انتقام الكينج

البارت الرابع و العشرون

رنا برقه: هاي يا جماعه عاملين ايه
حور بسخريه: و عليكم السلام و رحمه الله و بركاته..عاملين ورق عنب تاكلي
رنا بأستفزاز: احب اعرفكم علي صاحبتي اللي روحت اقبلها
ميرا: و مين هي بقي
رنا بتكبر: استني بتركن العربيه و جايه
كادت ميرا ان ترد عليها و لكن دخل شخص غير متوقع لتنصدم حور عندما تراه....
ميرا بصدمه: بيري
بيري بأستفزاز: ازيكم يا بنات
حور بقرف: الحمد لله
بيري برقه: ازيك يا آدم عامل ايه
حور بغيظ: اللهم طولك يا روح مش قولنا اسمه باشمهندس
بيري بأستفزاز: سوري اصلي متعوده اناديه بأسمه
حور بغضب: معلش ياختي تعالي علي نفسك شويه و قولي باشمهندس
بيري: هحاول
رنا : انا جعانه اوي في اكل ايه انهارده
حور بسعاده: في مكرونه بالبشامل تحفه
رنا بأستنكار: يااااي انا كده هبوظ الرجيم بتاعي... لا لا انا هاكل تي حاجه و خلاص
حور بأستفزاز: و الله محدش قالك تاكلي اصلا احنا عاملينه لينا احنا
رنا برقه: بس آدم مستحيل ياكل الاكل ده علشان يحافظ علي لياقته البدانيه
حور بغيظ: و انتي مال سعاتك يحافظ و لا ميحافظ..ده شئ ميخصكيش
رنا: الله مش ابن خالتي
حور بغضب: معلش استحملي شويه و اسمعي الكلام بقي
ميرا بهدوء: خلاص يا جماعه يلا علشان نحط الاكل
رنا بغرور: انا مش هاكل من الاكل ده..انا هخليهم يعملولي اكل healthy علشان احافظ علي الرجيم
بيري: و انا معاكي انا عمري ما اكل من الاكل ده
غادرت ليلي و هي تهتف:  انا هقوم احط الاكل علشان مش هنخلص
دخلت ليلي الي الفيلا و معها ميرا لتساعدها في وضع الطعام بينما  آدم و كريم و قصى يجلسون لكي يتابعون المشاجره المستمره..الي ان اتاهم صوت ليلي يخبرهم بالانتهاء مت وضع الطعام علي الطاوله..دلفوا جميعا الي الفيلا و جلسوا علي طاوله الطعام و امرت رنا العاملات بعمل اكل صحي لها هي و بيري....
آدم بهدوء: الاكل تحفه يا لولو تسلم ايديكي
رنا برقه: بس انا اول مره اعرف يا آدم انك بتاكل الاكل ده...انا طول عمري عارفه انك بتاكل اكل healthy
حور بغيظ: معلش يا حبيبتي استحملي شويه
آدم بهدوء: اصل حور هي اللي طلبت تاكل مكرونه بالبشاميل لانها زهقت من الاكل الصحي فقولت اجرب و بصراحه الاكل ده طعمه حلو
رنا بأستفزاز: بس انت كده هتبوظ لياقتك
حور: انتي مالك انتي ياكل اللي هو عايزه
آدم ببرود: عادي مش لازم اكله كل يوم..او اكله كل يوم بس مكترش
رنا: من الافضل انك تاكلها مره في الشهر
حور: يارب صبرني و مصورش قتيل النهارده..كلي يا حبيبتي علشان تلاقيكي جعانه..بدل ما انتي زي عود القصب
رنا بغيظ: انا وزني كده مناسب جدا انتي اللي تخينه اوفر
حور بشهقه: مين دي اللي تخينه يا عنياااا...قال تخينه قال.اسمها وزني مناسب
رنا بأستفزاز: لا طبعا انتي غيرانه مني مش اكتر..اومال احنا كلنا عارفين انك تخينه بس مش عايزين يحرجوكي
حور بعصبيه: لا بقي علي فكره انا رفيعه و وزني حلو
ثم وجهت نظرها للجميع: مش كده و لا ايه
اومأ الجميع عدا آدم و هم يكتمون ضحكاتهم من افعال حور...
رنا بخبث: شوفتي آدم اهو مش مقتنع باللي انتي رفيعه
نظرت حور لآدم ثم هتفت بغضب طفولي: مردتش ليه..جبتلنا الكلام من اللي يسواه و اللي ميسواش
آدم بهدوء: انا قولت حاجه
حور بغيظ: يعني انا تخينه و لا مش تخينه
آدم: مش تخينه بس محتاجه تحافظي في اكلك علشان متتخانيش
حور بأبتسامه: قولها خليها تخرس
كريم بمرح: خلاااص ياختي منك ليها كفااايه خنااااق صدعتونا
حور ببراءه مصطنعه: انا طيبه هي اللي بتجر شكلي
كريم بسخريه: مصدقك مصدقك
حور بنوم: انا اصلا هدخل انام علشان تعبت
كريم بمرح: ليكي حق تتعبي ده انتوا مفصلتوش
ثم وجهه كلامه لرنا: و انتي ايه نظامك متعبتيش من الخناق
رنا: انا هقعد مع بيري شويه
بيري و هي تنهض: مينفعش انا لازم اروح دلوقتي عندي معاد في الجيم دلوقتي
حور بأستنكار: رايحه جيم بالليل
بيري: عندك اعتراض
حور: لا ياختي توصلي بالسلامه
ميرا: انا هطلع انام
حور بنوم: خديني معاكي
رحلت بيري من الفيلا و صعد الجميع الي غرفته...دخل آدم الغرفه بهدوء ليجد حور تعطي ظهرها للباب و  تكلم نفسها......
حور بصوت عالي نسبيا: عااااا يعني نخلص من الزفته بيري تطلع لنا ام اربعه و اربعين دي لا و طلعت الوفته صاحبه ام اربعه و اربعين و جايه هنا يا بجاحتها
آدم بخبث: مالك ياحور انتي اتجننتي بتكلمي مين
حور بغيظ: لا لسه بدري ممكن كده علي بكره اتجنن
آدم بلا مبالاه: طب اقفلي النور و يلا علشان عايز انام
حور: طيب
ذهبت حور و اغلقت الباب و الضوء و تسطحت علي الفراش و هي تسب و تلعن بيري و رنا..هي تعلم جيدا انها تحب آدم رغم تعذيبه لها و مشاجرتهم الكثيره...هي تراه في بعض الاحيان حنون و البعض الآخر بارد..اتعبها التفكير فأغمضت عينها لتنام.....
*********************
في صباح اليوم التالي استيقظت حور من النوم و دلفت الي الحمام لتأخذ شاور و ارتدت ملابسها...عندما انتهت وجددت آدم لايزال نائما......
حور بهدوء: آدم يلا هنتأخر علي الشغل
آدم و هو يستقيم في جلسته: طيب
حور: قوم خد شاور و البس و انا هستناك تحت في الجنينه بتاعت الفيلا
آدم و هو يدلف الي الحمام: ماااشي
هبطت حور الي الاسفل و القت التحيه علي الجميع و اخبرتهم انها سوف تخرج الي حديقه الفيلا الي ان ينتهي آدم من تبديل ملابسه..خرج آدم من المرحاض و ارتدي ملابسه ثم هبط الي الاسفل..ذهبت ميرا و نادت حور ليتناولوا لطعام قبل ان يذهبوا الي الشركه.....
آدم بهدوء: انهارده هنرجع كلنا من الشركه بدري

*************************
----------------- بقلمي Hajar Wael