معتز:انا اسف بجدد اعفي لي واشهدد ان لا اله الا الله وان محمدا رسول اللهلحظة صمتت حصلت لما سمعت صوت الجهاز بصفر وبينذر بتوقف قلب الزول دة.سكتت مسافة وهي ماقادرة تستوعب دخلو الممرضات وقالو ليها اطلعي لو سمحتي ساقوها طلعوها برة وقفت قدام الباب وهي لسة مامستوعبة الحصل رحاب جات مسكتها من اكتافها وبقت تهزها وتقول ليها مالو قال ليك شنو حصلل ليهو شنو معتز مالوو واااي يا معتزز جات رواح ونفس الحنك وببكو وتوليب لسة مامصدقة انه مات قدامها جا طالع الدكتور وقال ليهم البقاء لله كلهم اتجمدو مكانهم سألو الدكتور من سبب وفاة المريض اقترنت حواجو دلالة على الاستغراب قال ليهم ماكلمكمم؟! سكتو تاني كلهم (الصدمة التانية😂👊) الدكتور قال ليهم المريض دة قبل اسبوعين جا فحص واكتشفنا انو عندو سرطان في الدم (حمانا الله واياكم)وقلنا ليه نبدا في الكيماوي بس هو رفضض اتصدمو كلهم وحتى توليب اتصدمت معاهم وخلاص ياهوو تاني العزا والبكا والنوااح وكدة اما توليب تعالو اوصف ليكم شعورها(ماعرفت تبكي ولا تضحك تضحك عشان الجحيم الكانت عايشة فيه انتهى واخيررا ولا تبكي عشان هي عمرها ١٦ سنة بقت ارملة؟!تبكي ولاتضحك؟!حالتها كانت يرثى لها شديد )مرت تلاتة ايام وطبعا توليب رجعت بيتهم للأسف وهي لبسوها الابيض غصبا عنها وبقت بس قاعدة لكنن البيساعدها جوري وجواد عسولين ودايما بكونو بتونسو معاها كأنهم حاسين بي وجعها وبحاولو يخففوهو ليها.طبعا ريان اجهضت الولد اللي كانت حاملة بيه بسبب الضرب حق راجلها وتوليب ماكانت عارفة تخيلو بسس ..💔المهم ريان عايشة في جحيم ابدي مع راجلها لأنو كعبب شديد.مر تاني اسبوع ويوم بالصدفة وتوليب ماشة تشرب موية من المطبخ سمعت صوت رحاب بتقول رحاب:اي حاتصل عليه اصلو ما بنتحمل لينا ارملة في البيت دة نحنا برانا ماناقصين خليهم دايرين يجو يسوقوها يسوقوها مادايرين يسوقوها يجدعوها بي طريقتهم احنا مالنا ومالها مش لميناها نحن يلا نجدعها كفاية تعبنا معاها(متخيلين معاي؟!..بهذا الاسلوب🙂💔)توليب رجعت غرفتها رقدت وبقت تبكي لحدد مانامت وصحت اليوم اللي بعدو رتبت شنطتها واي شي لأنها عارفة انو رحاب حتجي تقول ليها اجهزي .. المهم بقت جاهزةة ومستنية في اي لحظة يجي زول كدة اول مرة تشوفو يقول ليها ارح معاي بقت قاعدة ومرو يومين وفي اليوم التالت بالعصر الباب دقا .. جا شاب وسيم داخل ظاهر عليه في بداية العشرينات سلم عليهم ببشاشة وجا سلم على توليب ضماها مساااافة توليب اتخلعت وبعدت منو هو استغرب بس كتمها في حنانو .. شال شنط توليب وقال ليها يلا ♥️.مشت سلمت على اعمامها وعماتها وقالت ليهم قبل ماتطلع "اي دمعة نزلت مني بسببكم مامسامحاكم عليها وماعافية ليكم ابدا ورب العباد موجود وبتشوفوه في دنيتكم قبل اخرتكم "وسلمتت على جواد وجوري وطلعت.. مشت مع الولد لقت سيارة سوداء فخمة (صح انة توليب ماكانت عايشة في الخرطوم بس كانت مثقفة شديد شديد يعني عادي كأنها مابت بلدد وبالعكسس كمان راقية شديد )ركبت في المقعد الخلفي الولد جا ركب جمبها استغربت بعدين عاينت قدام انتبهت انو في سواق الولد قعد جمبها قال ليها..:كيفك؟!توليب:بخير الحمدلله...:ماكنت متخيلك بالجمال دةتوليب:قبلت عليه وقالت ليه عفوا😑...:ماشاء الله جميلة توليب اتلفتت على الشباك وقالت دة مالو كمان الاهبل دة...:اسمك توليب صح (هو عارف اسمها بس عايز يفتح معاها موضوع)توليب:اي ...:وانا حسام توليب:اتشرفنا😊حسام:الشرف لي🙂💜بعد مسافة حسام ختا يدو في يد توليب وقال ليها امتحنتي كيف؟!توليب :عاينت لي يدو مساااافة وعاينت ليه وبعداك زحت يدها واتكلت على يدها التانية وقالت ليهو تمام+ماتلمسني😊حسام:ليه؟!توليب:شنو هو😊حسام:ليه ما المسك؟!توليب عاينت ليه مسافة وبعدين قالت ليه زول غريب مابسمح ليه يلمسني😊حسام:شنو؟!..كيف يعني غريب؟!... يبتت انا اخوك الكبير😶توليب:عاينت ليه مساااافة وبقت ساكتة وراسها دة ضرب اخماس اسداس وبقت تقول اكيد بغشني كيف اخوي الكبير جا منوين د؟حسام:اخوك ياتوليب حسام معقول مابتعرفيني؟!توليب:ويت ويت ويت اخو منو وشنو وجاي من وين انا ماعندي اخ كبيرحسام:ختا يدو في راسو وقال معقول ماكلموها؟!توليب:ماناوي تفهمني المهزلة الحاصلة دي شنو😿حسام عاين ليها جوة عيونها وبعدين قال ليها:اخوك من ابوك ..اسمعيي ابوك قبل مايتزوج امك كان متزوج امي انا المهم حصلت مشاكل بينو وبين امي وفي الزمن دة انا ومؤيد كنا مولودين ..توليب قاطعته:مؤيد منو😿حسام:ماتقاطعيني مؤيد اخوي الصغير واكبر منك المهم بعد المشاكل الحصلت مشا اتزوج امك فوق امي ولمن امك حملت وكانت في الشهر السابع هو اتوفى الله يرحمو.. سكت مسافة وقال وبعدين امك ولدتك وجيتي انتي على الدنيا ديتوليب:وليه اهلي ماكلموني😿حسام:لانهم بكرهونا كلنا وكانو بحقرو على ابوي عشان كدة انتي ماعارفة حاجة😪💔.توليب:اتذكرت كلام رحاب القالتو داك قالت ليهو انت خالتو رحاب اتصلت عليك صح؟!حسام:اي اتصلت..ليه؟!توليب:ساي بس😊حسام :اوكوبقو يتونسو ونسة عادية لحد ماوصلو البيت وتوليب عرفت انهم اخوين اتنين بس حسام ودا اكبر منها بي 7سنين (يعني عمرو 23 سنة )ومؤيد ودة اكبر منها بي 3سنين (يعني 19 سنة)وارتاحت لي حسام شديد بس قلبها ماكان مرتاح كانت حاسةة انو في زول ماحيتقبلها في البيت دة وكانت بتقول في نفسها اكيد دي مرت ابوي ماحتقبل بي منو بيقبل بي بنت ضرتوو وكانت مهمومة شديد بس قالت برضو حيكون اهون من القعدة مع معتز😪💔.لا تيأس فالأشياء الجميلة لا تأتي إلا بعد أن ينشل أملك ..🖤يتبع...
