توليب : اتحولت ملامحها ل ملامح جادة وقالت :
" بالنسبة لشنو ؟ " .
مؤيد سكت مسافة وبعدها زفر بضيق وقال :
"توليب ،، يزن اتقدم ليك "
اتوسعت عيونها بصدمة وقالت : " نععععمممممم؟"
مؤيد ابتسم من ردة فعلها وخلعتها ردد كلامو تاني :
" يزززننننن اتتتققدددمم للليييك ".
توليب وهي مصدومة لسة : " كيف يعني اتقدم لي ؟"
( معليش البت طشت شبكة🙂).
مؤيد ضحك : " يعني جا طلبك مني " .
توليب وهي ماقادرة تصدق : " لي طلبني وكيف ومتين ؟؟؟؟".
مؤيد : " هسي انتي لي مخلوعة كدا؟" .
توليب " مؤيد افهمني ،، انا ويزن ماف بيناتنا اي شي ولا حتى بصيص امل ولا حتى امل انو نعتبر بعضنا اكتر من اخوان ،، انا ويزن مجررد اخواان بسسس ما اكتر من كدا ،، مستحيل ارتبط بيهو في علاقة غير الصداقة ابداً !".
مؤيد :" لي فيهو عيب ؟ "
توليب : " لا مافيهو ايي شي والله يزن سيد الرجال بس انا مستحيل افكر فيهو كأكتر من اخ او صديق فهمتني ؟ " .
مؤيد :" ايي اي فهمتك "
وسرح وهو بفكر وبتذكر الحصل
# فلاش باك :
امس 4:00 عصراً :
باسل اتصل على مؤيد وطلب انو يجيهو في بيتو بأسرع وقت في موضوع ضروري عايز يقولو ليهو وفعلاً بعد نص ساعة تقريبا كان مشا لباسل .
مؤيد :" خير ان شاء الله الحاصل شنو ؟".
باسل : "كل خير ماتقلق " .
مؤيد وهو مركز مع باسل عايز يعرف الحاصل .
باسل :" الصراحة ماعارف ابدا ليك من شنو"
