وبقو يتونسو ونسة عادية لحد ماوصلو البيت وتوليب عرفت انهم اخوين اتنين بس حسام ودا اكبر منها بي 7سنين ومؤيد ودة اكبر منها بي 3سنين وارتاحت لي حسام شديد بس قلبها ماكان مرتاح كانت حاسةة انو في زول ماحيتقبلها في البيت دة وكانت بتقول في نفسها اكيد دي مرت ابوي ماحتقبل بي منو بيقبل بي بنت ضرتوو وكانت مهمومة شديد بس قالت برضو حيكون اهون من القعدة مع معتز.
وصلو ونزلو من السيارة توليب وقفت مسافة عاينت للبيت وقالت ربنا يهون علي (البيت كان حلوو شديد وراقي وظاهر انو ناسوو مرطبين)حسام قال ليها يلا خشي السواق بجيب الشنط ومدا ليها يدو نظام امسكيني توليب عاينت لي يدو مسافة بعدين عيونها دمعتت مسكت يدو ودخلوو البيت مع بعض ♥️.اول مادخلت لقت مرة ماكبيرة في السن اقل مايقال عنها جميلة وبشوشة وظاهر فيها الطيبة والحنية قالت ياولدي اخيرا جيت وجات عليهم حسام فكا يد توليب عشان يبوس راس امو وقال ليهاحسام:كيفك؟!الام:تمام الحمدلله ياولدي انتو كيف ان شاء الله ماتكونو تعبتو.حسام:قال ليها لالا والله كانت سفرة مريحة.امو زحت من حضنو ومشت على توليب وقفت قدامها مسافة ..توليب كانت منتظرة انها تشاكلها او تهينها لكن اتفاجئت لما لقت نفسها فجأة في حضنها سلمت عليها بحنية شديد وقالت ليها كيفك يابتي ؟!توليب:تمام الحمدلله ياخالتوو♥️.الام:يابت هي خالتو شنو قولي لي ماما انا من الليلة امك التانيةتوليب ابتسمت ابتسامة رضا لما لقت حد يواسيها ويقيف جمبها ♥️.*ام حسام ومؤيد اسمها هناديهنادي:خشو اقعدو لحد ما اقول لي ميري (المساعدة حقتها) تجهز ليكم الغدا.مشو قعدة في الكنبة وبقو يتونسو ويحكو بعدين جا ولد نازل في السلم يشبه حسام شديد وقف مسافة عاين لي توليب بإستهزاء وقال مؤيد:يلا يا امي انا طالعهنادي:تعال سلم على اختك ياولدمؤيد:مستعجل مافاضي ليها يلا سلام( وطلع)حسام:معليش ياتوليب ماتشتغلي بيه الولد د طايش واصلا تصرفاتوو..توليب:لالا مامشكلة اساسا متعودة💔😪حسام عاين ليها مسافة وهنادي كمان عاينت ليها.هنادي:كانو بعاملوكي كعب يابتي؟!توليب:ماعارفة حقول شنو بس ربنا يسامحهم.حسام:امين .. هي يلا بطلو جو النكد وارح نشوف لينا شي نعملو.هنادي:شي زي شنو ياولدي كدي اتغدو وبعداك خلي توتة دي ترتاح لأنها تعبانةحسام:خلاص مامشكلةجابو الغدا واتغدوو وتوتة مشت غرفتها ورقدت على امل انها تنوم(غرفتها كانت حلوة شديد لونها اسود والسرير كبير بيرقدو فيه شخصين عادي ومكيف اسبلت وفيها حمام داخلي ومكتبة كدا فيها كتب وروايات عجبتها الغرفة شديد مشت استحمت وغيرت ملابسها ورتبت ملابسها في الدولاب بعداك وفكت شعرها ورقددت نامت الكلام دة كان الساعة اربعة العصر ..حسام مشى نام شوية وصحا المغرب نزل تحت وقعدو يتونسو هو وامو وهم بيتونسو جا مؤيد داخل سلم عليهم وقعد معاهم امهم جاها اتصال قامت منهم حسام قال لي مؤيدحسام:ليه ماسلمت عليها؟!مؤيد:منو هي؟!حسام: ماتعمل فيها غبي !! انت عارفني قاصد منومؤيد:مابطيقها وبكرههاحسام:والسبب؟!مؤيد:احنا حياتنا دي كلها قضيناها عذاب ب سبب امها دا ماسبب كافي؟!حسام:براك قلت امها هي ماليها ذنب في الموضوعمؤيد:مش امها في الاخر؟!حسام:مؤيد ماتقوي راسك انا عارف انو ماهاين عليك تعمل كدة بس بتكابر انت من زمان متمني يكون عندك اخت صغيرة هسي لما جات لحد عندك ماعايز تتكلم معاها ..؟!.مؤيد:مابهمني كتيرحسام:حتندم يا مؤيد بعدين صدقني مؤيد:ماحندمامهم جات كملو معاها ونسة لحد الساعة تسعة هنادي:ياربي توتة دي مالا ماجات نازلةحسام:ماعارف والله صحي مالها؟!هنادي:كدي يامؤيد قوم شوفهامؤيد:انا .. تلفونو رن قال في نفسو الحمدلله في الوقت المناسب شالو وطلع.حسام:انا حمشي اشوفها مشى غرفتها دق الباب ماسمع ردها فتح الباب لقى الغرفة مضلمة والمكيف مفتوح عرف انها نايمة كان داير يطلع لكن وقف بي صوتها لما سمعها بتتكلم وماقدر يعرف هي بتقول في شنو بالضبط ولع النور ومشا وقف جمبها سمعها بتقول توليب:لي يااخ انا بحصل معاي كدة .. ليه ليه كلو يوم بضربني انا ماسويت ليه شي وقعدت تبكي حسام قعد جمبها وقال ليها بسم الله قولي بسم الله بس هي كانت مهلوسة وبتبكي بعدين اتخلعت وصحت فجأة قعدت على حيلها وبقت تبكي بأعلى ماعندها لما بتشهق حسام طوالي ضماها عليهو وقال ليها اهدي حبيبتي اهدي انتي كويسة ؟ وهي كانت بتبكي بس وحسام كان ضاميها وبمسح على راسها وبقول ليها اهدي حبيبتي اهدي وهي بتبكي بس قال ليها هشششش خلاص حبيبي خلااص هششش قال ليها دقيقة خلاها ومشا جاب ليها كباية موية وجا قعدجمبها وقال ليها اشربي مسكت الكباية وشربت شوية وختتها ..قال ليها احسن؟!هزت راسها بآي قال ليها تعالي طيب رقدها في رجولو وبقا يمسح على راسها ويقرا ليها قران لحدي مانامت تاني..فضل قاعد معاها وبيفكر فيها وفي حالتها دي وانو كيف بت في عمرها مرر عليها كل التعب والالم دة زي الساعة ١٠ كدا رقدها وغطاها وقام طفى النور وقفل الباب وطلع امو لاقتو وقالت ليهو مالها؟!قال ليها لالا كويسة بس قالت مصدعة شوية عشان كدة نايمة قالت ليهو اهاا اوك تمام مشا غرفتو ورقد وبعد مسافة من التفكير حتى نام.___________...:كيف ماتسلم عليها وتطلع؟!مؤيد:ماعارف والله ماعارف بس انا ماقادر اتقبلها....:ربنا يعينك بس لو عايز نصحيتي امشي اقعد معاها واتكلم معاها صدقني هي حتكون متأزمة وتعبانة اكتر منك بمراحل. مؤيد:بحاول ان شاء الله....:ان شاء الله.
"ليت ما في القلوب يرى ، فلا يساء فهمنا ولا نسيء فهم أحد♥!.
يتبع...
