كل شي حيتوضح في البارت دة
اول شي هنادي ام مؤيد وحسام وحيدة ماعندها اخوات ولا اخوان وامها وابوها متوفيين.الشخصية الغامضة في الرواية دي هو صاحب مؤيد الانتيم او ممكن تقولو البيست اسمو باسل وهم اصحاب من زمان شديد وبعرفو اسرار بعض كلها الا توليب وقصتها صاحب مؤيد ماعارفها ..هو عارف انو عندو اخت صغيرة وجات فجأة وكدة بس ماعارف قصتها شنو.انتو زاتكم ماعارفنها صح؟!!طيب تعالو احكيها ليكمابو توليب زماان قبل ماتوليب تتولد كان متزوج هنادي دي وجاب منها ولدين اللي هم حسام ومؤيد كان جاهو عقد شغل في بريطانيا ومدتو سنة وكان لازم يسافر المهم مشى بريطانيا سنة والسنة دي غيرت حياتو كلها ...مشى هناك اتعرف على ام توليب اللي اسمها نورة يلا نورة دي اللي هي ام توليب ابوها سوداني وامها بريطانية فكانو عايشين هناك ولما ابو توليب مشى اتعرفو على بعض هناك وحبو بعض وكان فاضل تلاتة شهور للإجازة حقت ابو توليب وتنتهي عملو عرس بسرعة وساق نورة(ام توليب)ورجعو السودان طبعا دة كلو وهنادي ماعارفة بالموضوع دة اتفاجئت شديد وزعلت شهر كامل من احمد (ابو توليب) لأنها كانت بتحبو بس رغم دة كلو ماطلقتو عشان اولادها وكدة ومصلحتهم المهم في النهاية رجعت معاهو عادية بس مازي زمان اما هو نورة دي كانت عاجباهو شديد جو سكنو في السودان في بيت واحد احمد ونورة وهنادي والزمن داك مؤيد كان عمرو تقريبا 3 سنين وحسام 5 نورة كانت بتعامل هنادي معاملة كعبة شديد ورغم دة كلوو هنادي كانت بتسكت ليها عشان احمد وكدا واستمرت المعاملة الكعبة دي لمدة سنتين وقتها مؤيد بقى عمرو5 وحسام7 مؤيد بقا فاهم اي شي يعني لأنو كان بشوف امو بتبكي كتير بسبب المشاكل وكدا ومن اليوم داك بقى بكره نورة ولما عرف انو توليب بنت نورة بقى بكرها كدا بس من دون سبب هي ماعملت ليه حاجة وطبعا هو ماشافها لما كانت صغيرة .. المهم ..يلا نورة دي كانت من النوع المهتم بمظهرو وجمالو شديد وكانت صغيرة في العمر لما عرست احمد وماكانت دايرة تحمل لكن جا يوم من الايام وحملت فيه بي توليب وكانت عايزه تنزله بس احمد رفض وقال ليها بطلقك لو نزلتي الولد اللي في بطنك دا فكانت مضطرة انها تولدها بس عشان مايطلقها احمد لأنها كانت طمعانة في فلوسو المهم شاءت الاقدار ولما وصلت في الشهر السابع احمد ابو توليب اتوفى في حادث سيارة وبعد شهرين نورة ولدت وجابت توتة دي ولما كان عمرها شهر بس خلتها عند حبوبة توليب(ام ابوها ) ومشت يلاحبوبة توليب دي ربتها لحد مابقى عمرها 6 سنين وهي اتوفت وخلتها لي اعمامها والباقي انتو عارفنو والفترة دي كلها ام توليب ماجات تشوف بنتها نهائيا ومشت كملت حياتها في بريطانيا واتزوجت وهسي عايشة هناك.يلا اوصف ليكم شكل توليباول شي بيضا شدييد وعيونها وسط وحلوين كدا شكلهم حلو عدساتها لونهم مايل للعسلي كدا انفها عمودي وحلو شديد فمها صغير ومكتنز وحلو. شعرها ناعم شديد وطويييييل ولونه بنيي.المهم انها جميلة جدا جدا جدا واي زول يشوفها كان بيعلن انبراشو على طول😂 .
باقي الحاجات حتوضح في البارتات الجاية ومع احداث الرواية.عارفة انو البارت قصير بس دة مامحسوبيتبع...
