نصفي المفقود

بارت ٧٤

نـِصّفُيَ آلَمًفُقُوٌدٍ
بًآرتٌ٧٤ قـبل الاخـير
بقلمbatool
آلَنِآشُر ÃĤϻẸĎ
___
- خانڪني حبلك بس رخي،
- لاڪاطع عليه الهوى،
- ولايرضة من اشتمة،
- بيك التناقض بالحبل،
- ينشدونك تكلهم عدل،
- ماميت الله يرحمة،
_____________________________♡
رؤى.ما حجـيت شي وبس عيوني بعيونه نظراته تحولت لـ غضب مكتووم
رد بـ نبره بـ اقووه
مصطفى.ااحجيي يله فهميني
تردين تطلكين رووايه
رؤى.هزيت راسي بـ رفض ناافيه توقعه
لا ولله موو هيج قصدي اابد
افهمني ولله انه اريد طفل وماا عليه شي ليش ماا تصدكني
ابتعد عني و وكف بنص الغرفه يحرك جفين ايده على ركبته ويستغفـر
مصطفى.طلعي رؤى طلعي واتجفي شـرري
رؤى.ذبيت الملابس من ايدي ورحت وكفت بظهره
ماا انكر خوفي لا يجيني راشدي يطيرالي نص وجهي  بس ماريده ياخذ الحجي ويفهمه حسب مايريد هو
مصطفى لا تفسر الحجي بكيفك انته تدرري كلش زين هذا مو قصدي ابدد
التفت الي يمثل الهدؤء عكس ملامح وجهه النكلبت
مصطفى.سددي الموضوع رووايه
خلـيت ايدي عالصدره واباوعله بتوسل
رؤى.مصطفى شبيك متغيـرر من رجعـت ليش كل حجيك صياح وتنتر بيه..... قاطعني
مأشر على نفسه
مصطفى.منوو مصيح بيج وناتر احجي
اذ على اوول امس تراا من حقـي مرتي ماا يحق الج تنكشفين على غيـري وانتي رافعتلي الدشداشه وهدوومج لاطشه على جمسج وتغسلين الحووش
منوو عااتب علـيج
حجـيت مبرئه نفسي
رؤى.بس انه ماا مكشوفه على احد غيرك
مصطفى.لج باابه هاي سطووح جيراان خوماا ارووح ادك كل باب ولله من رخصتكم مرتي تريد تغسل الحووش ويضكايهاا الثوب الـ عليهاا
حجـيت وعدلت وكفتي كدامه عصبيته تهزنـي وطير الحجي من عقلي
رؤى.هاي هيه ولله بعد ماا اطلـع
مصطفى.شحددج تفكررين تفكيرر بس مووتسوينهاا وطلعين بمنظر هذاك ليوم 
رؤى.هسه انته لفت السالفة علـيه وخليتني انه الغلطانه
مصطفى.اسلمي على روحج روايه ليلة ولا تكربين من يمي
رؤى.رفعت راسي اله وعيوني بعيونه حجـيت وايدي تمشي عالصدره
ليش مااتريد اضل بالغرفة
غمض عيونه بـ صبر ورجع يبااوعلي
ميلت راسي وهو نفس نظراته
اروح اباات يم رنـا
هزيت راسي بقـبول بدون جواب منه وبعدت عنه رحت اخذت ملابسي وسديت الكنتور سمعت طكت قفل التفتت اله شفته قفل الباب وشال المفتاح خلاه على جهة منامه بالجربايه
تمدد بمكانه وايده على عيونـه
ابتسمت ودرت وجهي المهم ماا يخليني اطلع من الغرفة حتى لو زعلانين
تمشيت طفيت الكلوب و وكفت ابدل صاح
مصطفى.ليش طفتي النـ...
رؤى.كمزت وحجيت بسرعة وانه البس بملابسي
بس اابدل ولله
سمعته استغفر فتحت الكلوب بسرعة رفع راسه باوعلي
وكلب وجهه ماا ركزت وياه رحت لتسريحة اخذت مرطب لوجهي واديني وشفافي ورجعت كعدت على القنفه المعزوله بزوايه علمود الشاشة خليته على فلم
الخزانه السحريه
الاخوان الاربعه ويدخلون بـ غابة ويلكون الاسد والساحرة ووو كلش احبه وما امل منه ابد

باوعت لطااوله كدامي الحجـل مالتي ايي هذا هديه حملي
شجاابه هناا منو طلعه؟؟
ما اهتميت مديت رجلي وبديت البسه قفلته وحركت رجلي نضربن الطوبات البي وصار صوت
فزيت على صوته و ايدي على صدري التفتت اله
ليوم ناوي يكضيها عليه عياط
مصطفى.ليوووم ماا نااام شلون بله
رؤى.نام منو لازمك
مصطفى.وهذاا النـعل المشتغل فووك راسي
رؤى.مو انته كتلي بقيي
مصطفى.ليمااات هااي
رؤى.استغفر لله يااربي كلتها بكلبي كمت مبتسمه كوه على روحي
ما صار شي حبيبي هسه اطفي الكلوب ونام براحتك
كعد وارتجه على التاج  من شافني اتمشه كدامه اسويله عرض اغراء
بس ولله انه حباابه طفيت الكلوب ورجعت لمكـاني
بـ صمت تمددت عالقنفه ومندمجه بالفلم وكلساع اسمع صوت طكه الجداحه
سمعت خطواته يمكن كام فتح الشباك لان الغرفة صدك تغبر جوهاا
وانه عيوني قفلت واصلا ماا بيه حيل حتى اكوم لجربايه
غمضت عيوني وبعده ضوء التلفزيون بعيوني
يمكن خمس دقايق وحسيته انحجب عني
فتحت عيوني من حسيت ايده ترسم على زندي
هز راسه بعدم رضا وحجه بـ نبرة هادئه تختلف عن مساع بـ ١٨٠ درجة
مصطفى. مو كايلج لا ترسمين على جسمج 
رؤى.وشم مؤقت ولله وهم لزكه يعني ماحد رسمه الي
مصطفى.وحجلج هم احد لبسه الج
رؤى.هزيت راسي بـ لا وغمضت عيوني نعسانه حيل
حسيت بـ ايده تسللت لشـعري بحركة تخليني انسه نفسي بالنوم
ابتسمت بدون ما اشوف ملامح وجهه دنك يم اذني ولحيته الخفيفه خرمشت وجهي انفااسه دافيه تلفح بـشرتي
مصطفى.كومي نامي يمي
رنا.ما بيه ولله ونعسانه
حسيت بيده  نمدت لـ رجليه والثانيه جوه راسي انشاليت  تخليت بمكاني الحقيقي
طفه الشاشة واجه نام بمكـانه تقربت يمه ودحست روحي بصدره
وسعني وادينه حاوطتني همس يم اذني
مصطفى.بطلي العنااد روايه كلبي
____♡ رسل&ادم
رسل.ذبيت العباايه بالكنتور وطبكت الباب حيل مالته
صاارت بدخلت ادم باوعلي وبقه بمكانه واكف
ادم.شبيج رسل حتى الكنتور ماا سلم منج
رسل.ما بيه شي
نمـت بمكاني واتغطيت
طفي الكلوب ويااك اذ طلعت
ادم. كعدي خلي نحجي
رسل.نعسانه ادم وتعباانه ليوم كله واكفه على رجليه عوفني لله يخليك 
ادم.براحتج
طفه الكلوب وسمعت الباب انطبك مره ثانيه
هزيت راسي رافضه دموعي تنزل خنكت وجهي بالمخده
وتهربت لـ نوم ملجئ امان الي
نمـت وكعـدت على صوت الاذان بتلفوني كعدت على حيلـي من شفت ادم نايم بمكاانه
استغـربت منه
لفيت شعري و
كمت خليت شي على ملابسي وكعدته
طلعت اتوضه شفت عمو كاعد صحبت علـي رد عليه بـ ابتسامة يااربي هلـ رجل طاقة ايجابية بس ولده يموتون على المعارك والمكافش
رجعت للغـرفة مديت مصلايتي ومصلايته
وكفت اصلي وهو كدامي
ختمت صلاتي وكمت كعدت على جربايه اباوعلـه
هو خلص
كعد كبـالي
ادم.هديتـي هسه
رسل.جريت نفس بـ ندم
اسفه ولله مااا تنـعااد ابد
هـز راسه مبتسم ما جاوبني
شعجب نمت هنانه مو يم ادهم
ادم.لازم يتعود على مرته وهيه هم تتعود وتعرف شلون تعامله لحد ماا نحاول نقنعه يروح لـ دكتور
لان شغلته نفسيه
رسل.يعني ماا بعد تناام هنااك
عبـر لمكـانه وحجه وهو متمدد
ادم.ليش ياابه لازم مشتاكتلي
رسل.فتحت ايده ونمت علـيهاا
اكيـد مشتاقتلك ومووت همم
خلـه ايده الثانيه تفكلي شعـري وكال
ادم.اسم لله ياابه لا تجيبين طاري المووت عالسانج
رسل.تراضينه
دنـك راسه الي وغير الهوه ماا يفصلني عنه شي
ادم.هو انه اكددرلج
رسل.احسن حبيبي احسن
دنك راسه عالركبتي وهمس
ادم.هسه نشووف منوو الكادر وياهـو المكدوور علـي