b𝓪𝓽𝓸𝓾𝓵 𝓪bb𝓪𝓼:
ذبيت تلفون على الميز اشتغلت شاشتة وبيها مكالمة فائته
كمز كلبي وكل اعتقادي ادهم
اخذته من مكانه وفتحته دخلت على الرقم رقم رسل
هزيت راسي وخليته على الميز بدلت هدومي وانطرحت بفـراشي
دكيت عليها ما ردت اكيد هسه نايمة
____رؤى
تمشي الايام وحياتي جامده ومتوقفه عن الحياة
بدون اي لون
حياة غير لون الرمادي مابيها ملونها بذكريات بس
لحـد ما فـد يـوم
لميت المواعين مالت الفطور وغسلتها
وكل واحد راح يخلص شغله اله رسل اجه ادم يدرسها وراه غياب اله
مصطفى ياخذله ربع ساعة يمهم وبعدين يطلع يجيب سحور لو يروح للقاعة اليشتغل بيـها ادم
عمتي بهيج وقت تاخذ علاجها وتضل تقره قران لحد ما تنعس وتنام
رنا عليها وجبة ملابس وهيج كلها طاشة
رحت لـ امي كبل لا اصعد فـوك
فتحت الباب عليها
رؤى.ماما محتاجة شي راح اصعـد فوك
ام رؤى.اي ماما سدي الباب وتعالي
رؤى.سديت الباب ورحت كعدت يم رجلينها جانت كاعد عالجـربايه ما صارلها يومين من نصبها الها مصطفى
شبيج ماما ضايجة من شي
ام رؤى.لا الحمدللة
بس ردت احجي وياج شوية
رؤى.اي شنو
ام رؤى.شلونج انتي ومصطفى
رؤى.الحمدلله ماما
ام رؤى. سولفيلي عن علاقتكم شلونها.
دنكت راسي منها احسهاا تقره بعيوني شكو شي ما يعجبها مني
رؤى.زينة ماما
ام رؤى.رؤى ماما احجيلي ولج انه امج من ليمتها تضمين عليه شي
اعرفج واعرف طبعج لا هذا الهدؤء الج ولا هذا طبعج بالخطوبة
شبيج نكلبتي بس اجيتي هنا وحتى رجلـج ذااك هو مبين ما مرتاح ويااج ولا ضايك الراحة شنو البينكم ماما احجي كبل لا توصل مشكلتكم لمرحلة ما تنحل ابد
رؤى.ماكو شي ماما
ام رؤى.كولي و روحه لـ ابوج ماكو شي بينكم
رؤى.بلعبت ريكي واباوعلهاا ودموعي كلها تجمعت بطرف عيني
ام رؤى.احجيي رؤى لا تفتين كلبي وتخلينه نخسر واحد مثل رجلج دره ماالت الله
وين تلكين مثله
نـزلت دموعي وي حجـيهاا وكل حرف جن يدك بسماار ينـدك بـ راسي
ام رؤى.شصااير رؤى احجي
لا تشعلين كلبي
ماما احجيلي انتي ضامه علـي شي
رؤى.هزيت راسي بـ ايي بدون صووت مني
ميلت راسها عليه ودعيونها لمعت بدموعهاا
ام رؤى.ما كايله اله على زواجج موو
رؤى.هزيت راسي ودنكت بحـضنهاا انكطع نفسي وانه اضم روحي بيهاا مااريد اسمع اعتابهاا
ام رؤى.ليش هيج ماما ولج لا ربيتج هيج ولا علمتج تخدعين الناس
وتعيشين غيرج بوهم منج ليش ماما هااي جززات تـربيتي الج
عووفي البجي وحاجيني شلوون لحد هسه ما طلكج
رؤى.مادري
ام رؤى.شنو مااتدرين شنوو الشي مااتدري بي لا تخبليني وتخلين صووتي يطلع واحنه بـ بيت ناس غربه
رؤى.ولله ماما مااعرف ليش ماا طلكني من اول مااعرف
ام رؤى.انه ادري ليش سااكت لان تربيته اانظف من تربيتج واحسن باالف مره وماا راد يكسرج وانتي يتيمه وبالمقاابل انتي شنوو جازيتي
ليش هيج رؤى ولج موو سئلتج وكلتي الي ايي ماما حاجيه اله
ليش ضميتي عليه وعلـي
رؤى.احبه ماما ولله احبه مااردت اخسره صاارلي ابو بوكت جنت بي محتاجه حجاايه حلوه
وصارلي اخو وسنـد بوكت عازتي وما عافني لوحدي شفتـ اهلي كلهم بـي ما ردت اخسـره وادري لـو راح مني
ما راح الكه مثله اصلا ماا راح اتقبل رجال وراه
ام رؤى.واليحب هيج يسوي ياذي ويقهر ويكسر ويخرب فرحـة اليحبه
كعدي احجيلي شنوو الصار بينكم وبالقرران ياا رؤى
لوو جذبتي بحـرف واحد علـيه
اعتبري روحج طالعة من هلـ بيت وبالحلم دوسين عتبـته سدي حلكج من البجي وكعددي احجي يلاا
رؤى.وخرت من حضنها ارتجيت على كرسي صاير بظهري
مسحت دموعي بيدي
ام رؤى.احجـي يله
رؤى.شنوو احجي
ام رؤى.شلوون عرف منج تقرب الج
رؤى.لا
ام رؤى.عززا العززاني چاا شلوون عرف ولج
رؤى.ماادري بس هو بيوم العرس راوني صوره مالت العقد حتى ما حجـه وياي
ام رؤى.منين جااب الصوره العقد
رؤى.ماادري ماما يمكن وااحد دازهاا اله
ام رؤى.ولج انتي صااحيه شتحجين هوو عقدكم انتي والمرحوم ووينه عدمن
رؤى.بيتنه غير
ام رؤى.وي الجناسي مضموم يااهو اليوصله
رؤى.شدراني
ام رؤى.مااغير ابن عمج الشفيه
رؤى.رامي شعلي
ام رؤى.شلوون شعلي منووو يدري بيج متزوجه لا النه عرف هنا ولا ولف
ياهو الحاقد عليج ويشوفج دم سنونه
رؤى.زين ليش ولله ااانه مالي علاقه بكلشي صاار
ام رؤى.عووفج من هااي السالفة صاارت وراحت بعد لا بيدي ولا بيدج حسبي الله ونعم الوكيل بالجان السبب
شنوو صار بينكم وراها
رؤى.بس ماما ولله ما صـار شي هاي عايشين حياتنه كدامكم والفوك سوه
ام رؤى.يااربي انطيني صبر ايووب على هلـ بنيه
ماا كملتوو زواجكم
رؤى.هزيت راسي لا
ام رؤى.غضب الله هزت راسها بقهر
وصاحت
استغفرالله ربي واتوب اليه استغفر رربي
كـومي عني ررؤى كومي
أنت تقرأ
نصفي المفقود
Roman d'amourايتها الحياة متى ستكونين عادلة معي وتهبيني #نصفي_المفقود فقد انهكني ترسب الحنين بأوردتي وفصل الجفاف الذي غرس مخالبه بجسدي
