اتصدموا عندما رأوا عبد الله يسحب حور من شعرها و هي تبكي بينما تحاول ميرا و ملك ايقافه... غضب آدم بشده عند رأيته لعبد الله يأذي حور.. ذهب سريعا الي عبد الله و لكمه بقوه جعلته يترك شعر حور و هو يمسح الدماء التي بجانب فمه.. جذب آدم حور خلفه و نظر لعبد الله الذي نهض من علي الارض بغضب.......
آدم بغضب: انت ايييه اللي جاااابك هنااااا جوااا بيتي و تأذي مراااتي
عبد الله ببرود: و الله اللي بتقول عليها مراتك دي كانت هتبيعك في ثانيه
آدم بمكر: بجد ازاي بقي
عبد الله بخبث: مراتك كانت عايزه تقتلك و اجرت حد يفك فرامل العربيه بتاعتك علشان تعمل حادثه و تموت علشان تورثك و تاخد الفلةس و تمشي.. بس من حظها بقي انها جات في كريم
ميرا بحده: الشخص ده كدااااب ياااا ابيييه
عبد الله ببرود: و انتي عرفتي منين بقي اني كداب.... كنتي مشتركه معاها و لا ايه
ميرا بغيظ: لا يا خفيف.. حور عمرها ما تعمل حاجه زي دي
عبد الله بحده: دي بتبين انها ملاك قدامكم بس هي اصلا ممكن تعمل اي حاجه علشان الفلوس حتي لو هتوصل للقتل
آدم ببرود: حلوه القصه الجميله دي يا عبد الله بس معلش بقي مش عارف اصدقها علشان حور قالتلي علي اللي انت عملته بعد حادثه كريم و انك اتصلت بيها و قولتلها اني موت و انها لما تاخد الورث تستني كام يوم في الفيلا علشان محدش يشك فيها و تاخد الورث و تيجيلك.. و انت طبعا عرفت اني لسه عايش و ان الحادثه جات في كريم.. و عرفت ان خططك فشلت و انك هتتكشف بسبب حور فقررت انك تيجي تبوظ سمعتها قدامي علشان تبان انك ملاك
رنا بمكر: مش يمكن هي اللي بتعمل انها ملاك
ميرا بغيظ: انتي مالك انتي حد وجهلك كلام
رنا بأستفزاز: و الله انا بقول احساسي
آدم ببرود: خلي احساسك لنفسك و ياريت متدخليش في اللي ملكيش فيه
اقترب عبد الله من حور ببطء ثم هتف بخبث: تعالي يا حور خلينا نمشي
تمسكت حور بملابس آدم بخوف ليشعر بها الاخر ليجذبها خلف ظهره و هو يهتف بغضب: مراتي مش هتتحرك بره الفيلا دي ابدا
عبد الله بخبث: هي اللي اتصلت بيا و قالتلي اجي اخودها من هنا علشان فشلت في خططها في انها تاخد الفلوس
حور بصراخ و انهيار: كدااااااب..انت انسااان مريض و كل همك الفلووووس انت بعت بنت اخووووك علشااان الفلووووس..انا بكررررهك بكررررهك...اطللللع بررره
ميرا بخوف: حور اهدي علشان متتعبيش
حور بأنهيار: طلعووووا الحيواااان دددده بررررره
كريم بغضب: اطلع برررره بدل ما اخلي الامن يتعامل معاك
عبد الله بمكر: انا كده كده همشي انا بس جيت علشان انبهكم علي اللي حور بتعمله..يلا بقي سلام
غادر عبد الله الفيلا و هو يبتسم بخبث..
آدم بهدوء و هو ينظر لحور: ميرا ادخلي انتي و حور و ملك جوا الفيلا دلوقتي
أومأت ميرا بهدوء و اخذت حور و ملك الي الداخل..و خلفهم ليلي و فوزيه
قصى: الراجل ده عايز ايه لما يسوء صورت حور في نظرك
آدم بغضب: هو عرف ان انا ابتديت اشك فيه علشان كده قال يلبس التهمه دي في حور و يطلع هو منها
كريم بعصبيه: انا قولتلك بلغ عن الراجل ده خليهم يقبضوا عليه انت مسمعتش كلامي
آدم بغموض: كل حاجه هتيجي في وقتها
ما ان انتهى آدم من كلامه استمعوا جميعا الي صوت صراخ ميرا و ملك ليدخلوا الي الفيلا سريعا ليروا حور مسطحه علي الارض..ذهب آدم سريعا اليها و حملها الي غرفته و الجميع وراءه...وضعها آدم علي الفراش ثم التفت اليهم...
آدم بحده: اييه اللي حصل تحت...و حور مالها
ميرا بخوف: هي قامت من جنبنا و لما سألتها رايحه فين قالتلي انها هتطلع الاوضه جيت اساعدها قالتلي انا هعرف اطلع لوحدي و بعدها بدقايق سمعنا حاجه بتقع علي الارض و كانت حور
آدم بهدوء: حور اخدت دوا انهارده
ليلي: ايوه يا حبيبي انا قولتلها ان الدوا عندك في الاوضه تطلع تخده و طلعت فعلا اخدته
آدم بهدوء: تمام...كلو يطلع بره و انا هفوقها
خرج الجميع كما امرهم آدم..بينما وضع آدم بعض العطر علي يده و قربه من حور.. لتفيق حور بتعب.....
آدم بهدوء: انتي كويسه
اومأت حور بتعب ليقول آدم بهدوء يسبق العاصفه: انتي اخدتي الدوا انهارده
نظرت له حور بخوف و لم ترد ليقول بحده: مش انا قولت قبل ما انزل تاخدي الدوا الساعه دلوقتي ٣ العصر و انتي لسه مختيش الدوا
حور بخوف: انا مش بحب الادويه يا آدم
آدم بغضب: محدش بيحبها بس لازم ناخدها علشان تخفي و لا انتي عاجبك تعبك ده
حور بتعب و دموع: انا اسفه مش هعمل كده تاني
آدم بهدوء: طيب اتفضلي بقي خدي الدوا
اومأت حور بضعف..ليعطيها الدواء و كوب من الماء....
حور بطفوليه: عاااااا طعمه وحش اسوف فيك يوم يا آدم يا بن لولو الدوا وحش
آدم بأبتسامه: معلش...المهم بقي انتي بكره هتقعدي مع ميرا و ملك هنا بردو و انا هروح الشركه انا و قصى و كريم
حور بأعتراض: بس انا عايزه انزل الشركه بكره
آدم بحده: هي كلمه واحده مفيش مرواح شركه الا لما تخفي
اومأت حور بهدوء ثم هتفت بخوف: هو انت هتنزل الشركه تاني انهارده
آدم بهدوء: لا مش هنزل انهارده تاني علشان انا مضمنش الكلب ده يعمل ايه تاني
حور براحه: اوكي
آدم بأبتسامه: ممكن بقي اعرف ايه اللي حصل من اول ما البني آدم دي جيه الفيلا و ايه اللي خرجكم للجنينه
حور بأرتباك: ميرا اتصلت بملك و قالتلها تيجي علي الفيلا هي و طنط و لما جيهم لولو اخدت طنط و قعدت جوه و احنا طلعنا بره الجنينه و شربنا عصير و بعدها سمعنا صوت جاي من بره و الحراس بيحاولوا يمناعه انه يدخل بس عرف يدخل و جابني من شعري لغايه ما انت جيت
آدم بشك: عبد الله شدك من شعرك بس يا حور و لا عمل حاجه تاني
------------------ بقلمي Hajar Wael
أنت تقرأ
انتقام الكينج
Poesiaقاسي لا يعرف للحب طريق...تقع في طريقه فتاه متمرده تتحداه...فيقرر الانتقام ...ولكنه لا يعرف انه سوف يقع في اسرها للكاتبة/هاجر وائل
