم هداد وفوك هذا كله يكلك لولد لكاتله حتى وجهه مشوه
وهذوله عدهم ظهر بدوله
واحنه يا يمه ولله ما النه بالمشاكل بس اخوج راسه عنيد وبس الله يستر شراح يسوي
وانه كلبي يعلم ولله نأخذ اخوج ونطلع من سماوه كلها
ولله كريم
رسل،اجتني رجفه على حجي أمي صدك ونطلع من ديرتنه
ام مصطفى،لا تفكرين يمه ربج موجود بس يكون يسلم اخيج
رسل،كلنه نعرف مصطفى ما يطلع لو على كص ركبته ويعتبرها شرده
ام مصطفى، ولله لو اعرف اجتفه واخذنه هم ما اخليهم يكتلونه يمه هو هالواحد وما رايد  يسلم على روحه
هسه خليني بس أشوفه يمه بالعباس أحس نص من حيلي راح يروح هلكد ما افكر بي
ربي من عافيتي على عافيته بجاه حبيبك محمد
رسل،كعدت تتنخه بأهل البيت*عليهم السلام*
وتطلب منها صحته وسلامته
ونوب خلتها بالي صوفي عنيد وما يقتنع ويعتبرها شرده وهو يكول رجوله وجه لوجه مو شرده
حد ما اجه باسل وصعدناها بس هي تسئل
ام مصطفى، وولك يمه حااجيني ليش صعدتني بالعربانه تكرمت يمه مو
باسل،لا عمه صلي على محمد واله بس انتي هسه طلعتي من جلطه وخطره عليج ولله ولغرفه بعيده
رسل،سكتت بس ما قتنعت اخذنها
بعربانه للغرفه مالته
ودخلنها بس شافته بسرعه هسه بجت
وتمسح دموعها بشالها
ردت اتذب روحها من العربانه تلاحكها باسل لزمها
ولا عبالك خطوتين وتوصل
صارن سنتين نزل باسل جربايه علمود تصير حد بالعربانه
أمي فاتحه دينها اله وتشبك بي وتشمه ليشوفها سنة ما شايفته
باوع صارن سنتين نزل باسل جربايه علمود تصير حد بالعربانه
أمي فاتحه دينها اله وتشبك بي وتشمه ليشوفها سنة ما شايفته
باوع باسل مسح دموعه وطلع خطيه هو توفت امه قبل ابوي ب4 أشهر وجان حيل متعلق بيها التفت عليهم ذكرت  بهل لحظه مسلسل يوسف من يلتفي بابوه
أمي ومصطفى هيج
بقيت اباوع على مصطفى كوات لازم دمعته مضمدين جرح برأسه وشخطه يم حاجبه
وجهه أصغر صاير
وكفت بينهم
رسل،هيه شني جنكم يوسف ويعقوب كااافي يله ولله غرت
ام مصطفى،وللج متحيونه حرااام
يمه سوده علي مصخن
ما صحت علدكتور يشوفك
مصطفى، مابيه شي ولله وقبل لا تجون طلع دكتور مني
ام مصطفى، تعاي يمه عدلي كعدت اخيج يمه عمت أمك عليك
مصطفى،سالمه عينج يروحي لا تكولين هيج
رسل،رسل بيش لكيلو
يلا كافي خلص لقاء الأم الفاقده والابن ابو لمشاكل
عدلت لمخده وراه
ودنيت أمي عنه
سند روحه ورجع راسه على مخده
لالم شفته
رسل،يوجعك شي
مصطفى،بسيطه راحت
رسل،ولا يكعد هتلر دشوف وجهك شصاير بي
مصطفى،مابيه لا تلحين
رسل،عشتووو
باوعلي وضحك
مصطفى،وللج حركات العجايز منين متعلمتها
رسل،لك اسمع
مصطفى ،لك بعينج حيوانه ابنج صغيرون
تكولين لك
رسل،اهووو يا أبو ميرو على كلشي تعلق
اسفين يابه اسمع
ام مصطفى، انتي ليش ما سدين حلكج وتكومين عن اخيج
رسل،باوعتلها ما عاجبني هيه شني غير اخوي ومشتاقتله بالله عليك مصطفى
شوف شمسويتلها
مصطفى .عوفيها أمي متونس على سوالفها أحجي بعدد اخوج
b_ato_l
الناشر=Ahmead@
{قيل في العشق
حرف*د*
___أنت دائي و دوائي _داري ودنياي_دليلي ودلائلي
_دفئي ودرعي_درب ابتدأئي وانتهائي
_دقات قلبي ودرة عيني_____
تغليس عن سحك