ارتدت كلا من حور و ميرا ملابسهم و هبطوا الي للاسفل ليذهبوا مع آدم كما اخبرهم......
حور بحماس: انا جهزت يلا بينا
كريم: انا جاهز و هاجي معاكم اشمعني انتوا
حور: و قصى بردو هيجي معانا
قصى: اكيد مش محتاج عزومه
ميرا بتفكير: ايه رأيك يا أبيه نخرج ملك معانا...و خصوصا انها مش بتخرج لوحدها علشان هي بنت
آدم: كلميها يا حور و قوليلها تستنانا تحت البيت
ثم وجهه نظره اتجاه ليلي: و انتي يا لولو البسي علشان هتيجي معانا
ليلي: بس........
حور بمقاطعه: مفيش بس يلا يا قمر قومي البسي
ثم اكملت بحزن: و لا انتي مش عايزه تخرجي علشان محدش يعرف ان انا مرات ابنك و خصوصا اني مش من مستواكم
غضب آدم من تفكيرها هذا فكيف لها بالتفكير بهذه الطريقه...
ليلي بدهشه من تفكيرها: مين قالك كده انا فخوره انك مرات ابني و انتي زيك زي ميرا..انا بس مش هلحق البس علشان تنزلوا بسرعه و هعطلكوا
حور بفرحه: يعني انتي فرحانه اني مرات ابنك
ليلي: اكيد طبعا فرحانه
آدم ببرود: يلا يا لولو قومي البسي..و انتي يا حور كلمي ملك و قوليلها هنستناها تحت
حور: حاضر
ارتدت ليلي ملابسها و هاتفت حور ملك......
******************
كانت ملك تفطر مع والدتها.....
فوزيه: البت حور وحشتني هي و الواد الكريم
ملك: في يوم هعزمهم عندنا.. و خصوصا ان طنط ليلي طلبت انها تشوفك و تبقوا اصحاب
فوزيه: ماشي يا حبيبتي
ملك: الشركه ايمن الدمنهوري اللي انا كنت فيها بتاج.........
قاطع حديثها صوت هاتفها بأسم حور....
ملك: حيااااتي وحشتيني
حور: انتي اكتر..بقولك ايه البسي علشان عايزين نخرج
ملك: ايه ده رايحين فين و مين معاكم
حور: كلو جاي... انا و ميرا و لولو و قصى و آدم و كريم
ملك: بس ده يوم اجازتي و مينفعش اسيب ماما لوحدها
نظرت حور لآدم ثم هتفت: خلي طنط تيجي معاكي اهي فرصه تتعرف علي لولو
ملك: تمام هشوفها و هقولك
حور: اشطاااا
اغلقت ملك مع حور ثم وجهت نظرها لوالدتها التي تنظر لها بتسائل.....
فوزيه: في ايه يا ملك
ملك: حور خارجه هي و ميرا و كريم و آدم و قصى و طنط ليلي..و بتقولي نخرج معاهم و تتعرفي علي طنط ليلي..ايه رأيك
فوزيه: انتي تعبتي من الشغل و انتي من فتره كبيره مخرجتيش تعالي نروح
ملك: طب قومي بقي البسي..و انا هكلم حور و اقولها
اتصلت ملك بحور و اخبرتها بموافقه والدتها..اخبرتها حور بأن ترتدي ملابسها الي ان يأتوا....انتهت فوزيه و ملك من ارتداء ملابسهم و كان آدم و حور قد وصلوا الي البيت......
حور و هي تحتضن فوزيه: وحشتيني اووووي
فوزيه: انتي وحشتيني اكتر..عامله ايه و مين الواد القمر اللي معاكي ده
حور بمرح: بتعاكسي جوزي قدامي يا زوزو
فوزيه بدهشه: هو ده آدم جوزك
حور: يعني عارفه اسمه و مش عارفه شكله
فوزيه: انا عرفت اسمه من ملك
آدم بأبتسامه: ازاي حضرتك يا ست الكل
فوزيه: الحمد لله يابني
ملك: اومال فين ميرا و طنط ليلي
آدم: راحوا مع قصى و كريم النادي..و احنا هنحصلهم
ملك: تمام
حور: يلا يا طنط اركبي
فوزيه: ماشي يا حبيبتي
ركبت حور بجانب آدم و ركب كلا من ملك و فوزيه في الخلف..كانت حور تنظر طوال الوقت من زجاج السياره و يتبعها نظرات آدم الجانبيه من وقت لآخر دون ان تلاحظ...ولكن لاحظت فوزيه نظراته و دعت لهم بالسعاده....بعد مرور بعض الوقت وصلوا الي وجهتهم..صف آدم السياره في موقف السيارات و دخلوا الي النادي.....
حور بحيره: هما قاعدين فين
آدم و هو يجذب هاتفه من جيب بنطاله: هتصل بيهم اشوف.........
قاطعت حور كلامه و هي تركض ناحيه الطاوله التي يجلسون حولها ثم هتفت: اهم قاعدين هناك
همس آدم بنفاذ صبر: و ربنا طفله
ذهبوا جميعا بأتجاه الطاوله و جلسوا حولها و اخذت حور تعرفهم علي بعض.....
حور بمرح: انا عرفتك علي آدم اعرفك بقي علي باقي العيله القمر دي
حور و هي تشاور علي ليلي: دي لولو القلب الطيب مامت آدم و ميرا
فوزيه و هي تصافحها: اتشرفت بمعرفتك يا مدام ليلي
ليلي بأبتسامه: انا اكتر..بس بلاش مدام دي خليها ليلي بس
حور و هي تشاور علي ميرا: و دي ميرا اخت آدم و اختي انا كمان...سكر كده في نفسها
ميرا بمرح: مرسي مرسي علي التقديمه الجميله دي لقد اخجلتي تواضعي
فوزيه بضحك: عسل يا ميرا ربنا يحفظك يا حبيبتي
اشارت حور اتجاه قصى: و ده بقي قصى صاحب آدم و زي اخويا الكبير بالظبط
فوزيه: شكله راجل جدع ربنا يحميه
قصى: تسلمي يا ست الكل
ذهبت حور بجانب كريم و هي تقول: و ده بقي كيمو اخوووياااا العسل..اكيد تعرفيه بس متعرفهوش بعد ما كبر و بقي قمر كده
كريم بمرح و هو يحتضنها: اختااااي اللي ليش غيرها يا ناااس
فوزيه بضحك: وحشتني ياض يا كريم..مشوفتكش من و انت كنت صغير كده..كنت بتطلع عينا انا و امك في المزاكره و كانت اللي بتخليك تزاكر مامت حور
كريم بمرح: كان لولو هي اللي بتفضحني بقي دلوقتي لولو و زوزو...تسلم يا مسيطانا في الدول العربيه
حور: و طبعا انتوا عارفين ملك
ثم اشارت الي فوزيه: و دي مامت ملك و مامتي التانيه
فوزيه: حبيبتي يا حور
حور بمرح: احم احم بمناسبه الخروجه الجميله دي لازم طبعا ناخد سيلفي
ثم اكملت و هي تبحث عن هاتفها: اووووف فين الموبايل
ميرا:شوفيه كده في شنطتك
بحثت حور في حقيبتها و لكنها لم تجده...
حور: يبقي اكيد نسيته في العربيه
ثم وجهت نظرها لآدم: ينفع مفاتيح العربيه اروح اشوف الموبايل فين
آدم و هو يعطيها مفاتيح السياره: متتأخريش
كريم: اجي معاكي
حور بمرح: مش لازم ده حتت موبايل
كريم: ماشي
ذهبت حور الي موقف السيارات و بحثت علي هاتفها في السياره لتجده علي كرسي السياره التي كانت تجلس عليه..اخذته ثم اغلقت السياره مره اخري..و ذهبت بأتجاه النادي مجددا..ليعترض طريقها شاب........
الشاب: ايه الجمال ده هو في كده يا بشر
حور بعصبيه: ماتحترم نفسك يا راجل انت
الشاب: مالك بس يا جميل مدايق كده ليه
حور بحده: اتفضل امشي بدل ما اجبلك الامن
الشاب و هو يمسك يدها: انتي فكراني هخاف يا حلوه
حور و هي تحاول ان تسحب يدها: ابعد بقولك
********************
كانوا يجلسون بنتظار حور التي تأخرت في المجئ...
كريم بقلق: كل ده بتجيب الموبايل
فوزيه: قوم شوفها يا بني يمكن معرفتش توصل للعربيه
آدم: انا هروح اشوفها راحت فين
كريم و هو ينهض: انا جاي معاك
آدم: طيب
ذهب كلا من آدم و كريم الي موقف السيارات و اخذوا يبحثوا عن حور الي ان رأها كريم و هي تتشاجر مع احد الشباب..اخبر آدم الذي يقف علي مقربه منه سريعا...و عندما رأي آدم الشاب و هو يمسك يدها و هي تحاول الافلات منه
*****************
---------------- بقلمي Hajar Wael
أنت تقرأ
انتقام الكينج
Poesíaقاسي لا يعرف للحب طريق...تقع في طريقه فتاه متمرده تتحداه...فيقرر الانتقام ...ولكنه لا يعرف انه سوف يقع في اسرها للكاتبة/هاجر وائل
