عند باسلل
قاعد محتار وبفكر في امو وتصرفاتها وانو زهج منها بالجد ومن حركاتها الغبية دي من لبسها ومن كل شي فيهاا هو ببساطة هسي بخجل منها .. 💔
بخجل لقول كلمة امي لوحدة لبسها كعبب لأن الناس تفكيرها محدودد وهو زهجان كدا جات امو داخلة ..
باسل:عاين ليها وم اتفاجئ من اللبس اللابساهو لأنها دايما في الحالة دي بس ممكن نقول انها المرة دي لبسها كان اوفرر شديد بسبب لبستها دي باسل حسا بطعنة في قلبو اول مرة يحس بيها .. شعورو بالعجزكان متملكو .. اتكلم معاها بالهداوة ما نفع .. مابقدر يعلي صوتو عليها لأنها في النهاية امو
# وَ بالوالدين احساناا
مابقدر يعملل اي شي هو في خيار بين دنيتو واخرتو لو اختار دنيتوو معناها يستعمل مع امو اسلوب تاني يعلي صوتها عليهو يقطع صلة الرحمم يعمل اي شي يَعِّق بالوالديين .. لو اختار آخرتو يسكت ويسمع كلام الناس عادي كأنو ماحاصل شي ويبر بأمو زيادةة.
وفعلا كل خيار اصعب من التاني ..💔
______________________________
توليب كانت داخلة امتحانات للسمستر الاول وكانت جاهزة لأنها اربعة وعشرين ساعة بتقرا المهم اليوم الاول للإمتحان جا وم كانت خايفة ابدا بالعكس واثقة ف نفسها جداا امها دعت ليها الصباح واخوانها بقو يطمنوها ويوصوها التوصيات المعروفة ديك .. م تستعجلي .. اقري السؤال مرتين .. الخ).
مشت الجامعة وحضرت الامتحان الاول وكان حلو رجعت البيت بشرت اهلها وبقت تقرا للبعدو لحد ما خلصت فترة الامتحانات وجات الاجازة وقعدت مع امها في البيت🖤.
هنادي كان عندها جارات وصحباتها كتار بس في وحدة من جاراتها من النوع المتحشر داك وشريرة وبتعلق ع اي شي وبتاعت شمارات وفتانةة والمهم كل صفات حريم الحلة الكعبة فيها اسمها سعدية.
اليوم كان اول يوم اجازة لي توليب وهم قاعدين الجرس دقا وهنادي عرفت انو دي سعدية من صوتها العالي د قالت لي بتها خشي غرفتك وواوعك تطلعي سامعة ..؟ توليب قالت ليها طيب ومشت قعدت تقرا في كتاب #انتخرستوس حلو شديد وانصحكم بقرايته المهم لما زهجت لقت الساعة 4 يعني ليها تلاتة ساعات بتقرا قالت خلاص معناها جارتهم بتكون مشت♥️.
..طلعت من غرفتها وبقت ماشة لما وصلت جمب الصالة وقفت بي صوت سعدية لما قالت لي هنادي
سعدية:كيف يعني بت ضرتك قاعدة معاكم في البيت هسي بتضمنيها كيف دي ..؟ بعدين ماشفت لي مرة قلبها ميت زيك في زول بجيب بت ضرتو وبقعدها معاها ف نفس البيت والله الا كان مرة عويرة لا وكمان دخلتيها جامعة وبتصرفي عليها لييه اصلو شنو هو..؟ بعدين هي زاتها كان ماناوية نية كعبة م بتجي ليك ..النصيحة يختي البت دي ماتمام وانا من شفتها ماحبيتها واعتبري كلامي د بس نصيحة من اخت لأختها.
(توليب سكتت ماعرفت تعمل شنو هي ما استغربت لأنو بالنسبة ليها حاجة زي دي عادية جدا لكن بقت واقفة مسافةة
يمكن منتظرة هنادي تدافع عنها ..؟
اومنتظرة المرة تعتذر عن الكلام القالتو د ..؟
او منتظرة هنادي ت...
قطع دوامة تفكيرها صوت هنادي لما قالت:"اول شي ي سعدية توليب دي بتي م بت ضرتي.. صح ماولدتها انا بس يشهد الله البت دي انا بحبها وبعزها اكتر من اولادي اللتنين.. بعدين اذا امها ضرتي هي ذنبها شنوو واصلا انا واثقة فيها وعارفة انو نيتها ماكعبةة لمن جات هنا لكن
#كلٌ يرى الناس بعين طبعهه".
بعدين اذا انا حبيتها وقعدتها معاي م معناتها انا قلبي ميتت.. بالعكسس انا قلبي ابيض تجاه توليب دي ومن ما جات م حصل شفت منها شي كعب ومالازم اكون عويرة عشان احبها انا قلبي ابيض مازي بعض الناس ومابحقد عليها ويعني شنو لو صرفت عليها ..؟ سبق وقلت ليك انو توليب م من لحمي ودمي لكن هي بتي الماولدتها بتي البحبها اكتر من اولادي وهوي ياسعدية انا سكتت ليك كتير ماف داعي تنحشري ف الصرف عليها مش بنصرف عليها نحننن ..؟ واذا انتي نيتك سودا وما صافية وم حبيتي توليب تبقى دي مشكلتك انا عن نفسي بحبها وم يحتاج انتي تجي تحبيها لي .. ولو على النصيحةة شكرا كتير ي سعدية.. بس بطلي تخربي البيوت ي سعدية تمشي من بيت لي بيت تفتني وتقعدي تشمشري الحلة كلها ودي اعتبريها نصيحة برضو من اخت لإختها.( خطيرة ياهنادي😫❤)
توليب سكتت وعيونها دمعو اما سعدية بقتت تمتم وماعرفت تقول شنو قالت ليها امي في البيت مستنياني ماشة ليها وطلعت بسرعة والغبية نست انو امها متوفيه اساسا.. دي كلها خوفة بسس لكن عاد تستاهل دخلتت جوة ضفورها.
توليب لما سمعت الكلام د عيونها دمعو ومشت طوالي لأمها حضنتها وبقت تبكي قالت ليها امي انا بحبكك شديد ربنا يخليك لي امها حضنتها عليها بحنان اكتر وقالت ليها اتذكري اني حكون جمبكك دايما توليي باست راسها ورجعت ضمتها تاني.
وتوليب كانت اسعد انسانة اليوم داك وحست بالانتماء الحقيقي للبيت د ونفسياتها بقت عالية مشت سوت كيكة وبسبوسة وحركاات المهم بعد خلصت اخوانها جو وقعدو يشربو الشاي مع بعض كالعادةة ويضحكو ويتونسو بعدها اي واحد رجع غرفتو♥️.
( ماذا عنكِ ..؟
بحبها شديد واكتر من امي اول مرة يلاقيكم انسان بحب زول اكتر من اموو صح ..؟ يلا دي انا .. بحب ماما هنادي اكتر من امي اللي ماعارفاها هي وين وكل يوم ماما هنادي بتكبر بعيني اكتر في حين انو امي الحقيقية بتنزل من عيني وبكرهها زيادة في كل موقفف واحب اقول انو بالجد فات الاوان وبديت اركز ع حياتي الجديدة وانسي اي شي كان من الماضي .. توليب)
أمي:
إني اراگ بعين قلبي جنة💙يا من بقربگ مر الحياة يطيب 🖤🖇️
يتبع..
