Batool Abbas:
ِصّفُيَ آلَمًفُقُوٌدٍ
بًآرتٌ ٦٤
بقلم
batool
الناشر ahmed
♡
هو سندي العظيم ، قوتي و ضلعي الثابت الذي لا يميل اللهم احفظه لي ولا تريني بهِ مكروه
لـ آدم
________♡
مصطفى.انه ما راح اسئلج بس سؤال واحد
وحسره بكلبي تجاوبين علـي
ليش سويتي هيج انه بشنهو قصرت
التفتت علـي اجواء رهبتني هدوئه مو طبيعي
نظراته الما شايفتهاا كبل منه عنده
كلـت بـ تردد
رؤى.شنوو سويت
رفع حاجبه و نرسمت ابتسامه استهزاء على وجهه طبك جفين ايده سوه وي هزه رجلـه ما هدئت
مصطفى.رؤى ماتدرين شنـي مسويه
شني المغيرني عليج
وهيج حالج مكلوب زين اكو اثنين بعد اسبوع لـعرسهم
وعن حـب «حجـاها بـ استهزاء»ويجي من الموت الاحمر وما يسئل عنهاا ولا يشوفهاا انتـي ما سئلتي روحج ياابه ليش هذا الكلـب متغير ليش حاكـرني بس
ميخالف اخذج على مايج واكول انتي عاذرتني ونيتج صافيه وياي
رؤى.ولله مااعؤف شنو مسويه
هـز راسه بـ عدم اقتناع
طلع تلفونه من سترته فتح بيده وكف يمي جر ايدي بقـوه وخله تلفون بيدي
تحولت نظراتي منه للتلفون
باوعت لشاشه مجرد ماقريت اسم عقد زواج غرغرت عيوني ماكدرت اشوف بعيوني من دموعي وراه هاي الكلمه وبدون ماا اكمـل الباقي عرفت شبـي بهااي لحـظه عرفت انه وين طيحت روحي بـيا متاهه
شنو العذر الخلي هسه وكل الاعذار تخجـل كدام سوايتي
مصطفى.هاا روايـه هاا يلجمـه كلـبي دريتي شنو مسويه؟
_♡
رؤى.باوعت لـلورد طايح من ايدي
وتلفونه كدامي مشمور صاير قطعتين
سترته مذوبه على جـربايه
قطع كزاز متناثـره على الارضيـه
واحلام بعقلـي مطشـره
كلشي حلمـت بي وتخيلته معكـوس
مثل انعكاس صورتي وانه واكفه عالمرايه ياا ما حلمت اللبس هاي البدله بس وانه فـرحانه وانه مختار الشخص الصح
وانه ضامنه حياتي وراه هذا اليوم بسعاده
مسحت خدودي من الكحل السايل عليهاا
وكفـت افتح شعري ودموعي تنزل وي كل حجايه اتذكرها منه
وحجاياته مسموعه بـ اذني
بيدي افتح الج شعرج وينزل مثل الشلال خصل على ظهرج
حلمـي هذاا
لا تخـربينه وتصبغينه امانه لله عليج
اخذت كلنكس امسح بي وجهـي
رفعت راسي لـساعه بـ٣ ونص الفجـر
وهو ماكوو طلـع وما ادري بـي وين راح
مشيت اجر بخطواتي وبـدلتي جر
فتحت الكنتور طلعت خانه اله
فتحت الجهه الثانيه جانت الي اتذكرت من كلي صفطت هدومج بيـدي قطعة قطعة
اتذكر واتذكر والندم يااكلني اكل ينهش بكـلبي بس كلشي ما يفيد
كلـشي انتهه هاي اخر حجايه كالها وطلع من الغرفه بكل هدؤء بدون صياح بدون عياط بدون ما يمد ايده عليه وياريته مسويهه وبدون حتى ما يسمع منـي كلمه جان مكتفي بـ صوره وبدمع مني ثبتت كلـشي علـيه
فتحت البدله بطلعان الروح ومعارك طاحنه وياها
ذبيتها واحس حمل نزااح عنـي
لبست الدشداشه وفتحت باب الغرفه متردده اريد اتوضه واصلي حتى المغرب والعشاء فاتتني
باوعت كدام الغرفه صايره غرفه هم لمحت بيها طرف ثلاجه مشيت الهاا والخوف تارس كلبي
لكلوب جان مشتغل مديت راسي بيهاا طلع المطبخ
ومخلين كدامه مداسات لبست واحد فتحت السنك توضيت ورجعت بخطوات سريعه لغرفه باوعت اكو كومدي مركون زاويه علي مصلايتين واحد لون ازرك وحده وردي واثنين قرايـن
وكتب صايرات واحد فوك الثاني
لبست الحرام مديت المصلايه وعطرها طخ بخشمـي كد ما طيب وهادي
وكفت اصلي الشفع والوتر
وبعدها بدت رحلتـي بالدعاء
وي رب رحيم غفور ودود لطيف رؤؤف بخـلقه
شكـيت وبجيت وتشهدت وانه اسمع الاذان بـاذني وكان رب العالمين يكولي وكل الي امرك يا عبدي
خلصت من الصلاه وبديت اقره سوره البقره بـ نيه تهديه باله علـيه
كعدت مطوله بالقران بلكي ولعل اسمع طكه شي يخليني آمـن علـي
ايـست وعيوني احس قفلت بعد ما بيها مجال تنفتح
طبكت القران وحلت الي النومه عـ طرف المصلايه
خليت راسي بـ امن وغفيـت رغم الحزن والندم الجان بيه احس بيها الذه نومه نمتهاا
ما فتحـت عيوني بس على صوته من رعبتي علـي كعدت على حيلي وعيوني كوه اشوف بيهاا
فتحتهن عدل
باوعتله واكف فوك راسي لابس دشداشه وعطره تارس الغرفه
مصطفى. راح يجـن البنات يكعدنه فزي كملي نومتج عالجربايه
رؤى.هزيت راسي وانه مسطوره سطر وبعده عقلي ما شنو حجه
وكفـت صافنه علـي وهو واكف عالمرايه يعدل بـشعره
رفع راسه الي
التفتت وكال
مصطفى.بعدج نعسانه كملي نومتج عالجربايه لا تضلين نايمه بالكاع
رؤى.دنكت راسي منه وراه ما تذكرت كل لحظه صارت البارحه
لميت المصلايه نزعت الحرام مالت الصلاه كعدت عالجربايه وعيوني بالكـاع الخجل انهد علـيه احس كلشي غريب علـيه
كلشي ما مفتهمه زين انه هسه شنو مصيري وياه
لا انه البررت موقفي ولا هو الحجـه وكال بشنو يفكر ولا نهه الزواج قبل لا يبدي اصلا سمعت دكه باب خفيفه شوشت تفكيري
أنت تقرأ
نصفي المفقود
Storie d'amoreايتها الحياة متى ستكونين عادلة معي وتهبيني #نصفي_المفقود فقد انهكني ترسب الحنين بأوردتي وفصل الجفاف الذي غرس مخالبه بجسدي
