انتقام الكينج

البارت الثاني عشر

في صباح اليوم التالي استيقظ الجميع و هبطوا الي الاسفل ليتناولوا طعامهم....
قصى و هو يأكل: بس انت يا كريم عملت الحادثه ازاي
كريم: كنت عايز انزل اجيب فطار و مكنش معايا العربيه بتاعتي فروحت لآدم...
*فــــلاش بـــــاك*
دخل كريم الي مكتب آدم  بدون ان يطرق الباب كعادته
آدم بغضب: انت يا زفت مش انا قولتلك متدخلش غير لما تخبط
كريم بمرح و هو يجلس: ملقتش حور قولت اما ادخل بطرقتي...اه صح هي مش موجوده ليه
آدم: كانت تعبانه امبارح و معرفتش تيجي
كريم: ماشي
آدم ببرود: كنت عايز ايه بقي
كريم: انت عارف ان اخوك مفطرش.. فأنا عايز انزل اجيب فطار
آدم: طب و انا مالي ما تنزل
كريم: احم احم ما انا جيت انهارده بتاكسي علشان عربيتي في الصيانه
آدم ببرود: ايوه يعني عايز ايه
كريم: سلفني عربيتك يا شيخ اللهي ربنا يسترك دنيا و اخره
آدم و هو يعطيه مفاتيح السياره: خد و امشي من هنا...بس عارف لو العربيه حصل لها حاجه انت حر
التقط كريم مفاتيح السياره منه ثم هتف و هو يخرج: تسلم يا صاحبي
انطلق كريم بالسياره و اتي في باله ان يتصل بحور ليطمئن عليها...و حينما اغلق معها لاحظ ان هناك سياره نقل تأتي عليه بسرعه عاليه حاول ان يضغط علي الفرامل لكي تتوقف السياره و لكنها لا تعمل فعلم ان احد ما يحاول قتله..ادار عجله القياده لتنحرف السياره عن الطريق و تنقلب...و لم يفق الا في المستشفي
*بــــــــاك*
حور: الحمد الله علي سلمتك يا حبيبي
كريم: الله يسلمك يا قلبي
قصى: يعني كده مش انت اللي كنت مقصو............
آدم بمقاطعه: يلا علشان اتأخرنا علي الشغل
ملك و هي تقف: و انا هروح
آدم: استني هنوصلك في طريقنا
ملك: متتعبوش نفسكم انا كده كده رايحه الشغل
قصى بإستغراب: هو انتي بتشتغلي
ملك: اه
حور بحده: من غير ما تقوليلي يا ملك الكلب
ملك: ما انتي كنتي مسافره
حور بمرح: احم خلاص عفونا عنك
آدم: انتي بتشتغلي فين يا ملك 
ملك: في شركه ايمن الدمنهوري
آدم بجمود: و انتي مرتاحه في الشركه دي يا ملك
ملك بأحراج: احم هو بصراحه لا...بس ملقتش شركه تانيه اشتغل فيها
آدم بحنان: طب ايه رأيك تشتغلي في الشركه معانا
ملك بسعاده: بجدددد
آدم ببرود: بجد..هتبقي سكرتيره مكتب كريم...انا عارف انه ميستهلش انه يبقي عنده سكرتيره شاطره بس نعمل ايه صعب عليا
كريم بغيظ: هو انت مينفعش تقول كلمه عدله في حقي
تظر له آدم نظره اخرسته....
كريم: احم قول اللي انت عايزه
قصى: طب يلا علشان احنا كده اتأخرنا
ليلي: بقولك يا لوكا ابقي عرفيني علي مامتك و نتصاحب و نقعد نتكلم بدل ما حد بيعبرني و سائل عليا
حور بلهفه: احنا مش بنسأل عليكي ازاي يا لولو
كريم بمرح: علشان بس تعرفوا ان لولو عايزه اني افضل قاعد معاها هنا علي طول بس هي مكسوفه مش اكتر
ليلي: اهو انت لو مسألتش عليا هبقي في نعمه كبيره
قصى بمرح: اضرب يا لولو يا جامد
كريم: كده يا لولو تحرجيني قدام اعدائي
ليلي: تستاااهل
آدم: معلش يا لولو هنسيبك دلوقتي علشان اتأخرنا علي الشغل..و هنرجع نتفرج معاكي علي فيلم..ايه رأيك
ليلي: ماشي يا حبيبي..بس قبل ما تيجوا اتصلوا بيا علشان الحق اعملكم فشار و ابعت حد يجيب حاجات ساقعه
كريم بسرعه: و انا هقعد اساعدك
آدم: متقلقش هي مش محتاجه مساعدتك..و لو احتاجت هتطلب من اي حارس بره
كريم بعدم اهتمام: عادي انا كده كده مش هينفع انزل الشركه علشان تعبان
قصى بأستنكار: ده منظر واحد تعبان
كريم: انت ايش حشرك
آدم: يلا يا زفت اركب العربيه
كريم بمرح: ياااا نهااار ابيض يلا يا حور اتأخرنا علي الشركه
حور بدهشه: لا و الله انا اللي متأخره
آدم: يلا انتي و هو
حور: حاضر
ذهب الجميع الي موقف السيارات و انقسموا الي قسمين......
آدم: انا هاخد حور و ملك في العربيه عندي
قصى: تمام و انا هاخد معايا كريم و ميرا
صعد كلا من قصى و كريم و ميرا الي السياره و انطلقوا الي الشركه....
حور بتوتر: احم ملوكا حبيبتي اركبي انتي قدام
ملك بأستغراب: ليه
حور: لا عادي يعني اصلي بحب الكرسي اللي ورا اكتر 
آدم بصوت عالي: حووووووور
حور بسرعه: جااايه اهو
صعدت حور بجانب آدم و هي تتمتم ببعض الكلمات الغير مفهومه..
آدم: بتقولي حاجه يا حور
حور: مبقولش خلي بالك بس بدل ما نعمل حادثه بسببك
آدم: ايه رأيك يا ملك تشتغلي من انهارده
ملك: اللي حضرتك شايفه
آدم: يبقي نطلع علي الشركه
وصلوا الي الشركه و صف آدم سيارته في موقف السيارات التابع للشركه...
دلف آدم الي الشركه بغرور و كبرياء تحت نظرات المعجبين علي وسامته و غروره..كل ذلك تحت نظرات و مسامع حور التي تكاد تنفجر من الغيظ و الغضب...
آدم و هو يدخل مكتبه: اعملي حسابك خمس دقايق و تجي المكتب علشان في اجتماع
حور بغيظ: حــــاضـــر يا افـــنــدم
دخل آدم الي مكتبه بينما وقفت حور تتمتم بغيظ و غضب..بينما ملك تضحك عليها
ميرا و هي تأتي بتجاههم: بتكلمي مين
حور بأنتباه: مش بكلم حد
ميرا بغيظ: بقولك احنا عندنا اجتماع و في واحده اسمها بيري هتحضر..البت دي بقي انتي مش هتبقي طيقاها
حور بعدم فهم: ليه يعني
ميرا: هتعرفي لما بلوه هانم تيجي
ملك: و ليه متقوليش دلوقتي
قاطع كلامهم كريم و قصى و هم يتاتوا بتجاههم....
كريم بدهشه: ايه ده ملك بتعملي ايه هنا....مش كنتي مروحه
ملك بخجل: آدم قالي ممكن انزل اشتغل من النهارده
كريم بمرح: ياااااه اخيرا هيبقي عندي سكرتيره
ضحك الجميع عليه
قصى: يلا يا استاذه منك ليها علشان منتأخرش علي الاجتماع و آدم يموتنا
حور: ماشي
دخل قصى و كريم و حور و ميرا الي المكتب..تفاجأت ميرا عندما رأت بيري تجلس امام آدم..اما حور و ملك فهم لا يعرفوها....
ميرا بأبتسامه مصطنعه: ازيك يا بيري
بيري بتكبر: كويسه
آدم: يلا نبدأ الشغل
بيري: اتفضل يا آدم
حور بغيظ: معلش يا بيري يا حبيبتي اسمها باشمهندس متشليش الالقاب يا ماما
بيري بقرف: مين دي
آدم ببرود: قربتي بس من بعيد شويه...يلا بقي نبدأ الاجتماع
اغتاظت حور من رد آدم و لكنها لم تتكلم حتي لا يغضب عليها..بدأ الاجتماع و اخذوا يتناقشوا حول المشروع...
قصى: تمام كده هنمضي العقود امتي
بيري: علي اخر الاسبوع كده يا قصى
ميرا بغيظ: بيري حياتي حور قالتلك متشيليش الالقاب ليه مش بتسمعي الكلام
بيري: انا و قصى متعودين نتكلم من غير القاب
ميرا بغضب: لا يا حبيبتي لازم يبقي في القاب
ثم نظرت لحور: و لا انتي رأيك ايه يا حور
حور ببرود: لازم طبعا يبقي في القاب
آدم بجمود: مش وقت اللقاب و مش القاب خلااااص الاجتماع خلص
حور بهمس لميرا: اخوكي بيطردنا بالادب
ميرا: خلينا نطلع بدل ما يعمل مننا شورما
خرجت بيري و هي متعصبه و كادت كلا من ميرا و حور و ملك ان يذهبوا و لكن اوقفهم صوت آدم...
آدم ببرود: استنوا انتوا التلاته عايزكم

***************
-------------- بقلمي Hajar wael