انتقام الكينج

البارت الثالث

حور بصدمه: انا مستحيل اوافق علي الكلام ده
عبد الله: انا مش عايز موفقتك انا بقولك بس
حور بعصبيه: يعني ايه الكلام ده
آدم ببرود:يعني جهزي نفسك بكره كتب كتابك
حور ببرود:تمام سيبني افكر
آدم و هو يقف: طيب مع انك كده كده هتوافقي برضاكي او غصب عنك....يلا مع السلامه
عبد الله:نورتنا يا بيه
ذهب آدم الي منزله...و دخلت حور الي غرفتها بدون ان تتفوه بكلمه.....
اتصلت حور بصديقتها ملك....
ملك بمرح:اهلا بالندله اللي مش بتسأل علي صحبتها
حور بحزن:معلش يا ملك.. كنت عايزه اتكلم معاكي شويه
ملك بإستغراب:ايه الحزن اللي في صوتك ده...و من امتي و انتي بتستأذني انك تتكلمي معايا شويه
حور: امبارح كنت رايحه ادور علي شغل و انا رايحه كانت في عربية هتخبطني بس صاحبها فرمل في اخر لحظه...و نزل و قعد يزعق و قالي مش تركزي و انتي بتتزفتي تعدي الشارع و فقولت له ان هو اعمي و بيستهبل قالي انتي متعرفيش انتي بتكلمي مين و استفزني قمت  قولتله وزير الدخليه مثلا و قولتله ميشرفنيش اني اعرف انت مين انتي متربتيش و جايه من الشارع.. اتعصبت و ضربته بالقلم و سبته و مشيت
ملك: مكنش ينفع تمدي ايدك عليه يا حور
حور: ما هو اللي عصبني
ملك: كملي طيب
حور: سبته و روحت الشركه اللي كانت منزله اعلان انها محتاجه سكرتيره و قابلت استاذ قصى وقالي اني اتقبلت و بقيت سكرتيره المدير و قالي تعالي بكره في معادك علشان هو مش بيحب التأخير قولت له ماشي و استأذنت و مشيت...تاني يوم روحت الشركه و دخلت علي مكتب المدير و اتفاجأت ان المدير هو اللي انا ضربته بالقلم و.............
ملك بمقاطعه: جاتلك لغايه عندك...طلما مدير شركه يبقي كبير في السن اعتذري منه و خلاص
حور:ياريتها بالسهوله ديه..المدير شاب..طبعا انا اتخانقت و قولت مش هشتغل معاه و هقدم استقالتي استاذ قصى قالي اني لسه اول يوم النهارده و هو قاله سيبها هي اصلا عمرها ما تعرف تشتغل في شركه زي ديه..عندت معاه و قولتله اني هشتغل هنا و كملت شغل معاه....و لما روحت لقيته قاعد مع بابا و لما سألت بابا قالي انتي كتب كتابك بكره علي آدم بيه و لما رفضت قالي خلاص انتي كتب كتابك بكره علي آدم بيه و هتروحي معاه البيت..قولت له هفكر و آدم قالي برحتك انتي كده كده هتوافقي برضاكي او غصب عنك و مشي.. و انا دخلت كلمتك علي طول بعد ما مشي
ملك بخوف علي صديقتها:طب انتي هتعملي ايه
حور ببرود: هوافق
ملك بعصبيه: انتي شكلك اتجننتي.. ده عايز ينتقم منك..و انتي تقولي موافقه
حور ببرود:انا كده كده عايشه في عذاب مع ابويا كل يوم ضرب و اهانه مش هتفرق
ملك: بلاش يا حور
حور: انا اتصلت بيكي علشان احكيلك يمكن ارتاح...و فعلا انا ارتحت بعد ما اتكلمت معاكي
ملك بإستسلام: ماشي يا حور...هبقي اجيلك بكره
حور بإبتسامه: اوكي يا قلبي...اشوفك بكره
اغلقت حور مع ملك ثم ذهبت في سبات عميق......
****************************
وصل آدم الي الفيلا و كان بإنتظاره ليلي و ميرا......
آدم و هو يجلس بجانبهم: انا هكتب كتب كتابي بكره و البنت هتيجي تعيش معانا
ليلي بحده: نعمممم كتب كتابك بكره و متقوليش
آدم: يا ماما الموضوع جيه فجأه...كمان مش انتي كان نفسك تشوفيني متجوز..اهو انا بحقق لك امنيتك
نظرت ليلي اليه ثم تركته و ذهبت الي غرفتها
ميرا بعتاب: كان لازم تقولنا يا ابيه
آدم: طب اعمل ايه
ميرا: ادخل صالح ماما...و هي قلبها كبير و هتسامحك...هي فرحانه انك هتتجوز بس زعلت من فكرت انك متقولهاش
آدم و هو يقف: ماشي
ميرا بحماس:المهم البنوته شكلها عمل ازاي...و اسمها ايه...و عرفتها ازاي
آدم و هو يقبل رأسها: بكره هتشوفيها
ميرا بطفوليه: ماشي
دخل آدم الي غرفة امه....
آدم و هو يجلس امامها: خلاص بقي يا لولو قلبك طيب
ليلي بحزن: بس انت الصح كنت قولتلي و كنت جيت معاك
آدم و هو يقبل يديها: حقك عليا يا ست الكل..ده انتي بكره هتشوفي مرات ابنك
ليلي: ماشي يا آدم سماح المرادي
آدم: تصبحي علي خير يا لولو...هطلع انا اكلم الواد قصى علشان اقوله
ليلي:ماشي يا حبيبي
صعد آدم الي غرفته ليهاتف قصى....
قصى: لا لا آدم بيه بيتصل مش معقول
آدم: تصدق ان انا غلطان اني اتصلت بيك
قصى: احم احم....في حاجه حصلت و لا حاجه
آدم: كنت عايز احكيلك حاجه
قصى: احكي
قص له آدم ما حدث معه و ضرب حور له بالقلم...
آدم ببرود: و كتب كتابي بكره
قصى بصدمه: متقولش انها اللي في بالي
آدم: ايوه انا هكتب كتابي عليها
قصى:طب هي مين..و عرفت توصلها ازاي
آدم: بكره هتعرف هي مين و عرفت اوصلها ازاي...هتيجي بكره و لا ايه النظام
قصى:هاجي اكيد
آدم ببرود: طب مع السلامه
قصي بغيظ:مع السلامه ياخويا
**********************
في صباح اليوم التالي.....
استيقظت حور علي صوت والدها العالي.....
عبد الله بغضب: قومي يا بت جهزي لبسك يلا آدم بيه جاي
حور بحزن: حاضر
احضرت حور حقيبه و وضعت بها بعض الملابس القليله جدا...ثم اخذت شاور و ارتدت ملابسها ثم سمعت صوت طرق علي باب غرفتها و يصحبه صوت ملك......
ملك من الخارج :افتحي يا حور
حور و هي تفتح باب غرفتها: تعالي يا ملك ادخلي
ملك بمرح: تعالي بقي احطلك مكياج
حور: مش لازم
ملك: انا جيبالك علبه مكياج فيها كل حاجه...بمناسبه فرحك...ايه مش هتستعمليه بردو
حور بإستسلام: خلاص ماشي
وضعت ملك المكياج..و جلسوا يتحدثون قليلا الي ان سمعوا طرق علي باب البيت و صوت عبد الله الذي يرحب بآدم...
ملك: يلا الناس جات
حور بحزن: طيب
خرجت حور و خلفها ملك...كان آدم يجلس و بجانبه ليلي و قصى...
صدم قصى من وجود حور و لكنه لم يتكلم
ليلي بحب:بسم الله ماشاء الله...عرفت تختار يا آدم..عروستك زي القمر
حور: تسلمي يا طنط
ليلي: تعالي يا حبيبتي اقعدي جنبي
حور: حاضر
جلست حور بجانب ليلي التي احتضنتها فور جلوسها....
آدم لعبد الله: المأذون بره
عبد الله: علي خيره الله
خرج قصى و اخذ المأذون و دخل.....
المأذون:"بارك الله لكما و بارك عليكما و جمع بينكما في خير "
ليلي:يلا يا حبيبتي هاتي شنطتك و يلا
حور: حاضر يا طنط
اتت حور بحقيبتها و احتضنت ملك و رحلت مع آدم و ليلي و قصى.....
بعد مرور وقت وصلوا الي الفيلا و كان في انتظارهم ميرا...كانت حور تنظر الي الفيلا بإنبهار شديد....
ميرا بصدمه: حوووور انتي بتعملي اييييه هنا
آدم ببرود: حور تبقي مراتي..و هتعيش معانا
نظرت ميرا الي حور لتجدها تنظر الي الارض بحزن لتعلم سبب جواز اخيها من حور....
ميرا بمرح: ينفع يا ابيه اقعد مع حور شوية
آدم و هو ينظر الي حور: ماشي
ليلي بحنان :و انا هروح اعمل اكل لحور حبيبه قلبي
حور:شكرا يا طنط
ليلي بمرح: طنط ايه..قوليلي ماما او لولو
حور: حاضر
ميرا:يلا يا حور
ذهبت حور مع ميرا..و جلس آدم مع قصى...و ذهبت ليلي لتحضر الطعام
كانت حور تجلس بتوتر في غرفة ميرا.....
ميرا: بصي انا عايزاكي تتعملي عادي خالص...مش عايزاكي قاعده متوتره او حزينه
حور بتوتر:انتي بتقولي كده ليه
ميرا: انا عارفه ان ابيه اتجوزك علشان ينتقم منك
حور: طيب...بس انتي ليه بتقولي ابيه لهولاكو ده
ميرا بضحك: هولاكو ده يبقي اخويا الكبير
حور بصدمه: البني آدم ده اخوكي
ميرا:مالك مستغربه كده ليه
حور: اصل انتي دمك خفيف و بتضحكي...و هو واحد بارد و عصبي
ميرا: ابيه عصبي و بارد..بس مفيش في طيبه قلبه
حور بعدم اقتناع: اوكي
**********************
كان قصى يجلس مع آدم في غرفته......
قصى بغضب: انت اتجوزت حور علشان تنتقم منها
آدم ببرود: اه
قصى بغضب اكبر: ده انت بااارد....كل ده علشان البت مدت اديها عليك
آدم بحده: مفيش حد اتجرأ و مد ايده عليا غيرها...حتي امي عمرها ما مدت اديها عليا
قصى:انت حر يا آدم
آدم: قوم بقي علشان ناكل
خرج كلا من آدم و قصى ليتناولوا الغداء....
ليلي و هي تضع الاطباق علي السفره: اطلع يا آدم نادي مراتك و اختك علشان يكلوا
آدم :ماشي
صعد آدم الي غرفة اخته و طرق الباب.....
ميرا: اتفضل يا ابيه
آدم و هو يدخل: يلا الاكل جاهز
ميرا:اوكي
هبطوا الي الاسفل و جلسوا ليتناولوا الطعام.....
حور بمرح: الاكل جامد جدا يا لولو
ليلي: بالهنا و الشفا يا حبيبتي
ميرا بمرح: هو انا اتركنت علي الرف و لا ايه
ليلي: اسكتي انتي دلوقتي
ميرا بمرح: تسلمي يا ست ليلي مكنش العشم
ضحك الجميع علي ميرا و ليلي..و انتهوا من تناول الطعام......
*********************
في المساء صعد الجميع لينام....
آدم و هو يصفع حور: بقي انتي يا زباله تمدي ايدك عليا
حور بغضب: ما انت اللي قولتلي متربتيش و جايه من الشارع
آدم و هو يشد شعرها: ما انتي فعلا جايه من الشارع
حور بألم :ااااه سيبني
آدم و هو يتركها: انا هسيبك بس علشان تعبان و عايز انام
ثم تابع و هو ينام علي السرير: و ياريت تقفلي النور و تتخمدي
حور:و انا هنام فين ان شاء الله
آدم ببرود: نامي علي السرير
حور: لا طبعا
آدم: خلاص اتخمدي في اي حته...انتي هتقرفيني
نظرت له حور بغيظ ثم اخذت غطاء و نامت علي الارض.. فهي تفضل النوم علي الارض علي النوم بجانبه....
******************
--------------- بقلمي Hajar Wael