نصفي المفقود

بارت ٤٨

Batool Abbas:
نِصّفُيَ آلَمًفُقُوٌدٍ
آلَحًزٍء آلَثًآنِيَ
بًآرتٌ
٤٨
آلَنِآشُر
ÃĤϻẸĎ
بًغُدٍآدٍ وٌ عٌيَوٌنِچ يَدٍآدٍهّ آوٌلَ سِآلَفُةّ عٌلَﮯ بًآلَـيَ.🤍

____♡
للغرفه سحبت جبتي  وشالي على سريع وخمشت عباايه امي من الباب وطلـعت
من باب الشـارع  بااوعت الناس هوواي بالـشارع
وكت حلـه دواماات وطلاب مدارس وسيارات هوواي تمر وهيه السياره الصاعدتهاا عاليه نطيتها العبايه
رنا. خليهاا على جتـافج هوواي ناس
مديت ايدي الهاا يله تكدرين تنزلين
رسل. ايي جلـبت بيدهاا ونزلت
شكررا تعبتكم هوواي
نور. انجبيي تعب شنوو وعفووا حبيبتي
رسل. ابتمست ودخلت للبيت
التفتت لـ رنا
ليش ما تشكرتي منهم
رنا.علـيمن
رسل.هذا موو الخط مالتي
هذا يصير صديق مصطفى وهو جاابنه اليوم ومـدري عده شغله واخرناه
رنا.ووثووول چاا غير تكليلي شكد فشله من النااس
كعدتهاا على القنفه شوو اشوف رجلـج
ولج هااي محفوره حفـر
رسل.ما تـوجعني بس احس خـدر بـرجلي
رنا.هسه اجيبلج شاش وتعقيم واجي
رسل.جابتـهن واجت عقمتهاا ولفتـهاا الي
چاا امي ووين
رنا.كبل لا تجين دخلت للحمام تسـبح
رسل.ايي ارووح اصلي انه
رنا.اساعدج
رسل.لا اكدر اتوجه على الحايط بس شلوون بصدريتي
رنا.ماتفيد هو قماشها يتهـلب ونووب نشـكت ما عندج مالات العام
رسل.كصيرات عليه
رنا.خوووش الـعصر نروح ونشتري الج كوومي صلـي
وانه رايحه اشـوف اسـوري
دخلت للغرفه وشلته من الكاروك
حبيبي ماما شبيك وولك ليووم خوينس
ضحك وتمغط بـحضني شبكته ارووحلك فدوون ونـذر لـضحكتك الحلووه
يااعمـري انته
سمعت تلفون يدك شفت اسم مصطفى
جاوبت عليه
مصطفى.الوو
رنووش رسل وصلت
رنا.ايي وصلت
مصطفى.شنيي متااذيه حيل
اجي اخذهااا لصيدليه
رنا.لاا مااا حاجـه جرح بسيط هسه عقمتهاا ولفيتهاا
ماابيها شي
مصطفى.متاكده زين هيه يمج
رنا.ايي ولله ياخويه متاكده
لا جااي تتوضه
مصطفى.خوش يله ديربالج على روحج
رنا.الله وياك حبيبي
دخلـت رسل
رنا.مصطفى دك يسئل عنج
رسل.توقعته لان بـسام خابـره وكاله
رنا.هو هذاا بـسام
رسل.ايي هو هذا ابوو الـكيك مخـروع
رنا.عيبب ولج  شنوو مـخروع
رسل.شـكلت انه هسه ترا مو كلـشي عيب وعيب
رنا.اام لسااان ماا ينـگدر عليج وناكـره معروف هم الرجـال جايبج من لمدرسه لهنـا
هااي لوو غـيره جان كال انه شعليه بيهاا
رسل.ولله حسستيني بـ ذنب بس هم  انه سمعته يكوول اعوذ بالله من فـتن النسـاء وضـلت باالي ما شوفينـي حجيت عـلي
رنا.ليمتهاا هااي
رسل.هااا مو هستـوج تكولـين عيب وعيب
هسه انه اكـلج عيب تسئـلين
رنا.عاابت هلـ خلقه
اخذت المشط وامشط شعر اسـر هن شعرتين بـراسه ومدللتهـن
يمااا ارووحن فدووه منوو يـشبه وليـدي بـجماله
اخذته وطلـعت طفيت الـمرگه وكعدت بصاله على طيـور الجنـه
وهو مسـلهم عليهمم ويـضحك ااروحن فدووه الك انه
شويه وغـفه شلته وخليته بـفراشه
صبيت غده تجمعنه انه وامي ورسل
تغـدن ونامن ضلـيت افتـر بلـبيت مااكوشي اسووي تنظيف احس البيت يصيح الـغوت من كد ما امسح بي
ملابس غاسلتها والمطبخ ماابـي شي
لـحد العصر اجه مصطفى سئل عن رسل كتلـه نايمه صبيت اله غده على ما سبح وبدل
مصطفى.عاشت ايدي ام اسـر
رنا.وايدك صدك صوفـي
رسيله نشـكت صدريتهاا ومالات العام مايصيرن الهاا
بلـكي العصر نـروح نشوف الهاا
مصطفى.ان شاء الله ترحين انتي وياي لان هيه عدهاا محاضره بالمعهد العصر
رنا.روح انته بحـدك
مصطفى.وانه ووين اعرف بـ هدوم البنات والمدرسه امشي وياي غيري جـو وهم تـعرفين قياسهاا وشنوو اليعجبها
واسـر عوفي يـم امي
ما دام نايـم
رنا.هزيـت راسي فكره ولله بس خايفه على اسـر
مصطفى.امي يمه لا يضل بالج
واحنه ما نطـول فوتي هسه بدلي
رنا.ايي شلت المواعين غسلتـهن وكعدت رسـل
تروح للمعهد
وكفـنه اثننيه نبدل
وطلعنه لكيت مصطفى مكمل جاي يلبس بحذائه
مصطفى.هااا صح النـوم
رسل.هلا
مصطفى.شلوون رجلج
رسل.لا ماابيهاا شي
مصطفى.خير ان شاء الله يله تحـركن
رنـا.طلعنه وصلنهاا للمعهد
باوعت للبنات اشكال والالوان
يدخلـن
انتبهلي مصطفى
مصطفى.هااا تباوعيلهن
رنا.مـدري يـمكن حنـيت للمدرسه
مصطفى.ارجعج اذ تردين
رنا.صدك تحجيي ارجعلهاا وانه ام
مصطفى.واذ ام اذ بالج شي وتريدين تحققينه المفروض ماايوكف بـوجهج شي مزوجه او لا عندج جهال او مااعندج
رنا.ماا ادري
مصطفى.فكـري بيهاا واذ تريدين تكمـلين اقدملج على الـسادس خارجي وامتحني واجيبلج كتب من هسه حتى تبدين تـقرين
رنا.يعني تـقبل انته
مصطفى.احسن من كعدتج بالبيت
رنا.اخااف عمام اسـر يعارضون لوو شي
مصطفى.شوف رنا حجاايه (اخااف) كلش اضووج من اسمعها منج لو من وحده من اخوتج