هبط كريم و معه حور الي الاسفل ليروا انهم جميعا يجلسون في حديقه الفيلا....
ليلي: اتأخرتوا كده ليه
حور بمرح: انا مليش دعوه كيمو هو اللي اخرنا
كريم بدهشه: بتبعي اخوكي يا حور
لاحظ آدم عينين حور المحمره فعلم انها كانت تبكي قبض علي يده بقوه
فوزيه و هي تنهض: احنا هنقوم نمشي بقي علشان الوقت اتأخر
ليلي: الوقت اتأخر ايه الساعه لسه ٧ المغرب.. خليكي قاعده
فوزيه: معلش خليها مره تانيه علشان في حاجات محتاجه اعملها في البيت
ليلي بحب: ماشي يا حبيبتي
ذهب كريم لكي يوصلهم الي البيت بسيارته.. بينما اخبرهم آدم انه سوف يصعد هو و حور الي الاعلي لكي يتأكدوا من وجود بعض الاوراق الهامه...
آدم بهدوء: تعالي اقعدي يا حور
حور و هي تجلس امامه: نعم
آدم: ايه اللي مخلي عينك حمرا كده.. انتي كنتي بتعيطي
حور بتوتر: لا.. عادي يعني منمتش امبارح كويس
آدم بعدم اقتناع: منمتيش امبارح كويس؟
حور بخوف: اه
آدم بهدوء: طب بصي انا عندي سفريه تبع الشركه بكره هقعد يومين هناك و هاجي تام كده
حور بقلق: ليه.. ايه اللي حصل
آدم بهدوء: مفيش حاجه حصلت.. كل اللي في الموضوع ان في صفقه هتتعمل في كفر الشيخ و ماما و ميرا و كلوا عارف
حور بغيظ: يعني انا الوحيده اللي مش عارفه
آدم بأبتسامه: ما انا بقولك اهو
حور بخوف: طب مينفعش اجي معاك او حتي كريم و قصى
آدم: لا مش هينفع هروح انا لوحدي
حور بخوف: طب انت هتتصل بيا كل يوم صح
آدم بتنهيده: معرفش لسه.. بس هحاول.. المهم يلا خدي الدوا علشان معاده جيه
حور: حاضر مع اني مش بحبه
اخذت حور الدواء علي مضض بينما آدم ينظر لها و هو مبتسم... قاطعهم طرق ميرا علي الباب و سماح آدم لها بالدخول......
آدم بأستغراب: في ايه يا ميرا
ميرا بحماس: كريم وصل طنط و ملك و جيه..و شغل علي التلفزيون تحت فيلم روعه و ماما عملت الفشار و خلت قصى يروح يجيب بيبسي..و دلوقتي كلنا مستنينك تحت انت و حور علشان نتفرج كلنا..و خصوصا ان رنا رجعت من النادي نامت الحمدلله
آدم بهدوء: طيب انزلي و احنا جاين وراكي
خرجت ميرا و هي تهتف: اوكي
آدم بأبتسامه: عايزه تنزلي تتفرجي معاهم علي الفيلم
حور بأستغراب: ايه ده انت مش هتنزل
آدم بهدوء: لو عايزه تنزلي انا مش همنعك.. عايزه تنزلي تتفرجي معاهم
حور بمرح: لو انت هتنزل انا هنزل..طالما رنا مش موجوده
آدم بأبتسامه: طب يلا علشان نلحقهم قبل ما يخلصوا الاكل
هبط آدم الي الاسفل و معه حور وجدهم جلسون جميعا امام التلفاز و ميرا تضع الفشار و المياه الغازيه امامهم.. جلس هو وحور بجانبهم ليبدأ الفيلم الذي كانبيه الكثير من الرعب..امسكت حور في آدم بقوه فهي اكثر ما تخاف منه هي افلام الرعب.....
ميرا بصراخ: عااااااا اييييه اللي انتواا جاااايبينه ده.. بتفرجونا علي افلاااام رعب
آدم بأبتسامه: انتي معتبره ان ده فيلم رعب
حور بخوف: غيروا الفيلم ده
كريم بسخريه: ايه ده يا حور انتي بتخافي من افلام الرعب
حور بتوتر: مين انا!!! ابدا انا بس بقول كده علشان ميرا خايفه مش اكتر
ميرا بغيظ: لا و الله...خلاص سيبوا فيلم الرعب ده انا مش بخاف منها
اشغل كريم الفيلم مجدداً و جلسوا يشاهدون بأستمتاع عدا حور التي كانت ترتجف من خوف و لقد لاحظ آدم ذاك ليبتسم بخفه علي خوفها من تلك الافلام.... بعد مده ليست بقصيره انتهي الفيلم و حملت ميرا الاشياء لداخل المطبخ و صعد الجميع الي الغرف لينام.......
***************************
في غرفه آدم كانت حور تجلس بجانب آدم علي الفراش بخوف و هي تتلفت يميناً و يساراً... ابتسم آدم علي خوفها بتلك الطريقه.....
آدم بهدوء: خلصتي
حور بفزع: بسم الله الرحمن الرحيم... خلصت ايه؟
آدم بسخريه: خوفتي ليه ده انتي حتي عارفه اني قاعد جنبك ايه اللي فزعك كده
حور بخوف: آدم هي الفيلا دي مسكونه
آدم بأستغراب: بتقولي كده ليه
اشارت حور بخوف اتجاه الستاره التي بالغرفه و هي تهتف: اصل الستاره دي اتحركت من مكانها..اكيد في حاجه مستخبيه وراها
ابتسم آدم و هو ينهض من علي الفراش متوجها الي مكان الستاره لتمنعه حور و هي تمسك يده بقوه...
حور بخوف: انت رايح فين؟
آدم بهدوء: هشوف الستاره بتتحرك ليه
حور بقلق: و افرض كان اللي مستخبي وراها معاه سلاح و ضربك بسه اعمل ايه انا ساعتها
آدم بهدوء: طب سيبي ايدي طيب
تركت حور يده بخوف و هي تهتف: انا خايفه بلاش تروح ناحيه الستاره
توجهه آدم بهدوء ناحيه الستاره و هو يهتف بسخريه: متقلقيش لو حصلي حاجه ابقي صوتي
اومأت حور بخوف ليرفع آدم يده و يزيح الستاره من مكانها لتنصدم حور عندما لا تجد احد خلف الستاره...
حور بفزع: آدم الحق ده مفيش حد وراه الستاره اكيد كان شبح
اشار آدم ناحيه النافذه التي كانت خلف الستاره و هو يهتف بسخريه: يعني ميمشيش معاكي ان الهوا هو اللي كان بيحرك الستاره
حور بخوف: بجد و لا بتهزر
جلس آدم علي الفراش مجدداً و هو يهتف: بجد بطلي خوف بقي
حور بتوتر: آدم
آدم بهدوء: نعمم
حور بتوتر: هو انا ينفع اسألك سؤال
آدم بسخريه: لو علي اني عرفت ازاي ان الهوا هو اللي كان بيحرك الستاره فمتسأليش
حور بخوف: لا ده سؤال عن حاجه تانيه خااالص
آدم بهدوء: اسألي
حور بأرتباك: هو انت كنت بتحب رنا
آدم بجمود: لا
حور بأستغراب: اومال اتخطبتوا ليه
آدم بهدوء: علشان اريح ماما.. علشان كان نفسعا اني اتجوز
حور بغيظ: هو انت كنت هتتجوزها
آدم بهدوء: اه
حور بحزن: طب ايه اللي خلاك تفركش معاها
آدم ببرود: علشان هي كان كل همها الفلوس..بتحب الفلوس اكتر من ابوها نفسه و دايما شايفه نفسها علي الكل..في سؤال تاني و لا خلاص كده
حور بتوتر: لا مفيش..انت هتنام
آدم: اه
حور و هي تنهض من علي الفراش: ماشي و انا هقوم احضرلك شنطت السفر بتاعتك
اومأ آدم لها بينما اخذت حور احد الحقائب و اخذت تضع ملابسه في الحقيبه و الاشياء التي من الممكن ان يحتاجها معه في السفر..بعد فتره قصيره انتهت حور من تجهيز حقيبه السفر..توجهت الي الفراش و جلست عليه و هي تظن انه قد نام....
آدم بهدوء و هو مغمض عينه: شكرا
حور بدهشه: انت لسه صاحي
آدم: اه و هنام اهو استنيتك لحد ما تخلصي
حور بهدوء: طيب نام يلا علشان تصحي بكره بدري و تبقي مركز
آدم: طب نامي انتي التانيه...و اعملي حسابك اني طول ما انا مسافر و لا انتي و لا ميرا و ملك هترحوا الشركه...قصى و كريم هما اللي هيروحوا الشركه
حور بدهشه: طب ليه
آدم بهدوء: علشان ابقي مطمن عليكم اكتر...يلا بقي نامي
حور: حاضر
**********************
---------------------- بقلمي Hajar Wael
أنت تقرأ
انتقام الكينج
Poetryقاسي لا يعرف للحب طريق...تقع في طريقه فتاه متمرده تتحداه...فيقرر الانتقام ...ولكنه لا يعرف انه سوف يقع في اسرها للكاتبة/هاجر وائل
