انتقام الكينج

البارت الخامس و العشرون

حور بأستغراب: اشمعني انهارده يعني
آدم بهدوء: في حفله هتتعمل انهارده في الفيلا
ليلي بعدم فهم: حفله لايه و مين اللي هيعملها في الفيلا هنا
آدم بغموض: انا اللي هعملها..اما الحفله لايه فهتعرفوا بالليل..دلوقتي معلش يا لولو تشرفي علي التجهيزات..انا كلمت الناس اللي هتزين الجنينه و هايجوا علي الساعه ٥..و الحفله الساعه ٨
ليلي: ماشي يا بني
قصى: يلا علشان كده احنا هنتأخر علي الشغل
رنا: و انا هعمل ايه
حور بسخريه: تعالي يا حبيبتي اشتغلي معانا
رنا: اييييه انا اشتغل Are you crazy..لا لا انا هروح اقعد ما اصحابي احسن
حور: طيب ياختي براحتك
ليلي: تيجوا بالسلامه يا حبايبي
ذهبت رنا الي اصدقائها..و غادر آدم و حور الي الشركه بعد ان اخبر كريم بأن يذهب ليجلب ملك من البيت..صف آدم و قصى السياره في موقف السيارات الخاص بالشركه ثم دلفوا بهدوء تحت نظرات الموظفين لتشتعل حور من الغضب و هي تري الفتايات ينظرن الي آدم بأعجاب..دخل كل شخص منهم الي مكتبه بعد ان اخبر آدم حور بأن تأتي له بأوراق الصفقه الجديده....
مدت حور يدها بأوراق الصفقه و هي تهتف بجديه: اتفضل يا افندم الاوراق اللي حضرتك طلبتها
آدم بهدوء: سيبيها علي المكتب و اعمليلي كوبايه قهوه لو سمحتي
حور بأبتسامه: حاضر يا افندم
غادرت حور المكتب و ذهبت لتصنع لآدم القهوه التي طلبها منها..انتهت من صنعها و دخلت الي مكتبه بعد ان اذن لها...
حور و هي تضع كوب القهوه: اتفضل القهوه اللي حضرتك طلبتها
آدم: شكرا
ذهبت حور الي مكتبها لكي تعمل علي بعض الاوراق.....
*********************
وصل كريم الي منزل ملك و اتصل بها و اخبرها انه ينتظرها بالاسفل..اغلقت ملك معه ثم هبطت بعدها بدقائق..القي كريم السلام علي فوزيه و اخبرها ان آدم ينتظرهما الساعه الثامنه مساءاً لكي يذهبوا الي الفيلا ليحضروا الحفله..و اخبرهم انه هو من سيأتي لكي يصطحبهما...اومأت فوزيه بهدوء..بينما اخذ كريم ملك الي السياره و انطلقا الي الشركه...دخل كلا منهما مكتبه لينجزي عملهم في اسرع وقت لكي يستطيعوا ان يجهزون انفسهم للحفله......
*********************
بعد وقت ليس بقصير..دخلت حور الي مكتب آدم بعد ان اذن لها...
حور بهدوء: انا كده خلصت شغلي اعمل حاجه تاني و لا هنمشي
التقت آدم مفاتيح سيارته و هاتفه و هو يهتف: لا خلاص..قوليلهم اننا هنمشي دلوقتي
حور: حاضر
اتصلت حور بميرا و ملك و اخبرتهم انهم سوف يغادروا جميعا الان..تجمعوا عند موقف السيارات......
آدم بهدوء: انا هاخد حور و ميرا و انت يا قصى روح علي فيلتك علشان تجهز نفسك و انت يا كريم  هتروح توصل ملك لبيتها و تروح الفيلا عند قصى علشان تلحق تلبس هتخلص و تروح تجيب ملك و زوزو
ملك: خلاص مفيش مشاكل انا هروح لوحدي
آدم: اسمعي الكلام يا ملك و يلا
ملك: حاضر
ركب كلا من حور و ميرا سياره آدم و ذهبوا الفيلا..بعد فتره قصيره وصلوا الي الفيلا و دلفوا اليها و هم ينظرون حولهم الي العمال الذين يقومون بتزين الحديقه..انبهروا بما يفعلونه...
آدم بهدوء: اطلعوا البسوا..و انا هروح اجيب حاجه و هاجي
اومأت الفتاتان ثم صعدا الي الغرفه سريعا..وقفت حور امام خزانتها و هي لا تعلم ماذا ترتدي فهي لا تمتلك فستان سهره او اي فساتين اخري..استمعت الي صوت طرق علي الباب فأذنت للطارق بالدخول..دلفت ميرا الي الغرفه ثم نظرت لحور التي يظهر عليها الحزن.....
ميرا بأستغراب: مالك و مطلعتيش لبسك اللي هتلبسيه ليه
حور بحزن: انا مش هحضر الحفله
ميرا بصدمه: ليييييه
حور: انا معنديش اي فساتين البسها خااالص
ميرا بهدوء: استني هروح اجبلك فستان من عندي متقلقيش جديد لسه
حور: عادي خلاص انا كده كده مش قادره احضر حفلات
ميرا: هدخل اخد شاور طيب..و نتكلم في الموضوع ده بعد ما اطلع
اومأت حور بصمت بينما غادرت ميرا الي غرفتها لتأخذ شاور..جلست حور علي الفراش و هي تنظر امامها بشرود ليقاطع شرودها صوت طرق علي باب الغرفه...
فتحت حور باب الغرفه و هي تهتف: انتي لحقتي
الخادمه بأحترام و هي تمد يدها لحور بحقيبه: آدم بيه بعت لحضرتك الشنطه دي
حور بدهشه: ليا انا
الخادمه: ايوه يا هانم
حور بأبتسامه: شكرا..بس بلاش هانم دي قوليلي يا حور
الخادمه: مينفعش يا هانم..آدم بيه ممكن يطردني لو عرف
حور ببراءه: لا متقلقيش انا اللي قولتلك كده
الخادمه: حاضر يا بنتي
غادرت الخادمه و اغلقت حور بابا الغرفه ثم نظرت الي الحقيبه بسعاده...امسكت حور بالحقيبه و افرغت ما بداخلها علي الفراش... نظرت بصدمه الي ذلك الفستان الاكثر من رائع فقد كان فستان طويل من اللون الاسود بأكمام طويله..و معه حذاء اسود و حقيبه يد صغيره..ليلفت انتباها ورقه موضوعه علي الفراش..اخذت تقرأ  الرساله بصوت مسموع.....
"البسي الفستان ده للحفله..و اياكي المحك بمكياج...آدم"
ابتسمت حور و هي تدور حول نفسها بسعاده...دخلت لها ميرا و هي تمسك احد الفساتين....
ميرا بهدوء: جبتلك فستان اهو يلا نلبس علشان منتأخرش
حور بسعاده: خلاص آدم بعتلي فستان بكل حاجته
ميرا بمرح: ايوووه بقي مين قدك يا بت
حور بفرحه و هي تريها الفستان: بصي
ميرا بأنبهار: بسم الله ما شاء الله تحفه
حور بمرح: اطلعي يلا علشان البس مش عايزه حاجه تأخرني
ميرا و هي تقلدها: انا كده كده مش قادره احضر حفلات....عني لازم ابيه اللي يجيب الفستان علشان تنزلي
حور بغيظ: امشي من هنا يا ميرا..يلااا
ميرا بمرح: خلاص متزقيش طاااا
غادرت ميرا الي غرفتها و ارتدت ملابسها كذلك حور دلفت الي المرحاض و اخذت شاور ثم ارتدت الفستان ثم مشطت شعرها بسعاده..قاطعها دخول آدم الي الغرفه بهدوء.....
آدم بأبتسامه: عجبك الفستان
حور بسعاده: اووووي شكرا يا آدم بجد
آدم بهدوء: متشكرنيش انا جوزك و انتي ملزمه مني..هدخل انا البس علشان متأخرش
اومأت حور بينما دلف آدم الي المرحاض و اخذ شاور و ارتدي بدلته ثم هبط هو و حور و ميرا الي الاسفل..و خرجوا الي حديقه الفيلا كان الحضور قد بدأوا في المجئ..رأي آدم كريم و قصى و معهم ملك و فوزيه...ذهبت حور و ميرا الي ملك..و جلست ليلي مع فوزيه علي احد الطاولات..بينما وقف آدم مع قصى و كريم..و جلست رنا و بيري مع بعضهم...بعد فتره قصيره اجتمع الجميع اخذ آدم حور و صعد علي المنصه ثم امسك الميكرفون تحت نظرات حور المستغربه.....
آدم بهدوء: انا جمعتكم انهارده علشان حبيت اشاركم الخبر ده..اعرفكم دي حور مراتي زي ما في منكم عارفين
ما ان انتهي من كلماته حتي اخذ حور و هبط الي اسفل المنصه.. نظرت ليلي اليهم بسعاده مثلها مثل الاخرين..عدا الحاقدين..اخذوا جميعا يباركون لآدم و حور....
حور بهمس: انا تعبت من الوقفه ينفع اروح اقعد مع ميرا و ملك
آدم بهدوء: ماشي
ذهبت حور الي الطاوله التي تجلس بها ميرا و ملك و لكن لم تكن لتصل اليها حتي دفعها احد ما في حمام السباحه الخاص بالفيلا...استمع آدم لصراخ ميرا و ملك و التفات الجميع حول حمام السباحه...ذهب سريعا هو و قصى و كريم ليروا ماذا هناك و عند وصلهم صدموا عندما رأوا  حور تحاول ان تسبح و لكنها لا تستطيع..قفز آدم سريعا اليها ثم سحبها ناحيته....
آدم بصراخ: كلو يبعد عن حمام السباحه
ابتعد الحميع كما امرهم آدم..صعد آدم من المياه و هو يحمل حور بين ذراعيه ذهبت ميرا و ملك و ليلي و فوزيه سريعا ناحيته ليطمأنوا علي حور....
*******************
------------------------ بقلمي Hajar Wael