اكيد حتسألو بكت ليه صح ماهي في النهاية عمتها وكانت قاعدة معاها وبتشوف وشها كل يوم وبشكل مستمر اكيد حتنصدم كدا لما يقولو ليها ماتت ..💔
بقو يهدو فيها وامها جابت ليها الموية شربت ومسحت دموعها وساكتة وهم كلهم منتظرنها تتكلم وهي ساكتة حسام قال ليها :توليب اتكلمي قولي حاجة
وهي بس دموعها نازلة وبتعاين لمكان واحد بعد مسافة من الصمت ودا كلو وهم واقفين فوقها بدت كلامها ب ماتت كيف يعني .. هي زعلانة مني😭 ماتت وهي زعلانة منيي ياريت لو ما اتكلمت معاها وخليتها تحقرني هسي ماتت وهي زعلانة مني كيف عمتي تموت وهي زعلانة مني .. انا وحدة سيئة سيئة شديد😭 اصلا كنت حاسة انا من الصباح انو في شي ماطبيعي حيحصل ليه عملت كدا انا غبية وانا طالعة من بيتهم اخر شي قلت ليهم انا ماعافية ليكم ليه عملت كدا ماتت وهي زعلانة منيي وبقت بتبكي بس حسام قال ليها كلو قضاء وقدر ياتوليب وبعدين هي مازعلانة ان شاء الله تكون حست بي غلطها الغلطتو معاك واستغفرت قبل تموت هي عمتنا كلنا وياهو ديل كلنا متصبرين انتي كمان استغفري واقري ليها قرآن
توتة قعدت تبكي بس وتدعي بي جواها يارب تسامحني.
فجأة قالت لأمها
توليب:امي انا عايزة امشي
امها:لالا والله معليش وم دايرة نقاش
توليب:بس هي عمتي
امها :عمتنا كلنا بس ماف ليك مشية
توليب :ماما عليك الله..
امها :قلت لا.
حسام:ايي ياتوليب احسن ليك م تمشي احنا ماصدقنا متين بديتي تتجاوزيهم
مؤيد:اتفق مع حسام.
توليب:طيب خلاص.
باسل:عظم الله اجركم ان شاء الله
كلهم:عظم الله اجر الجميع
باسل:ويلا بعد كدا انا امشي.
امهم:لي ياولدي اقعد اتعشى معانا
باسل:عوافي على قلبكم ياخالتي تسلمي💛💛.
وطلع عشان يرجع البيت.
مر اسبوع وتوليب بدت تتجاوز شوية شوية ونزلت جامعة.
الليلة الاحد ومؤيد م مشى الجامعة قلة ادب منو بس المهم توليب مشت اخدت المحاضرة وكانت المفروض ترجع مع باسل عشان مؤيد مع امو في مشوار وحسام فالشغل عاينت ليه من بعيدوكأنو متضايق كدا وكان ماسك راسو مشت جابت موية وكان معاهها بندول مشت مدتهم ليه وقالت
توليب:ابتسمت ابتسامة حلووة وقالت :خير مالك
باسل:ماف شي بس شوية صداع
توليب:هاك طيب ابلع البندول د وهي مبتسمة عاين ليها جوة عيونها لما هي اتوترت بس ماكسرت عينها رد بنفس الابتسامة واخد البندول.
باسل:انتي انتهيتي؟
توليب:ايي انتهيت
باسل:يلا طيب
توليب :ارحح
رجعو وكان طول الطريق بتونسو واللتنين كانو مبسوطين من ونستهم مع بعض توليب رجعت البيت وهي فرحانة ونفسياتها فل مشت استحمت ونامت وصحت نزلت تحت عشان الغدا بعد م اتغدت مؤيد قال ليها
مؤيد:ارح معاي نمشي ل باسل
توليب😑انت وصحبك انا بوديني معاكم شنو؟
مؤيد:مش قلتي عايزة حاجات للجامعة ارح نمشي مرة وحدة احسن لييك
توليب : طيب طيب وجرت غرفتها لبست وجات نازلة طلعو لفو وصاعو وبعدين مشو عن ناس باسل طبعا د اول مرة توليب تمشي بيتهم باسل سلم عليهم وفضلهم دخلو وقعدو مؤيد وباسل بتعاورو كالعادة وتوليب ماسكة تلفونها بتتونس مع يزن ولمار وهم قاعدين كدا جات مرة داخلة لابسة لبس غريب شديد فاكة شعرها ولابسه ضيق وم لابسة طرحة الجو فجأة اتوتر وباسل كأنو خجل جات المرة سلمت على مؤيد سلام معرفة وتوليب سلمت عليها عادي وم حسستهم ب شي ولا حسستهم انو لبسها غريب وكدا اتعاملت مع الوضع بعفوية وكدا كبرت ف نظر باسل شديد♥️ .. قعدو يتونسو وكذا ولو م توليب الوضع كان حيكون متوتر قعدو شوية وبعدها طلعو ف الطريق توليب سألت مؤيد من المرة دي وصدمها جوابو بإنو د امو وكذا .. رجعو البيت بالليل كانت بتفكر فيه ولاحظت انو دايما بالها بكون مشغول مع باسل وكدا وصحبتنا ماعارفة انها بدت تقع😂😂
مر اسبوع والحال زيي ماهو توليب اليوم داك كانت حاسة بإحساس غريب (دايرة تقتل لينا منو تاني) مشت الجامعة وهي بتفكر وطبعا هي وباسل المواقف شبه كترت بيناتهم ولما يقعدو مع بعض بيتونسو وكداا اخدت محاضراتها عادي ورجعت استحمت ورقدت نامت وصحت الساعة ٦ المغرب صلت ونزلت تحت اكلت وتاني رجعت غرفتها مسكت جوالها شوية وبعدها لبست عباية عشان تمشي تجيب اندومي كان نفسها فيهو ♥️♥️.
هي نازلة ف السلم سمعت صوت امها بتتكلم مع مرة ومؤيد شايفاه قاعد قصادها ومعصب وباسل جمبو وحسام بتناقش بي هدوء حست انو في شي م طبيعي بقت نازلة ف السلم وقلبها بضرب بقوة شديد كانت متوترة وحاسة انو قلبها شوية وحيطلع من مكانو بقت نازلة خطوة خطوة لما وصلت تحت حصلت لحظة من الصمت وكل الموجودين اتلفتو وانتبهو معاها وفي وجههم مرسومة علامات الخوف عاينت ليهم وانتبهت انو ف مرة قاعدة وسطهم وظاهر الشبه بيناتهم شديد حتى الاعمى بفرق بيناتهم وكان في يد المرة دي طفلة عمرها اربعة سنوات تقريبا هي ما انتبهت للبت الكانت في يدها بس كانت بتعاين للمرة دي شديد ف النهاية م عرفتها بقت واقفة ساي منتظرة زول يوريها المرة دي منو والجو اصلا كان مكهرب حست انو الساعة وقفت وعقلها وقف من التفكير لما حسام قال :احم دي امك ي توليب
وقفت قريب الخمس دقايق عشان تستوعب معقولل ..؟! بعد المسافة دي كلها ظهرت تاني ..؟! بعد 17 سنة..؟!
عاينت ليها والمرة اللي بدورها امها كانت بتعاين ليها وكلهم مندمجين فيها و ف ردت فعلها وحتتصرف كيف بعد مدة خمسة دقايق من الصمت ابتسمت ابتسامة كبيرة بتدل على انها حتجي تضم امها بعد كل السنين دي وحترجع مرة تانية للدفئ والامان ف حضنها🖤.
"واسْقِنا مِن بُحورِ الصّبر صَبّراً يا مُعين الصَّابِرين ")!
