نصفي المفقود

بارت ٢٧

نصفيــ المفقود
بارت
٢٧
بقلم
batol
الناشر
Ahmaed11
( انت رونقي ورضاي و_روعتيـ_ ورفيقي وراحتيـ_ وروحي وريحانتي_
ربيعي وريعانـيـ و رؤيتي وروايتي_و رحيقي ورجائيـ_ ورجفه قلبي)
اخر شي مهم #وزاري
_______________________________________
(نرجع لل ٥ ايام وشنوو صار بيهن لان بارت ٢٥ ختمته بستعجال)
رسل. اسم الله عليج حبيبتي
باوعت لمصطفى غمزلي صدك ضحكت على حركاته شلوون عاش دور
ومثل تمثيل عدل
مصطفى.عاد انه ليوم انام يمج اخااف امووت
وما شابع منج
ام مصطفى.يمه لا تحجي عمري على عمرك ان شاء الله يبعد كلبي
ثاني يوم
رسل.كاعدين ساعه ب٧ الصبح  كعدت مصطفى وامي هم سويت الريوك ومنتظرين مصطفى  ينزل اباوع لامي بس اكلها بز تبجي كل فكرها العمليه صعبه وخطره
طلع مصطفى
خله ستره يمي باس راس امي وكعد يضحك صار هواي ما كاعدين هيج كعده الايام الراحت الله سترنه منها بس مستشفيات وسجن ومشاكل
مصطفى.الله حيوو رسيله
رسل.ضربت على رجله الثانيها يمي
الله حيوو اخووي
باوعلي وعيوونه فاتحهن كل قوته
مصطفى.بعد بعد ربي بس للحيه الله وكيلج وتكمل الرجوله عندج وولج شنوو هل تصرفات
رسل.يااا غير اصبح عليك
مصطفى.خررب بغيرتي جا هو هيج ووين الانوثه وين الهداوه
رسل.ولله عيوني هاي من تزوج يمي تجنيد
مصطفى.شوايت الله على تجنيد
رسل.اشرت بعيوني على امي لازمه سبحتها وتسبح حتى ما تريكت
مصطفى.هااا يمه يااهو ماات
ام مصطفى.يمه اسم الله بيش طالبنه المووت
بس وعلي عبن كلبي ملسوع لسع عليك
خاايب يمه كونها مخطره لا تسويها
مصطفى.شل قصه يمه ووين خطره ماابيها شي سهله الله وكيلج نص ساعه يفضونها
ام مصطفى.جاا انته شني تضحك عليه
امس عبنك تكول اخااف اموتن وللك يمه مشيه عليك  امير المؤمنين
كونها مخطره ابعد عنها وانه اخذنك بيدي لابو الجوادين وعلي يمه هو دواك شني وتاامن بدكاتره ما وراهم بس الامراض شكلت يبعد امك
مصطفى.حولت مكاني يمها بست راسها صدك جذب ام مصطفى جا هيه كالوها وداعت عيونج ساعه نص ساعه فاضه
ام مصطفى.جاا يمه  ما تشوف رويحتك ملفلفين خشمك وعلي يمه تره كلشي ما يعرفون
مصطفى.ايي يا امي بيج حيل سمعيني
ام مصطفى.جا اذ ما اسمع الك لمن اسمع كول يمه بكلي ولانك مريح كليبي
مصطفى.اروحلج فدووه
شوفي يمه
هو مو كسر لا نحراف وهذا الانحراف يتعدل بالليزر
شغله بسيطه وهمه ضمدوه علمود ما يبقه ينزف ويذب جراحه هيج وهيه عتباره عمليه تجميل يعني مو خطره وشغلتها بسيطه
رسل.جااا ما تاخذني وياك اسوي خشمي
مصطفى.اله يشيلونه الج هوه وين خشمج نص ردان ولا يبين
رسل.ياا انه خشمي ما ينشاف
مصطفى.ولجج العالم تسوي عمليات علمود تصغر خشومهاا وانتي هسه تريدين يكبرونه ولله تمشين بالمكلوب انتي
ام مصطفى.هدها يمه هاي متعافيه على نعمه الله
هسه ما تكلي ليمتها ترجع
مصطفى.للعصر ان شاء الله
ام مصطفى.لله يسهلك يمه وينور طريقك ويبعد عنك شر بني ادم ويدور بطريقك كل زين ويبعد عنك كل شين
رسل.ايي يممه هنيالك هيج دعاوي الك واحنه ضالين بس نصفن
ام مصطفى.شنيي يمه تردين تزوجين
رسل.عفست وجهي هسه اله زواج يا يمه الف شغله بحياتي
ام مصطفى.ايي يمه الله يرضا عنج ويوفكج
مصطفى.صارت دعاوي بفلس يله
سهله بست راسها شربت كلاص جاي وطلعت بره بالطارمه انتضر بسام
التفتت لصوت
رسل.اكلك استاذ مصطفى
مصطفى.الله يستر من تكوولين استاذ مصطفى مصيبه لا محال
رسل. ايي مصيبه وكارثه راح تجتاح العالم ليش ترزلني
مصطفى.ضحكت وباوعتلها ليمتها هااي
مرزلج
رسل.ليمتها
مصطفى.ايي ليمتها
رسل.ااامس
مصطفى.هاا امس عليمن رزلتج
رسل. لا ولله
مصطفى.اي ولله عليمن
هااا ايي علمود البنيه
رسل.ايي
مصطفى.مو لغلط منج يعني تدرين بيه انه علاقتي بس بسام وبهجت يعني مو عائليه يعني دخلتي عليهن وانه كوه افسر اختي منووو من وراه النعاس غير ما عولت السلام عليكم تطلع مني حتى اطلع ماكوو
وارجع ادخل مره ثانيه الكه بنيه وياج يااختي تعالي كليلي
دخلن جوه هن بيتنه كاعدات يعني لغلط منه تدرين شيجي بال الواحد يكول هو دخل متعمد وشوف شنو قصده يعني تعجبج الحجايه تجي النه وهمه بيتنه زحمه تره ولله
رسل.زين زين يا حجايه رجعي لمكانج
مصطفى.لا لمن ترجع غير حق وجاي سئلين
رسل.خليت بيها سؤال انته
هسه ما كتلي صار هوواي ما طالعين
بمناسبه تعديل خشمك ووين تودينه
مصطفى.انتي ليش محسستني عاله عليج
وماكو طلعه اخذ فد ثلات ايام استراحه كعده بالبيت
رسل.ياااا ولله صاررر هواي ما طالعين
مصطفى.ارجع ويصير خير
دك تلفوني
فتحت الخط واشرت لرسل تدخل
جوه
بسام.صباح الخير
مصطفى.صباح نور
بسام.جاهز تره واكف بره
مصطفى.طلعت والخط مفتوح واكف كبال البيت
ضميت تلفون وصعدت
بسام.سلام
مصطفى.وعليكم السلام
بسام.جاهز
مصطفى.شبيه ما تكلي
بسام.يله بطل مبين المعنويات عاليه
مصطفى.ضحكت ودرت وجهي
صدك ما سئلتك انته مزوج
بسام.لا ولله يكفينا شرهن
مصطفى.ليش ياب
بسام.مبين تحب النسوان
مصطفى.اكيد منو ما يحب امه اخواته
بسام.لا اني قصدي النسوان النسوان