لتفتت حور بأبتسامه مصطنعه و هي تهتف: احم.. نعم يا آدم
آدم بحده: ايه اللي انتوا عملتوا ده
حور ببراءه مصطنعه: عملنا ايه يا آدم
آدم بنفاذ صبر: انتي جايه تهزقي البت يا حور
حور بغيظ: اصلي انا لحظت انك مش طايقها و مكسوف تقولها...فقومت بالواجب
آدم و هو يرفع حاجبه: لا و الله...انا لو مش طايقها و مكسوف اقولها مكنتش عملت معاها الصفقه
حور و هي تصطنع عدم الاهتمام: اصلا انا شايفه انها غير مسؤوله علشان تأمنها علي حاجه في الشغل
آدم ببرود: محدش طلب رأيك انا اللي بقول تنفع و لا متنفعش
حور بغضب: و انا السكرتيره بتاعتك و مراتك و بقولك اني مش بطيق البت البارده دي
آدم: خلي رأيك لنفسك
ثم وجهه نظره لميرا: و انتي يا هانم بتقلديها
ميرا ببراءه مصطنعه: انا يا ابيه
آدم و هو يمسح علي وجهه: اطلعوا انتوا الاتنين بره..و خليكي انتي يا ملك
خرجت كلا من حور و ميرا..بينما وقفت ملك بتوتر امام آدم فهمي لا تعلم لما يريدها...
آدم بهدوء: مالك متوتره كده ليه اقعدي
جلست ملك ثم هتفت: حضرتك عايزني
آدم بجديه: بصي انتي هتروحي مع كريم و انتي علجشان كنتي بتشتغلي اكيد عارفه هتعملي ايه...بس كريم هيعلمك حبه حاجات كده...و هتبدأي من انهارده زي ما قولتلك
ملك: تمام
آدم: روحي بقي مع كريم و هو هيوريكي مكتبك فين
ملك و هي تقف: حاضر
ذهبت ملك مع كريم الي مكتبيها و علمها بعض الاشياء...مر الوقت سريعا ليأتي موعد المغادره..و توجهوا جميعا الي موقف السيارات ليغادروا..اوصل آدم ملك ثم ذهب الي الفيلا...
حور بصوت عالي: ياااالووولووو احنا جينا
ليلي من داخل المطبخ: تعالي يا حبيبتي انا في المطبخ
دخلت كلا من ميرا و حور المطبخ ليروا ما تفعله ليلي..
حور: انتي بتعملي ايه يا لولو
ليلي: بعمل الفشار و بعت الحارس يجيب بيبسي
حور: الله عليك يا لولو يا جاااامد
آدم و هو يدخل عليهم المطبخ: هتتفرجوا علي فيلم ايه
حور بحماس: بوليسي و يبقي اجنبي
آدم و هو برفع حاجبه: اشمعنا اجنبي يعني
حور بطفوليه: علشان بيعرفوا يمثلوا
ليلي: طب اطلعوا البسوا علشان نتفرج علي الفيلم
حور و هي تصعد: اشطاااا
ارتدي الجميع ملابسه و هبطوا الي الاسفل ليجدوا ان المكان مرتب و التسالي التي صنعتها ليلي موضوعه علي الطاوله..جلس آدم و بجانبه حور و جلست ميرا و ليلي بجانب كريم و قصى..اشعل آدم التلفاز و اتي بفيلم بوليسي اجنبي كما تريد حور..جلسوا يشاهدون بأستمتاع الي ان انتهي الفيلم..صعد الجميع الي غرفته لينام.. بينما التفت آدم لحور ليجدها قد نامت علي كتفه..حملها آدم بين ذراعيه و صعد بها الي الغرفه و وضعها علي السرير و نام بجانبها بعد اغلاقه للنور و الباب.....
*******************
صعدت ملك الي منزلها بعد ان اوصلها آدم بسيارته و تناولت الطعام مع والدتها و جلست معها لتحدثها عن يومها...
فوزيه (والده ملك): عملتي ايه انهارده في الشغل...في حد دايقك زي كل مره
ملك بحماس: محدش دايقني يا ماما..انا اصلا سيبت الشركه دي..و هقدم استقالتي بكره
فوزيه بخضه: ليه يا بنتي في حد عملك حاجه
ملك: لا يا ماما...فاكره كريم ابن خاله حور
فوزيه بعدم فهم: اه الواد العسل ده ماله
ملك: لما روحت لحور قعدت معاها هي و ميرا اخت جوزها و بعدها جالها مكلمه بأن كريم عمل حادثه..وروحت انا و هي و ميرا و حامتها المستشفي و آدم جوزها جيه علي هناك هو و صاحبه و سلمت عليه و حور اصرت اني ابات معاها علشان الوقت اتأخر و مينفعش امشي دلوقتي..و انهارده الصبح كانوا عايزين يوصلوني البيت بس انا قولتلهم اني بشتغل و آدم سألني بشتغل في شركه ايه و قلتله ايمن الدمنهوري سألني لو عجبني التعامل هناك و مستريحه و لا لاء و قولتله ان التعامل بتاعهم وحش...بعدها قالي انزل اشتغل معاه و هبقي سكرتيره كريم..و انهارده كان اول يوم شغل في الشركه عنده...و قالي و هو بيوصلني هو و حور ان بكره اجازه و مروحش الشركه
فوزيه: ربنا يسعدك يا بنتي و يبعد عنك الشر
ملك و هي تقف: يارب...انا هدخل انام بقي علشان انا كده فصلت خااالص
فوزيه: ماشي يا حبيبتي
دخلت ملك الي غرفتها و خلدت الي النوم...
*********************
في صباح اليوم التالي استيقظت حور و نظرت الي آدم الذي ينلم بجانبها و شردت بيه و في ملامحه الهادئه عكس ما تراه منه فهو يعاملها ببرود و عصبيه قاطع شرودها صوته الهادئ......
آدم و هو مازال مغمض العينين: خلصتي تصوير
حور بخضه: هو انت كنت صاحي
آدم ببرود: ايوه
فتح عينها لتندهش فهي اول مره تلاحظ لون عيناه الروماديه..
آدم بصوت عالي: حووووور
حور بفزع: في ايه
آدم: بكلمك من بدري و انتي ولا هنا
حور بأحراج: احم..نعم كنت بتقول ايه
آدم ببرود: يلا علشان ننزل نفطر
حور: حاضر
انتهت حور من ارتداء ملابسها و هبطت الي الاسفل و ذهبت الي المطبخ رأت ميرا و ليلي يجهزان الفطار لتساعدهم...انتهوا و وضعوا الطعام علي المنضده و جلسوا يتناولون الافطار....
ميرا و هي تأكل: ابيه
آدم: نعم
ميرا: بما اننا اجازه ايه رأيك تخرجنا
حور بطفوليه: و انا يا آدم بالله عليك
آدم: عايزين تخرجوا ليه
حور: عايزين نخرج من الفيلا شويه
آدم: طيب خمس دقايق و القيكم لبستم
ميرا: حااااااضر
كانت حور و ميرا يصاعدون الي الاعلي لتستمع حور الي صوت خافض يقول كلام غير مسموع..التفتت حولها لعلها تعلم من اين يأتي الصوت و لكنها لم تجد شئ....
ميرا بعدم فهم: بدوري علي ايه يا حور
حور: انتي سامعه اي صوت
ميرا بأستغراب: مش سامعه حاجه...في ايه
حور بقلق: لا مفيش .... يلا خلينا نطلع نلبس
********************
-------------------- بقلمي Hajar Wael
أنت تقرأ
انتقام الكينج
Poetryقاسي لا يعرف للحب طريق...تقع في طريقه فتاه متمرده تتحداه...فيقرر الانتقام ...ولكنه لا يعرف انه سوف يقع في اسرها للكاتبة/هاجر وائل
