لتنصدم عندما تري آدم يجلس علي السفره و بجانبه رنا لتذهب سريعا اليهم و هي تكاد تنفجر من الغضب......
حور بغضب: انتي ايه اللي مقعدك هنااا
رنا برقه: اصلي متعوده اقعد جنب دومي
حور بغيظ: لا يا حبيبتي الكلام ده كان زمان قبل ما انا ما اجي دلوقتي لا ده مكاني و لو حد قعد مكاني هقطعوا سمعتي يا حلوه
رنا ببرود: ايوه يعني عايزاني اعمل ايه
حور بحده: يعني تتفضلي في اي داهيه غير هنا
رنا بأستفزاز: بس انا عاجبني المكان ده
حور بغيظ: و انا قولتلك ده مكاني
آدم بهدوء: حور عندها حق يا رنا ده مكانها...لوسمحتي اقعدي جنب لولو
رنا بأعتراض: بس......................
حور بأبتسامه مصطنعه: مفيش بس..مسمعتيش قالك ايه
وقفت رنا بغضب و جلست بجانب ليلي و هي تنظر لحور التي جلست بجانب آدم بغضب......
ليلي: انت هتروح الشركه انهارده يا بني
آدم بأبتسامه: لا يا حبيبتي انهارده هخرجكم
ميرا بسعاده: بجد يا أبيه
آدم: بجد يا روح أبيه...عايزين تروحوا فين
ميرا: براحتك المهم اننا هنخرج
آدم: طب يلا بينا...يلا يا لولو انتي و زوزو
فوزيه بأعتراض: روح انت يا بني انا مش قادره اروح في حتي
ميرا بحزن: ليه كده يا زوزو...تعالي غيري جو معانا
فوزيه: معلش يا حبيبتي تتعوض المره الجايه
حور: و انتي يا لولو ايه نظامك
ليلي: لا اخرجوا انتوا انا هقعد مع فوزيه..و خدوا معاكم ملك بعد اذن مامتها طبعا
حور برجاء لفوزيه: لو سمحتي يا زوزو اللهي ربنا يعمر بيتك و يخليلك بنتك و صاحبه بنتك
ليلي بضحك: انتي بتدعلها و لا بتدعي لنفسك
حور بمرح: الله ما انا لازم استفاد
فوزيه: لو هي عايزه تروح انا معنديش مانع بس شوفوا رأيها
حور بمرح: معندناش بنات بناخد رأيها..هتيجي معانا و رجلها فوق رقبتها
ملك بمرح: اهم حاجه انك تبقي مسيطره وسط الصحابك زيي كده
حور: بتقولي حاجه يا حبيبتي
ملك: بقول مش زيي كده
ميرا بضحك: ايوه كده اتظبتي
آدم: طب يلا بينا
رنا بلهفه: خدني معاك يا آدم علشان انا زهقانه
آدم ببرود: ماشي
خرج الجميع الي الخارج و صعدت كلا من ميرا و ملك الي عربيه قصى و بجانبه كريم و انطلقوا...صعد آدم الي سيارته و جاءت رنا ان تركب بجانبه و لكن اوقفها صوت حور الغاضب.....
حور بغضب: انتي بتعملي ايه
رنا: هقعد جنب آدم في ايه
حور بغيظ: اتفضلي ارجعي ورا انا اللي بقعد قدام
رنا بسخريه: ليه ان شاء الله
حور بأستفزاز: و الله ده جوزي يعني اقعد جنبه عادي
ما ان انتهت من كلامها توجهت الي السياره و ابعدت رنا ثم جلست بجانب آدم و اغلقت الباب بجوه رنا...اغتاظت رنا كثيرا من تصرفاتها و لكنها صمتت و صعدت الي السياره و جلست في الخلف...انطلق آدم الي وجهته في صمت تام يقتعه نظرات حور لرنا بغيظ عبر المرأه الاماميه.....بعد دقائق وصلا الي وجهته و صف سيارته و هبط ثلاثتهم و دخلوا الي النادي ثم جلسوا في المكان الذي اختاره قصى و كريم.......
آدم و هو يقف من مكانه: انا هروح اجيب لكله بيبسي..حد عايز حاجه غيره
رنا برقه: استناني يا آدم انا جايه معاك
حور بغيظ: تروحي فين يا روح طنط سمعيني كده تاني
رنا: هروح مع آدم فيها ايه دي
حور بعصبيه: ده انا اللي اسمي مراته مقولتش هروح معاه انتي بقي رايحه ليه
رنا: الله ابن خالتي و رايحه معاه
حور بأستفزاز و هي تقف: لا يا روحي استريحي انتي انا هروح مع جوزي
ميرا و هي تكتم ضحكتها: حور عندها حق يا رنا معلش خليكي انتي معانا
جلست رنا و هي تنظر لحور بغيظ و هي تبتعد مع آدم متجهين الي الكافتريا...
كريم بمرح: انتي ايه اللي جابك انهارده يا رنا مش كنتي ارتحتي و ريحتينا
رنا بغيظ: انت مالك
كريم: يا بنتي ده عيب في حقك واحد قال هيخرج هو ومراته و صاحبه و اخته و مراته قالتله تجيب صاحبتها انتي بقي مين قالك تعالي
رنا: اللي قالي تعالي هو اللي قالك
كريم بدهشه مصطنعه: ايه ده هو انتي ادم هو اللي قالك تعالي
رنا: و انت آدم يقولك تعالي ليه
كريم بمرح: اصل بعيد عنك انا ابقي صاحبه و اخو مراته
رنا: ملكش فيه اجي براحتي و امشي براحتي
كريم: طيب يا بتاعت راحتك
بعد فتره قصيره اتي آدم و حور و هم يحملون اكياس مليئه بالاشياء...
ميرا بدهشه: ايه ده كلو يا ابيه
آدم: حور قالت انها عايزه حاجات تخدها معاها البيت علشان تبقي تاكل منها
رنا بشهقه: ايه كل ده هتكليه لوحدك
حور: و انتي مالك كنت باكل من فلوس سياتك...الكلام ده من فلوس جوزي
رنا بخبث: يعني انتي متجوزه آدم علشان الفلوس
حور بحزن: لا انا اصلا مكنتش اعرف شغل آدم غير لما اتجوزنا و خصوصا اني معرفش حد من رجال الاعمال...و آدم هو اللي جيه و اتقدملي و انا كنت عارفه انه مديري بس..كمان انا اصلا عمري ما ابص علي فلوس
رنا بخبث: اكيد طبعا ما كنتيش تعرفي آدم اصله من طبقه و انتي من طبقه تانيه خااالص
ميرا بغضب: ايه اللي انتي بتقوليه ده..حور زينا و احسن مننا
كريم بحده: ما تحترمي نفسك يا بتاع انتي
حور بألم: خلاص يا جماعه محصلش حاجه
ثم وجهت نظرها لرنا و رفعت يدها ثم ضربتها علي وجنتها امام الجميع...شهقت رنا بقوه ثم..............
******************
--------------------- بقلمي Hajar Wael
أنت تقرأ
انتقام الكينج
Poésieقاسي لا يعرف للحب طريق...تقع في طريقه فتاه متمرده تتحداه...فيقرر الانتقام ...ولكنه لا يعرف انه سوف يقع في اسرها للكاتبة/هاجر وائل
