في صباح اليوم التالي استيقظت حور من نومها و لم تجد آدم في الغرفه ذهبت لتري اين ذهب لتصرخ فجأه بغضب و غيظ عندما وجدت باب الغرفه مغلقا من الخارج بالمفتاح لتعلم علي الفور ان آدم هو من فعل هذا...نظرت حولها تبحث عن شئ تستطيع فتح الباب بيه..و لكنها لم تجد.. جلست علي السرير تفكر في طريقه للخروج..تذكرت انها عندما اتت الي الفيلا كان معها حقيبه اسعافات اوليه و من بينهم مقص...ذهبت سريعا الي المرحاض فهي قد وضعت الحقيبه هناك....ما هي الا ثواني و اتت بالمقص و حاولت ان تفتح الباب الي ان فُتح......
حور بصوت عالي و هي تخرج: عااااا خرجت
ليلي بدهشه: انتي ايه اللي صحاكي دلوقتي يا حور..انتي عايزه ترتاحي اكتر من كده علشان تعبانه
حور بإستغراب: انا مش تعبانه مين اللي قال كده
ليلي: آدم و هو نازل الشركه قال محدش يصحيكي علشان انتي تعبتي امبارح
حور في نفسها: ماشي يا آدم الكلب
ليلي: حور انتي روحتي فين
حور: مفيش حاجه يا لولو انا فعلا كنت تعبانه امبارح و خلاص خفيت
ليلي: حمدلله علي السلامه يا حبيبتي
حور: الله يسلمك يا لولو
ليلي: طيب يا حبيبتي روحي اقعدي مع ميرا شويه علي ما اعمل الغدا
حور بإستغراب: هي ميرا هنا
ليلي: ميرا بعد ما عرفت انك مش هتروحي الشركه علشان تعبابه قالت انها هتفضل قاعده معاكي
حور: خلاص هنيجي نساعدك في عمايل الاكل
ليلي: لا يا حبيبتي انتي لسه تعبانه روحي اقعدي مع ميرا شويه
حور: ماشي
ذهبت ليلي الي المطبخ اما حور فقد ذهبت الي ميرا لتجلس معها قليلا..
حور و هي تطرق الباب: ميرا انا حور ينفع ادخل
ميرا من الداخل: ادخلي يا قلبي
دخلت حور الغرفه و اغلقت الباب خلفها ثم جلست علي السرير بجانب ميرا.....
ميرا: انتي ايه اللي قومك من علي السرير..كدا هتتعبي اكتر و...........
حور بمقاطعه: باااااس انا مش تعبانه و لا حاجه
ميرا بدهشه: بس أبيه قال انك تعبانه و مش هتنزلي الشغل انهارده
حور: اخوكي ياختي نزل و قفل عليا باب الاوضه من بره بالمفتاح
ميرا بصدمه: طب هو ليه قالنا انك تعبانه من امبارح و محدش يصحيكي
حور: علشان متحاولوش تفتحوا الباب او تصحيني..و خصوصا اني نايمه امبارح متأخر فهو اعتمد علي ده و ان انا مش هصحي غير لما هو يجي من الشركه
ميرا: طب انتي طلعتي ازاي و انتي اصلا مش معاكي مفاتيح
حور: انا لما جيت الفيلا اخدت معايا شنطه اسعافات اوليه للاحتياط..و كان فيها مقص اخدته و فتحت بيه الباب
ميرا: ده ايه شغل الحراميه ده
كادت حور ان ترد عليها و لكن قاطعها صوت رنين هاتفها بأسم كريم..
حور: اسكتي كريم بيتصل
ميرا بهمس: ماشي
حور و هي ترد: كيمو قلبي عامل ايه
كريم بضحك: الحمد لله يا قلب كيمو انتي عامله ايه سمعت انك كنتي تعبانه امبارح علشان كده معرفتيش تيجي الشغل انهارده
حور بغيظ: ايوه فعلا انا كنت تعبانه امبارح و خفيت انهارده..بس آدم مخلنيش انزل الشغل النهارده علشان متعبش
كريم: الف سلامه عليكي يا قمري
حور: الله يسلمك
كريم: بصي بقي انا عايز اكل حلو كده منك علشان انا عازم نفسي عندكم علي الاكل انهارده..الزفت قصى مش بيجيب اكل عدل
حور بضحك: تنور يا قلبي..و ابقي هات معاك قصى
كريم بمرح: طب سلام بدل ما هولاكو يجي
حور بضحك: سلام
اغلقت حور مع كريم و وجدت ميرا تنظر لها...
حور بضحك: مالك
ميرا: انتي ليه قولتيله انك فعلا تعبانه..و انتي اصلا مكنتيش تعبانه
حور بتنهيده: علشان ميقولوش ان آدم بيكدب عليهم
ميرا: بس انتي قولتلي الحقيقه
حور: انتي الوحيده اللي تعرفي الحقيقه اومال انا قولت لكريم و لولو ان انا فعلا كنت تعبانه زي ما آدم قالهم...بس عارفه لو حد عرف بالحقيقه لهكون قطعالك لسانك
ميرا بمرح: انا اصلا خارسه
حور: ايوه كده...و هكلم ملك صاحبتي تجي تقعد معانا...قومي يلا نساعد لولو في عمايل الاكل و نقولها ان كريم و قصى هيجوا يتغدوا معانا
ميرا: اشطاااا
اتصلت حور بملك و اخبرتها بأن تأتي الي الفيلا..ثم ذهبت هي و ميرا ليساعدوا ليلي في تحضير الطعام...
حور: لولو كريم و قصى هيجوا ياكلوا معانا
ليلي: ينوروا يا حبيبتي
حور: اه صح انا عزمت صاحبتي ملك علي الغدا..عادي و لا
ليلي: البيت بيتك يا حور
ميرا: طب احنا جينا بقي نساعدك علي ما ملك تيجي
ليلي: ماشي
بعد وقت قليل كانت ملك قد وصلت الي الفيلا.....
حور و هي تفتح لها الباب: لوكاااا حياااتي
ملك و هو تدخل: حبيبتي وحشتيني
حور و هي تحتضنها: انتي اكتر يا قلبي
ليلي و هي تأتي لهم من الداخل: نورتي يا حبيبتي
ملك: بنورك يا طنط
ليلي: قوليلي يا ليلي او لولو زي ما العيال دي ما بتقول
ملك: حاااضر يا لولو
جلست حور و ميرا مع ملك الي ان اتي اتصال لحور بأسم كريم...
حور بمرح و هي ترد: وحشتك صح يا كيمو
الشخص: حضرتك تقربي للشخص ده ايه يا افندم
حور بإستغراب: ابن خالتي..في ايه و فين كريم
الشخص: صاحب الموبايل عمل حادثه و نقلوه علي المستشفي
حور بثبات عكس ما بداخلها: اسم المستشفي ايه
الشخص: مستشفي******
حور: تمام احنا جاين حالا
التفتت حور الي ميرا و ملك و نظرت لهم بدموع....
ملك: في ايه يا حور مالك
حور بدموع: ك..كريم
ميرا بقلق:مالو
حور ببكاء: عمل حادثه و نقلوه السمتشفي
ميرا: طب يلا ياحور البسي و انا هقوم البس
ملك و هي تنهض: و انا هروح اقول لطنط
ميرا: تمام
ارتدت كلا من ميرا و حور ملابسهم... بينما ذهبت ملك اللي ليلي...
ملك: كريم عمل حادثه يا طنط و نقلوه المستشفي******
ليلي بصدمه: طب ثواني هلبس و نروح كلنا
ملك: بسرعه بس يا طنط
ليلي: حاضر
ارتدت ليلي ملابسها و ذهبت مع حور و ميرا و ملك الي المستشفي التي اخبرهم بها الرجل.. و كانت حور تبكي طول الطريق....
بعد دقائق وصلوا الي المستشفي...
حور ببكاء لموظفه الاستفبال: في واحد جيه من شوايه و كان عامل حادثه اسمه كريم هو فين
موظفه الاستقبال: ايوه يا افندم في واحد جيه من شويه و عامل حادثه هتلاقيه في الدور الرابع في غرفه العمليات
حور بصدمه و ببكاء اشد: عمليات ايه هو مالو
موظفه الاستقبال: محدش لسه طلع من عنده
حور: تمام شكرا
صعدوا الي الاعلي ليروا كريم......
ليلي: احنا مقولناش لآدم ان احنا هنا..اتصلي بيه يا حور و قوليله
حور بدموع: حاضر
اتصلت حور بآدم و انتظرت رده....
حور ببكاء: الحقني يا آدم
آدم بقلق: في ايه مالك
حور ببكاء: ك..كريم عمل حادثه و هو دلوقتي في المستشفي و احنا معاه
آدم بفزع: مستشفي ايه
حور: مستشفي******
آدم: خلاص انا جاي حالا
حور بدموع: بالله عليك يا آدم متتأخرش
آدم: حاضر بس اهدي
حور: طيب
اغلقت حور مع آدم و جلست بجانب ميرا..بينما آدم التفت الي قصى الذي يقف بجانبه لا يفهم شئ..
قصى بعدم فهم: في ايه
آدم: كريم عمل حادثه و نقلوه المستشفي
قصى بصدمه: اييييه
آدم: اركب خلينا نروحله
بعد وقت قليل وصل كلا من آدم و قصى الي مكات غرفه العمليات...
حور و هي تركض و تحتضن آدم: كريم يا آدم محدش طلع يطمنا عليه لغايه دلوقتي
آدم و هو يحاوطها بذراعيه: اهدي اكيد حد هيطلع يطمنا عليه
حور بدموع: انا خايفه عليه اوي يا آدم هو اللي بقيلي من عيلتي
آدم و هو يمسح علي شعرها: هما اكيد هيطلعوا يطمنونا عليه اهدي انتي بس
اخذها آدم و جلس علي الكرسي و اجلسها بجانبه و هي مازالت تحتضنه بقوه......
بعد وقت خرج الدكتور ليركض اليه كلا من آدم و حور و قصى
قصى بقلق: كريم عامل ايه يا دكتور
الدكتور بجديه:................................................
**************
---------------- بقلمي Hajar Wael
أنت تقرأ
انتقام الكينج
Puisiقاسي لا يعرف للحب طريق...تقع في طريقه فتاه متمرده تتحداه...فيقرر الانتقام ...ولكنه لا يعرف انه سوف يقع في اسرها للكاتبة/هاجر وائل
