انتقام الكينج

البارت الثاني

كانت حور جالسه علي مكتبها و تراجع احد الاوراق فقد علمها آدم طريقه العمل
الشخص: صباح الخير...استاذ آدم موجود
حور و هي ترفع نظرها: صباح النور.....اه موجود اقوله مين
الشخص بصدمه: ايه ده حووور انتي بتعملي ايه هنا
حور بدهشه: حضرتك تعرفني منين
الشخص: مش فكراني
حور: بصراحه مش فكراك
الشخص: انا كريم ابن خالتك
حور بصدمه: كريييييم....انت بتعمل ايه هنا
كريم: انا صاحب آدم و قصي و بشتغل معاهم...انتي بقي بتعملي ايه هنا
حور: انا سكرتيره استاذ آدم المنشا.............
قاطع كلامها صوت آدم الغاضب الذي خرج للتو.......
آدم بحده: كريييييييييم
كريم بخضه:سلام قولا من رب الرحيم
آدم بعصبيه : ده مكان نشغل مش حب...اتفضل قدامي
كريم: بس........
آدم و هو يقاطعه بحده: اتفضل قدامي
كريم و هو ينظر لحور: سلام يا عسل
آدم و هو يدخل المكتب: يلا ياااا زفت
كريم و هو يذهب خلفه: حااااضر انا جاااااي اهو
ضحكت حور بعد دخول آدم و كريم الي المكتب ثم اكملت عملها..........
اما داخل المكتب......
آدم: كنت واقف بره ليه
كريم:كنت عايز اعرف انت فاضي علشان ادخلك
آدم بسخرية: من امتي الاحترام ده......ده انت و قصى بتدخلوا من غير استأذان
كريم: فكها يا برنس شويه
آدم بإستنكار: هو في مهندس محترم يقول فكها و برنس
كريم بمرح: و مين قالك كده....انا و بعون الله مش باقي علي حاجه
آدم بنفاذ صبر: كرييييم رووح عند قصى و مش عايز اشوفك هنا تاني
كريم و هو يخرج: انت اللي خسران
***********************
قصى لإيمان: دي ميرا السكرتيره الجديده
إيمان و هي تمد يدها لمصافحه ميرا: ازيك يا آنسه ميرا...انا إيمان انا اللي هدربك علي الشغل
ميرا و هي تصافحها: ازيك يا ايمي...قوليلي ميرا علي طول
إيمان: طب يلا يا ميرا علشان نبتدي شغل
قصى و هو يدخل الي مكتبه: لو كريم جيه دخليه علي طول
إيمان:تمام يا افندم
و ما هي الا ثواني و اتي كريم
كريم لإيمان:ازيك يا ايمان
إيمان: الحمد لله يا باشمهندس كريم
كريم و هو يلاحظ ميرا: ايه ده ميرا ايه اليوم السعيد ده
ميرا : ازيك يا استاذ كريم
كريم بدهشه:ايه يا بت الاحترام ده اومال اللي يشوفك ف..............
ميرا بسرعه: احم استاذ قصى مستني حضرتك يا افندم
كريم بأستغراب: ماشي
دخل كريم الي مكتب قصى و هو مستغرب من موقف ميرا
كريم و هو يجلس: هي ميرا مالها
قصى: مالها ما هي كويسه
كريم: انا بقولها انتي بتعملي ايه هنا قالتلي ازيك يا باشمهندس ايه الاحترام ده....و لما كنت هسألها لقتها بتقولي انك مستنيني
قصى بضحك: هي مش عايزه حد يعرف انها اخت آدم
كريم: ليه يعني
قصى: معرفش
كريم:طيب
قصى بجدية: في اجتماع  الاسبوع الجاي مع الشركه الاجنبية
كريم: تمام......هروح انا بقي علي مكتبي
قصى:ماشي
*******************
اما في مكتب آدم فقد كان يتحدث بالهاتف مع احد ما......
آدم ببرود :عايزك تجبلي كل المعلومات عن حور
الشخص: طب اسم عليتها ايه يا افندم
آدم: معرفش
الشخص: يا افندم في بنات كتير اسمها حور
آدم بصرامه: مليش فيه......بص هي شغاله عندي و خريجه تجاره ....عايزك تجبلي كل حاجه عنها قبل بليل
الشخص: تمام يا افندم
اغلق آدم الهاتف و هو يفكر في كيفيه الانتقام منها....ثم اتصل بمكتب حور
آدم ببرود: تعالي المكتب حالا
ثم اغلق الهاتف دون ان يستمع الي ردها.....
بينما كانت حور تشتعل من الغيظ....
حور بغيظ: شكلنا دخلين علي ايام ما يعلم بيها الا ربنا
و دخلت الي مكتب آدم....
حور بعمليه: ايوه ياافندم حضرتك طلبتني
آدم بستفزاز: ايه الاحترام ده
حور بغيظ: لازم اكون محترمه مع مديري ياافندم
آدم ببرود: انتي بقي بتعرفي تتكلمي لغات و لا فاشلة
حور: بعرف اتكلم انجليزي و فرنساوي و الماني و روسي و تركي يا افندم
آدم: طب اعملي حسابك انتي معايا في الاجتماع اللي جاي....و يلا علي شغلك
خرجت حور و هي تشتعل من الغضب من استفزاز آدم لها.......
**************************
كانت إيمان تشرح لميرا طريقة العمل....
ميرا: شكرا يا ايمي تعبتك معايا
إيمان: حبيبتي مفيش تعب و لا حاجه....المهم فهمتي طبيعه الشغل
ميرا: اه يا قلبي....هروح انا بقي لأبي......قصدي هروح مكتب استاذ آدم لانه طلبني
إيمان: ماشي يا ميرا...و انا كمان هستأذن استاذ قصى و همشي
ميرا: ماشي يا حبي
استأذنت إيمان قصى و قد وافق علي خروجها مبكرا  وذهبت ميرا الي مكتب آدم.....
ميرا لحور: استاذ آدم جوا
حور: ايوه يا آنسة
ميرا: طب ما انتي هادية اهو...اومال مسكتوا خناقه ليه
حور بغيظ: ما هو بني آدم رخم و مش محترم
ميرا بدهشه: ليه كل ده..ايه اللي حصل
حور: كان هيخبطني بالعربيه و بعدها نزل اتخانق معايا و قالي متربتش و جايه من الشارع قمت ضرباه بالقلم و مشيت
ميرا بصدمه: انتي ضربتيه بالقلم
حور بعدم اهتمام: اه
ميرا: و سابك عايشه ازاي
حور: اومال كان ناوي يعمل ايه ده انا اقطعوا
ميرا بمرح: طب ايه رأيك نبقي اصحاب...انا ميرا
حور بحماس: اشطا..و انا حور
ميرا: طب دخليني لاستاذ آدم
حور:انتي متأكده..رجعي قرارك في حد يدخل لهولاكو ده
ميرا و هي تكتم ضحكتها: اه انا....المهم يلا دخليني
حور: انتي حره..ثواني هعرفه
طرقت حور باب المكتب ثم دخلت......
آدم بحده: انتي ازاي تدخلي من غير ما تستأذني
حور ببرود: انا خبط علي الباب
آدم ببرود: و انا سمحتلك انك تدخلي....اتفضلي بقي اطلعي بره و خبطي تاني و انا لو سمحتلك تتدخلي تدخلي
حور بغيظ: لا
آدم بحده: اتفضلي
خرجت حور بغيظ و طرقت الباب و دخلت حين اتها صوت سماح آدم لها بالدخول......
حور:الآنسة ميرا عايزه تدخل لحضرتك
آدم: دخليها
خرجت حور و هي تتمتم ببعض الكلمات و دخلت ميرا و هي تضحك عليها....
آدم: مالك بتضحكي اوي كده ليه
ميرا بضحك: البت حور طالعه بتمتم بكلام غريب
آدم: انتي اتصحبتي علي الاشكال الزباله دي
ميرا: علي فكره حور محترمه جدا
آدم بعدم اهتمام:اه ما انا شوفت
ميرا:المهم هنروح امتي
آدم: دلوقتي يلا
ميرا: طب انا هخرج قبلك و هستناك في العربيه
آدم:تمام
خرجت ميرا و انتظرت آدم في السياره.......
اما آدم فقد هاتف الشخص الذي سوف يأتي له بمعلومات عن حور....
آدم: وصلت لايه
الشخص: اسمها حور المنياوي..عايشه في منطقه شعبيه..عنوان بيتها *******....بعد وفاه والدها...والدتها اتجوزت اخو جوزها اللي هو عم حور....و بعدها....مامتها اتوفت..... ملهاش اخوات...عايشه مع عمها اللي هو جوز امها... كل اللي بيهمه الفلوس يبيع اي حاجه علشان الفلوس... مش بيشتغل..و هي اللي بتصرف علي نفسها و علي البيت ...خريجه تجاره...عندها 25 سنه
آدم:تمام
ثم اغلق الهاتف و خرج......
آدم لحور:امشي دلوقتي و بكره تيجي ساعه بدري
ثم تركها تشتعل من الغضب و ذهب.....
*********************
وصل كلا من آدم و ميرا الي الفيلا.....
ليلي: ازيكم يا حبايبي
ميرا:الحمد لله يا لولو
ليلي:طب يلا الاكل خلص
آدم بغموض: كلوا انتوا انا ورايه مشوار مهم
ليلي:ماشي يا حبيبي
خرج آدم و قد اتخذ قراره في كيفيه الانتقام من حور....
هبط من السياره ثم صعد الي البيت و طرق الباب و لم يأته الرد... طرق الباب بطريقه اقوي ليخرج من المنزل رجل في اواخر الخمسينات يظهر عليه القسوه....فعلم علي الفور انه والد حور........
آدم:كنت عايز حضرتك بخصوص حور
عبد الله: اتفضل يا بيه نورت البيت
دخل آدم و خلفه والد حور بعد ان اغلق باب المنزل....
آدم و هو يجلس: انا آدم المنشاوي
عبد الله: غني عن التعريف يا بيه
آدم:  هي حور لسه موصلتش
عبد الله:لا يا باشا هي في الطريق...هو حضرتك تعرفها منين
آدم:اصلها شغاله عندي في الشركه
عبد الله: عملت ايه الزفته دي...انا عارف مش بيجي من وراها غير المصايب
آدم: لا انا مش جاي علشان كده...انا عايز اطلب ايد حور  منك و هنكتب الكتاب بكره و مش هنعمل فرح........
عبد الله:بس مهرها مش هيبقي اقل من نص مليون جنيه
آدم: و انا جاهز
عبد الله:علي خيرت الله
في ذلك الوقت وصلت حور و لم تكن تعرف ان آدم موجود.......
حور بصوت عالي:انا هدخل اناااام
عبد الله: تعالي هنا
حور و هي تذهب اليه: نعم
ثم تابعت بصدمه بعد رأيتها لآدم: انت بتعمل ايه هنا
عبد الله:كتب كتابك بكره علي آدم بيه و هتروحي معاه بكره
حور بصدمه:................................................
**********************
----------- بقلمي Hajar Wael