انتقام الكينج

البارت التاسع

استيقظ قصى في الصباح ليري نفسه نائم علي الارض..نظر الي السرير فوجد كريم فتحاً ذراعيه و رجليه و يأخذ السرير بأكمله..وقف ينظر له بغيظ...
قصى: انت يا بني آدم..اصحي يا زفت
كريم بنوم: اسكت بقي و سيبني خليني انام
قصى: اصحي بقي عندك شغل
كريم: يتحرق الشغل خليني اكمل الحلم اللي مش عايز يكمل
قصى بغيظ: عارف لو مصحتش و جهزت في عشر دقايق هجبلك آدم يتصرف مع خلقتك دي
كريم و هو ينتفض من مكانه: انا جاهز اصلا
قصى و هو يغادر الغرفه: خمس دقايق و تكون خلصت
كريم: طيب
بعد دقائق كان قد انتهي كريم من ارتداء ملابسه ثم خرج لقصى الذي كان بإنتظاره في السياره.....
كريم و هو يركب بجانبه: هنروح نجيب ميرا
قصى و هو ينطلق بالسياره: آدم هو اللي هيجبها
كريم: اشطااااااا
******************
استيقظ آدم و نظر بجانبه ليري حور مازالت نائمه...
آدم: انتي يااا بت..حوووووور
حور بفزع: في ايه
آدم ببرود: قومي البسي
حور بغيظ: البس ليه
آدم: هتنزلي الشغل..شكل القاعده في البيت و القاعده علي السرير و الاكل يجيلك لغايه عندك عجبوكي...قومي هتنزلي معايا الشغل
حور بسعاده: يعني هخرج من البيت...هوا و تلاقيني قدامك
آدم: انا مستنيكي تحت مع ميرا
حور بسرعه: ماشي
هبط آدم الي الاسفل و ما هي الاثواني و كانت حور قد انتهت من ارتداء ملابسها...
حور بحماس:يلا بينا انا خلصت
ميرا بإستغراب: يلا بينا فين
حور: هنروح الشركه
ميرا بفرحه: ايه ده انتي هتيجي معانا الشركه
حور: اه
آدم ببرود: كفايه رغي و اركبوا العربيه يلا
ميرا: حاااضر
ثم وجهت كلامها لحور: اركبي انتي يا حور جنب ابيه آدم
حور و هي تشير علي نفسها بصدمه: انا
ميرا و هي تكتم ضحكتها: اه يا حبيبتي..و انا هركب ورا
حور: ما تركبي انتي جنب اخوكي و انا هركب ورا
ميرا و هي تركب في الخلف: ما اخويا ده يبقي جوزك
حور بإعتراض: بس........
آدم بمقاطعه: انجزوا بقي
حور بهمس و هي تركب بجانبه: و ربنا ما انا سيباكي يا ميرا الكلب
بعد فتره كانوا قد وصلوا الي الشركه......
آدم: روحي لقصى يا ميرا
ميرا و هي تغادر: حاضر يا ابيه
آدم لحور و هو يدخل الي مكتبه: و انتي هاتي ورق صفقه الشركه الاجنبيه و حطيه علي مكتبي
حور بغيظ: حاضر يا افندم
*****************
اخبرت ميرا قصى انها وصلت ثم ذهبت الي مكتبيها كما اخبرها قصى..و ما هي الا ثواني و جاءها اتصال من قصى يخبرها انه يريدها في المكتب....
ميرا و هي تدخل الي مكتبه: نعم يا افندم حضرتك كنت عايزني
قصى: بعد بكره في اجتماع اعملي حسابك انك هتحضريه معايا
ميرا: تمام يا افندم
كاد قصى ان يتكلم ليقاطعه دخول كريم بدون استأذان.....
كريم بمرح: ازيك يا صوصو
قصى بعصبيه: متقوليش يا صوصو
كريم: ليه كده يا صوصو
قصى: انت كاااائن مستفز
كريم: معلش استحمل اخوك ياصوصو
قصى: امشي ياااااض من هنا
كريم :  هروح لآدم اهو احسن من القاعده قدام خلقتك 
قصى: انا بردو بقول كده
ثم اكمل و هو ينظر لميرا: يلا يا ميرا اطلعي كملي بقيت شغلك
ميرا: حاضر
ذهبت ميرا لتنتهي من باقي عملها بينما ذهب كريم الي آدم فهو يريد ان يري حور و ليس اكثر..اما قصى فجلس يعمل علي بعض الصفقات المهمه...
كريم: حوري 
حور بفرحه: كيمو
كريم: وحشتيني يا قلب كيمو
حور: و انت واحشني اوي يا حبيبي
كريم: المهم الواد آدم موجود
حور: اه هتلاقيه جوا
كريم و هو يدخل مكتب آدم: اشطاااا انا هدخله
حور: اوكي
جلست حور تتابع عملها بينما دخل كريم لآدم....
كريم: دومي حبيبي ازيك يا سطا عامل ايه
آدم بحده: كررررريم اناااا هي نقصااااك..روح اشتغل و سيبني في حااالي
كريم و هو يجلس امامه: ما انا خلصت شغلي قولت اجي اساعدك
آدم ببرود: لا انا مش عايز مساعه من سياتك
كريم: انت الخسران
قاطع حديثهم صوت طرق علي باب المكتب....
آدم: ادخل
حور و هي تدخل: استاذ قصى بيقول لحضرتك في اجتماع بعد بكره يا افندم
ثم تابعت و هي تمد يدها بملف: و ده ورق الصفقه اللي حضرتك طلبتها
آدم ببرود و هو يأخذ منها الملف: تمام اتفضلي اطلعي بره بقي
خرجت حور بغيظ من افعاله...
كريم بحده: انت بتعاملها كده ليه
آدم ببرود: انت زعلان ليه مراتي و انا حر فيها
كريم: دي بنت خالتي حضرتك يعني تحترمها شويه
آدم بعدم اهتمام: المهم انت هتحضر معانا الاجتماع اللي بعد بكره
كريم: طيب
مر الوقت سريعا و قد انتهي الجميع من عمله و اخذ آدم كلا من حور و ميرا الي الفيلا..و ذهب كريم مع قصى الي فيلاته....
حور بصوت عالي: لولو يا قمرر
ميرا: مااااامااااا انتي فييين
ليلي: تعالو يا ولاد كلوا الاكل اتعمل
حور: هو ده الكلام
بعد فتره انتهوا من تناول الطعام و صعد كل شخص الي غرفته....
آدم بحده: اقفلي النور و اتزفتي نااامي
حور: اتكلم بأحترام شويه
آدم ببرود: ده اسلوبي و اقفلي النور و خليني انام
حور بغيظ: مااااشي ياااا آددددم
***************
كريم: هناكل ايه بقي دلوقتي
قصى: معرفش
كريم بسخريه: طلما متعرفش مسمعتش كلامي و روحت جبت اكل من اي مطعم ليه
قصى: ما انا اللي كنت هروح..و لو كنت قولتلك روح انت كنت هترفض..و انا اصلا مش جعان...عايز تاكل روح انت جيب اكل
كريم: انا اصلا كنت بقول نجيب اكل علشان انت جعان...بس انا مش جعان..فمش لازم نجيب اكل
قصى: جدع يااااض
كريم: اشكر يا باشا
قصى: طب قوم خلينا ننام
كريم: طيب
قصى بتذكر: اه افتكرت..انت هتنام في الارض مش علي السرير
كريم: ليه يا صوصو
قصى: علشان تبقي تعمل اكشناتك دي فيا
كريم: لا اخر مره
بعد فتره..
كان كريم نائم علي السرير و قصى نائم علي الارض فقد تعب من كثرت ضرب كريم بيه....

*************
في صباح اليوم التالي استيقظت حور من نومها و لم تجد آدم في الغرفه ذهبت لتري اين ذهب لتصرخ فجأه بغضب و غيظ عندما وجدت............
***********

---------------- بقلمي Hajar Wael