استجمعت قوتها وشجاعتها واخدت نفس طويل بعدها عاينت ليهو في عيونو وباسل كان واقف جمبو
منظرها كاننن كييوووووتتتتتت شديدددد كفييل بإنو يخلي باسل يتكسر😂💛.
عاينت ليهو ببراءة وقالت ليهو : "الصرصورة ركبت في وشي" .
(اييييي الكواريك د كلها بس عشان صرصور🙂).
مؤيد حمر ليها مسافة في حين انو باسل انفقع بالضحك مؤيد قام وهو طالع من غرفتها حس بيدها الصغيرة الناعمة بتمسك يدو وبتقيف جمبو .. عاينت ليهو تاني بنفس الطريقة وبكل البراءة الفي الدنيا قالت ليهو "م تمشي تخليني براي .. الصرصورة حتاكلني"
(وكااانتتتت جاااااددددةةة زي م انا بكون جادة لما اقول ليكم الحمامة حتاكلني).
هنا باسل ومؤيد انفقعو بالضحك تاني وحتى كانو ماسكين بطونهم من الضحك 😂❤.
مؤيد قال ليها : "يلاا طيب يصرصور انت😉".
توليب : "مؤيييددد بببططللللل تشششغغييللااات😭".
مؤيد : "طيب سكتت ارح يلا😂".
توليب طلعت قدامهم سمعت صوت ضحك رجعت الغرفة تاني حمرت ليييهم ومشت😂.
( هي ليي بريئة كدا .. هي م عارفة انو ببراءتها د بتشتتني 😪♥️ .. كيف ممكن يكون في انسان بالجمال د كلو ..؟! انا هسي بقيت متأكد انو توليب د انا م بحبها .. توليب د انا بعشقها♥️ .. حاولت كتير م اورط نفسي .. حاولت م احبها .. باين انو في ناس كتيرة خذلتها في حياتها .. خايف احبها انا كمان واجرحها فيوم من الايام🖤 .. توليب د انقى واطهر من انها تتجرح وتزعل .. وهي كيف الدنيا د لسة فيها ناس كدا ..؟! بعد تجربتي السابقة في الحب وبعد عمايل امي .. اتوقعت انو البنات كلهم زي بعض واتعهدت على نفسي اني م حرجع احب تاني .. بس انا قطعت الوعد الوعدتو لنفسي .. بس م فيدي والله .. فجأة لقيت نفسي بحبها شديد .. يومي م بكمل الا اشوفها♥️ .. كل الوقت بكون بتذكر فيها وفي صوتها اللي م بروح من بالي نهائياا .. هو الحب د صعب كدا اصلاا ؟ .. انا بحبها حد الجنون والله♥️. ومستعد اضحي بأي شي عشانها .. وبس عشان تفضل مبسوطة💛. .. باسل)
مرت الايام ولا جديد يذكر بس باسل كل يوم بحب توليب زيادة .. وتوليب بتحس بشعور غريب معاهو .. اول مرة تحس بيه .. م بتحسو مع زول الا باسل♥️.
(انهوو الحووبوو يااا عااازيييزتيي تتتوولييب😂).
وفي يوم من الايام مؤيد وتوليب ويزن وباسل طلعو شارع النيل كانو قاعدين كلهم مع بعض مؤيد تلفونو اتصل قام منهم بعيد لأنو كان تلفون عن الشغل يزن وتوليب كانو بتعابطو وقاعدين وبتونسو وبضحكو اما باسل نار الغيرة كانت حتقتلو (حرفيااا شعور الغيرة د مميت شديد .. خصوصا لو كان الزل كتوم .. الغيرة نارها حارة شديد والله .. كفيلة تحرق قلب المحب كلياا .. هي اشبه بالموت البطيء ..💔).
يزن قام يطلب اكل بقو قاعدين باسل وتوليب براهم .. عمت فتره من الصمت لحد م باسل بادر بالكلام
وسأل توليب : "بتحبيهو؟".
هو م عارف سأل توليب كذا لي؟ لي م قدر يمسك نفسو اكثر ؟ لي سألها سؤال قاطع زي د فجأة ؟
توليب اقترنت حواجبها دلالة على الاستغراب
وقالت :" منو ؟".
قال ليها : "انتي عارفاني قاصد منو" .
توليب : عاينت للأرض بصمت وبعدها رفعت راسها وعاينت ليهو زفرت بضيق وبعدها قالت : "لا" .
باسل يادوب حس انو اتنفس الصعداء بس كل فرحتو اتلاشت لما سمع باقي ردها .
توليب :" ابدا م بحبو ياباسل يزن د البيني وبينو اعمق بكتير من الحب .. شعور عميق .. م ينفع نلوثو بمتاهات الحب .. البيناتتا اعمق من الحب .. الامان .. الراحة .. الحب .. والسلام الداخلي .. د كلو مجموع في شعوري تجاه يزن .. الحب د جزء من شعوري تجاهو ..
كل حرف من الحروف القالتها توليب كانت بتدخل عل هيئة سكاكين في قلب باسل .. وهو الحب صعب ومتعب كذا ..؟! الشعور الحسا بيهو كان شعور مميت شديد .. اصعب من شعور الغيرة .. البت الحباها بكل جوارحو .. تطلع بتحب واحد تاني؟ لا وكمان م حب .. اعمق من كذا بكثير ..💔.
قضو باقي يومهم وباسل قدر يحافظ على نفسو هو اصلا بقدر يحافظ على تعابيرو يعني م بظهر عليه لو زعلان او متضايق بس م بقدر يسيطر على لمعة عيونو لما يشوف توليب .. 'لمعة الحب ♥️!'.
رجعو بيوتهم كلهم نامو الا توليب وباسل مساهرين كالعادة وكل زول بفكر في همومو.
.. لي سألني السؤال د؟ .. معقول الناس تكون بتفهمنا انا ويزن؟
اتقلبت على الجهة التانية وقالت .. انا مالي ومال الناس اهم شي انو امي واخواني عارفين البيناتنا كلو .. بقت بتتقلب وم قادرة تنوم قامت مشت شربت موية وهي طالعة غرفتها حست انها خايفة مشت ترقد جمب امها لقت ماف محل مؤيد بكره عندو شغلة ضرورية في الجامعة حسام عندو شغل لكن دوامو ببدا متأخر .. لقت انو انسب زول هو حسام .. مشت لحسام فغرفتو فتحت النور وقعدت في السرير جمبو وبقت تصحيو براحة عشان م يتخلع ..
لما صحا قالت ليهو :" ما جايني نوم "
قام غسل وشو وجا قال ليها ارح نطلع البلكونة .. طلعو البلكونة الجو كان حلو والسما ملبدة بالغيوم والنجوم لامعة وحلوة ❤.
قعدو مع بعض والهوا بحرك خصل توليب هي كانت عاملة شعرها كعكة لفوق عشان لما تنوم بتسرح كذا وباقي خصل نازلة .
حسام : "لي م قدرتي تنومي؟ ".
توليب : "م عارفة وكمان فجأة حسيت اني خايفة".
حسام : "من شنو؟"
توليب : "م عارفة والله م عارفة اي شي انا" .
كملت كلامها وهي بترقد في رجولو
حسام بدورو ختا يدو فراسها وقال ليها : "طيب حقرا ليك قرآن يمكن ترتاحي شوية"
توليب : "طيب".
______________________________________
"مَا لَامَسَ الْقُرآنُ قَلْباً ضَيِّقاً إِلّا واتّسَعْ 🖤!".
# يتبع ...
( معليش على التأخير يخخ).
