المغرب اذن توليب صلت وكانت ماسكة جوالها ،، جاتها لمار داخلة وهي بتضرب فيها يحيوانة ياكلبة يازفته تتخطبي وماتوريني ،، كمان بكراشي .
توليب ضحكت وماردت عليها كانت قايلاها بتهظر برضو لأنو لمار اصلا فاصلة .
لمار : " توليب ارح قومي نلبس "
توليب :"ليي ؟"
لمار كانت قايلة توليب بتمزح وهي عارفة انها حتتخطب فكانت قايلاها بتستهبل وكملت استهبال
لمار :" خطوبة رزان " بإبتسامة شقية .
توليب :" ارررححح ".
رزان اصلا حتخطب قريب وكلمتهم عشان كدا توليب ما اتفاجئت واصلا كانت راسمة حنة لخطوبة رزان .
بدو يلبسو توليب لبست فستان بيجي تقريباً (انا مابعرف الالوان حنزل صورتو تحت🙂) وكعب اغمق شوية عملت شعرها كعكة لفووق ونزلت خصل بسييطه ،، لمار لبست فستان احمر وتورباند وحنزل صورتو برضو ،، لمار عملت لتوليب مكيب خفيف لأنها اصلا مامحتاجة ومابتحب الميكب ولمار عملت فل ميكب .
توليب : "الله بقينا ظابطين اريتا خطوبتي يايمه "
لمار بشقاوة :"مش كدا😆".
مؤيد دقا باب الغرفة لمار فتحت وطلعت راسها ،، مؤيد :" يلا "
لمار :"تمام جايين".
لمار قالت لتوليب يلا ،، طلعو وصلو السلم ،، توليب اتفاجئت في حاجة غريبة في البيت ،، بيتهم زحمة ومزين بطريقة غريبة (هي اخر وقت طلعت من غرفتها كان الصباح لما شربت الشاي عشان كدا ماشافت اي شي ) اجواء البيت كانت بتوحي انو في حفلة ،، لمار مسكت توليب من يدها وبقو نازلين ،، اول مانزلت توليب شافت باسل قدامها ،، قلبها بدا يدق بسرعة شديد ،، كان لابس بدله بلون بني غاممق وجات صدفة😂❤.
توليب :" لماار في شنو هنا ده شننو؟"
لمار :" روقيي يبت باسل جاي يخطبك "
توليب وقفت في درجة السلم بصدمة ،، نعم ده شنو ؟؟؟؟ كيف يعني باسل جاي يخطبها ،، يادوب الموضوع وقع ليها واتذكرت كلام مؤيد وهظار لمار معاها وانها اصلا كانت نايمة عشان كدا ماعرفت بأي شي ،، حتعمل شنو هسي ؟،، مابتقدر تتصرف تصرف طايش حتحرجهم لقت انو امثل حل انها تكمل عادي كأنو ماحاصل شي ،، وبعدين تفسخ الخطوبة وتقول مانفعو مع بعض .
(تفسخييي ممييين ياحبيبتشيي دا انتي فين لاقية باسل😂❤💃).
بقت نازلة ولمار ماسكاها ،، امها فكت الزغرودة طوالي اول ماشافتها وبزغرودتها كل الموجودين انتبهو عليهم ،، توليب كانت ااااية من الجمال (اية ولا فاطمة🤣) ،، كانت حاجة كدا رهيبة وفيها كمية انوثة ماطبيعية الفستان مع لونها وكمان على جسمها ،، كانت رهيبة شديد ،، اول ما امها زغردت باسل طوالي عاين للسلم ،، اتخلع عديل من شكلها وجمالها ،، همس :
"حصنتك بمن ملأ قلبي بك❤️❤️"
