فقد كان هناك فتاه تبع للشركه الايطاليه قمه في الجمال.. كان شعرها باللون الاصفر و اعينها خضراء اللون.. شعرت حور بالغيره الشديده و تذكرت انها لم تكن لتأتي الي الشركه الا بعد اصرارها... نظرت بغيظ نحو آدم الذي يستقبلهم بترحاب و يجعلهم يجلسون علي الطاوله جلست حور بجانب آدم و التزمت الصمت حتي لا تفتعل المشاكل..بعد فتره ليست بقصيره انتهي الاجتماع و غادر الجميع بينما تبقي بيتر صاحب الشركه الايطاليه و شريكته ماريا....
بيتر بجديه: انا سعيد للغايه بالعمل معك سيد آدم..فقد سمعت عن شركتك كثيرا و انها من اكثر الشركات شهره
آدم و هو يصافحه: شكرا لك
ماريا برقه: تشرفت بمعرفتك سيد آدم
آدم: هذا شرف لي انا
حور بغيظ: الرحمه من عندك يارب
ماريا بعدم فهم: عفوا لم افهم ماذا تقولين فأنا لا اتكلم العربيه
حور بأبتسامه مصطنعه: اقول انك فتاه جميله للغايه
ماريا بأبتسامه: شكرا لكي..اتمني ان نتقابل مره اخري
حور بغيظ: بالطبع
ماريا: سوف اذهب..الي اللقاء
غادر بيتر و معه ماريا....
آدم بهدوء: يلا خلينا نروح..الشغل بتاع النهارده خلص متبقي حاجات ابقي اخلصها في البيت
كريم بهدوء: عملت ايه في حوار عبد..........
قاطعه نظرات آدم الغاضبه ليصمت علي الفور و يعلم انه لا يريد ان تجعل حور تعرف.....
حور بأستغراب: في ايه كمل يا كريم
كريم بتهرب: لا مفيش كنت بسأل آدم علي حوار الشركه الايطاليه
حور بعدم اقتناع: اوكي
غادروا جميعا الشركه و ذهبوا الي الفيلا ليروا ان فوزيه تجلس مع ليلي و يتحدثون في امور عديده.......
كريم بمرح: يا اهل الداااار احنا جييينا
ليلي بملل: تعالي اي اخره صبري عامل غلبه ليه في المكان...ما تدخل بهدوء زي باقي البشر
كريم بدهشه مصطنعه: زي باقي البشر !!! انتي عايزه تقولي اني حيوان
فوزيه بسخريه: و دي عرفتها لوحدك و لا حد قالهالك
كريم بذهول: في ايه يا فوزيه انتي جبتي الكلام ده منين...اوعي تقولي ان ملك بتقول الكلام ده
ملك بغيظ: لا يا خويا اطمن مش بقول الكلام ده..اختك اللي بتعلمنا كلنا
آدم بدهشه: مين اللي بيتعلم و بتتعلموا ايه؟؟
ميرا بمرح: انا و ملك يا أبيه بنقعد مع حور و بتعلمنا حبه كلام عنب مقولكش
آدم بصدمه: عنب !! نهارك ابيييض يااا حووور بتعلميهم ايه دول
حور ببراءه مصطنعه: في ايه يا آدم بخليهم يكتسبوا خبره
قصى بسخريه: قال يكتسبوا خبره قال
ليلي بمرح: ابقي خديني معاكي الكورس ده يا حور خليني اتعلم شويه منك و من خبرتك
حور بسعاده: بس كده من عنيا الاتنين..انت بس تأمر يا جميل
كريم بصدمه: يعني انتي تعلميهم و يطلع علي دماغي انا في الاخر حرااام عليكي
حور بخبث: مالك زعلان ليه يا كيمو...ده بدل ما تشجع اختك حبيبتك علي المجهود اللي بتعملوه
كريم بسخريه: لا بجد شااابوه مجهودك جامد جدا
حور بغيظ: اتريق اتريق...علموك في بلدك انك تتريق علي بنات الناس كده
كريم بأستفزاز: اه علموني في بلدي كده انتي زعلانه ليه
حور بمرح: شكرا يا بن الناس
كريم بغيظ: اوووف انا طااالع اخد دش..تعالي طلعيلي هدومي
حور بعصبيه: و انا مالي يا خويا كانت هدومك و لا هدوني
كريم بغضب: يلا يا بت اسمعي الكلام و اطلعي يلا قدامي..ده انتي متعبه
صعدت حور و هي تتمتم بغضب و خلفها كريم..بينما صعد آدم ليبدل ملابسه و كذلك فعلت ميرا..دخلت حور الي غرفه كريم لاول مره و خلفها كريم الذي اغلق الباب بهدوء فور دخوله و جلس علي الفراش...
حور بغيظ: فين دولابك علشان اطلعلك الهدوم
كريم بهدوء: انا مش عايزك تطلعيلي هدوم...تعالي اقعدي جنبي
جلست حور بجانبه ثم هتفت بسخريه: اومال جايبني ليه طالما مش عايزني اطلعلك هدوم
كريم بهدوء: ايه اللي مدايقك يا حور
حور بتوتر: مين قالك ان انا مدايقه انا كويسه اهو
كريم بحده: حوووور...ايييه اللي حصل بعد ما انا مامشيت
حور بأرتباك: محصلش حاجه يا كريم...مالك في ايه
كريم بهدوء و هو يحاول التحكم في غضبه: احكيلي يا حور كل حاجه و متخافيش و متحاوليش تكدبي
حور بأستسلام: عايز تعرف ايه يا كريم
كريم بهدوء: ايه اللي حصل بعد ما انا سفرت
حور بتوتر: حاضر
اخذت حور تقص عليه من بدتيه وفاه والدها و زواج والدتها بعمها بالاجبار الي ان تزوجها آدم....
كريم بغضب: يعني آدم اتجوزك علشان ينتقم منك
حور بخوف: ده كان زمان..دلوقتي هو بيعاملني كويس و بيخاف عليا
كريم بهدوء: كملي
حور بحزن: انا طول عمري نفسي في عيله و نفسي حد يسمعني انت سفرت علشان تكمل درستك بره مصر..تعرف محدش كان بيقعد معايا يعرف محتاجه ايه..محدش كان حتي بيسأل عليا ..كنت بشتغل غصب عني علشان اصرف علي نفسي و اصرف علي عمي..تعرف عمي كان بياخد مني المرتب بتاعي علي طول و مش بيسأل انا عايزه ايه او محتاجه ايه..و هل الفلوس اللي معايا هتكفيني
احتضنها كريم بحب: طب ما انا جيت من السفر اهو..تعالي كلميني و احكيلي
كان آدم خارج من غرفته ليستنع صوت كريم العالي ليقف يستمع الي ماحدث...و هبط الي الاسفل سريعا عندما لاحظ انهم سوف يخرجون الآن و قد اتخذ قرار هام....
*****************************
----------------------- بقلمي Hajar Wael
أنت تقرأ
انتقام الكينج
Poesiaقاسي لا يعرف للحب طريق...تقع في طريقه فتاه متمرده تتحداه...فيقرر الانتقام ...ولكنه لا يعرف انه سوف يقع في اسرها للكاتبة/هاجر وائل
