ذهب آدم بتجاههم و خلفه كريم.....
آدم ببرود: في حاجه يا كابتن
الشاب: انت مالك انت..كانت من بقيت اهلك
آدم و هو يلكمه بقوه: دي علشان تمد ايدك عليها و تمسكها
ثم هبط لمستوي و هو يلكمه مره اخري: و دي علشان تدايق مراتي
ذهب كريم سريعا الي حور التي كانت جالسه علي الارض تبكي و ترتجف من الخوف..بينما اخذ آدم يضرب في الشاب الي ان جاء الامن و ابعدوا آدم عن الشاب الذي اصبح وجهه مغطا بالدماء بسبب آدم...اخذ الامن كلا من آدم و الشاب لمدير النادي و ذهب كريم و حور خلفهم...
المدير بحده: ينفع اعرف ايه اللي حصل
الشاب بكذب: انا كنت ماشي و الانسه دي وقفتني و قعدت تتكلم معايا لغايه لما جيه الاستاذ ده و ضربني
حور بصدمه و بكاء: كدااااب و الله العظيم كدااااب هو اللي وقفني و دايقني
ذهب آدم سريعا الي الشاب و لكمه مره اخري وقع الشاب اثرها علي الارض....
آدم ببرود: الواد ده مشفهوش هنا تاني لاما و ربنا انا مش مسؤول عن اللي هيحصل
المدير بخوف: طبعا يا آدم بيه
ثم تابع و هو ينظر الي الشاب: اتفضل يا استاذ سامح زي ما آدم بيه قال
خرج آدم و خلفه كريم و حور التي تتمسك بيه بشده و هي تبكي...رأتهم ميرا عندما اقتربوا من الطاوله لتشهق بفزع عندما رأت مظهر حور الباكي....
جلس آدم و بجانبه كريم بعد ان اجلس حور بجانبه..نظر الجميع لهم بقلق...
ليلي بقلق و هي تنظر لوجه حور الشاحب: ايه اللي حصل يا آدم...حور مالها
آدم بجمود: هي قدامك اهي اسأليها
فوزيه: ايه اللي حصل يا بنتي في ايه
حور و هي تنظر لآدم: و الله هو اللي قطع عليا الطريق
ليلي بحنان: طب اهدي يا حبيبتي و احكي اللي حصل
حور: روحت العربيه و جبت الموبايل و كنت راجعه علي هنا لقيت واحد وقف اقدامي و قعد يدايقني..زعقتله و هددته اني هجيبله الامن لو مبعدش عني..لقيته مسكني جامد حاولت اني افلت منه بس معرفتش...و بعدها جيه آدم و كريم..و آدم قعد يضرب في الشاب ده لغايه ما الامن جيه و اخدونا لمكتب مدير النادي...و اما المدير سأله عن اللي حصل قاله اني انا اللي وقفته و فضلت اتكلم معاه و ان آدم ضربه...و المدير قال انه مش هيجي هنا تاني
ثم اكملت ببكاء: و الله العظيم هو اللي وقف و دايقني
ليلي بحنان: مصدقينك يا حبيبتي..هو خلاص اخد جزاءه و مش هتشوفيه هنا تاني
كريم: طب ايه رأيك نروح علشان تستريحي
حور بصدمه: نعمممم ياااا خووووياااا مين اللي تروح انا مش ماشيه من هنا دلوقتي
ميرا بدهشه: هو مش انتي كنتي بتعيطي من شويه..ايه اللي حصل
كريم بمرح: دي ممكن تموتني لو مكملتش الخروجه
حور بطفوليه و هي تمسح دموعها: طب انا عايزه اكل اتصرفوا بقي بدل ما اعمل مشكله تانيه
كريم و هو يقف: قومي يا اخره صبري نجيب اكل
حور بحماس: اشطاااا
ثم نظرت لآدم: مش هتيجي معانا
آدم ببرود: لا هاجي معاكم يلا
ذهبت حور مع آدم و كريم الي اقرب مطعم و طلبوا الطعام و بعد وقت قصير كان الطعام جاهزا دفع آدم الحساب ثم غادروا للمكان الذي يجلس بيه البقيه.....
حور بمرح: احلي بيتزا علي احلي ناااااس
ليلي بضحك: اقعدي يا مجنونه
حور بمرح: تسلمي يا لولو..ديما كده تحبي تهزقي فيا
كريم بمرح: اتنين يحبوا يهزفوا فينا انا و انتي..لولو و زوزو..شكرا علي هذا التهزيق
ميرا و هي تأكل: بااااس اسكتوا خلوني اكل في صمت
قصى بصدمه: انتي لحقتي فتحتيها امتي
ميرا: انت بتتفرج عليهم
حور و هي تجلس و تأكل: طب مش تعزمي علينا حتي
كريم بسخريه: هو انتي محتاجه حد يعزمك...ده انتي بتفتحي مش بتعرفي توقفي بعدها
حور و هي تكمل اكل: الله اكبر.. الله اكبر..خمسه في عينك و عين اللي يحسدني كمان خليك ساكت يااا ابووو كرش
كريم بصدمه: انا بكرش
ثم نظر الي آدم و قصى: هو انا كنت بنزل الجيم اشتري مكرونه..هو انا مكنتش بدرب
قصى بخبث: كنت بتتفرج علينا بس
كريم بعصبيه و هو ينظر لحور: طب ما انتي جوزك بكررررش
نظرت حور الي آدم الذي رفع حاجبه ثم هتفت: مين ده اللي بكرش يااابااا ده ممكن يرزعني قفا ادخل بسببه غيبوبه
كريم بغيظ: يعني انا اللي بكرررش
حور بمرح: خلاص صعبت علياااا...مفيش كرررش ولا حاجه...لو هتاكل انجز علشان انا هخلص كده علي الاكل....
كريم: مش عايز حاجه منك يا مفجووعه
انتهي الجميع من تناول الطعام و ذهبوا الي الفيلا...و اصرت ليلي علي ان تجلس فوزيه و ملك معها قليله و قد سعدت ميرا بذلك فهي تريد ان تجلس مع ملك و تتعرف عليها اكثر..اخبرتهم ميرا انها سوف تأخذ ملك الي غرفتها لكي يجلسون بها و اخذوا يتحدثون في امور عده...بينما استأذن آدم و اخذ حور و صعد الي غرفته...و عندما دخلت حور الغرفه توجهت الي المرحاض لكي تغسل وجهها و ترتدي ملابسها..اما آدم فقد هبط الي الاسفل ليأتي بفنجان من القهوه..و صعد الي غرفته مره اخري..بمجرد دخوله الغرفه استمع الي صوت رنين هاتفه..دخل الي شرفه الغرفه ليرد علي للهاتف...
آدم: ازيك يا ابراهيم باشا
ابراهيم: الحمد لله...كنت عايز اسأل علي حاجه كده
آدم: اتفضل
ابراهيم: هو انت ضربت سامح النهارده في النادي
آدم ببرود: ايوه
ابراهيم بغضب: و ليه ان شاء الله كل ده علشان حتت بت لا راحت و لا جات
آدم بتحذير: اللي بتتكلم عليها دي تبقي مراتي يعني تحترم نفسك و متتعداش حدودك في الكلام..و ابنك اصلا هو اللي غلطان لما يقطع علي مراتي الطريق و عايز يتعرف عليها و بيمسك ايديها
ابراهيم بحده: انت عارف اني ممكن الغي الصفقه اللي ما بينا بسهوله
آدم ببرود: اعمل اللي تعمله عايز تلغي الصفقه براحتك انا اللي ميشرفنيش نكمل اصلا في الصفقه...و اتمني ميبقاش في تعامل بين شركتي و شركتك
ابراهيم بعصبيه: تمام يا آدم افتكر انك انت اللي قولت
آدم بجمود: متقلقش هفتكر كويس
اغلق آدم الهاتف بعد انهاء جملته مباشره دون ان يستمع الي الرد..ثم دخل الي الغرفه ليجد حور تجلس علي السرير و هي تبكي بشده..............
**********************
------------------ بقلمي Hajar Wael
أنت تقرأ
انتقام الكينج
Poetryقاسي لا يعرف للحب طريق...تقع في طريقه فتاه متمرده تتحداه...فيقرر الانتقام ...ولكنه لا يعرف انه سوف يقع في اسرها للكاتبة/هاجر وائل
