توليب كانت متوترة شديد وحسام دا يشيل ويهدي فيها لما فتحو المؤتمر وبقو يحضرو وبعد شوية سمعو اسم توليب اتذاعت بنسبة 95.5 طبعا فرحو شديد وزغردوو وهي فرحت وزعلت في نفس الوقت لأنو ماعندها اهل يفرحو ليها المهم حاولت بقدر الامكان تضغط على نفسها وتظهر انها فرحانة بس بجواها عكس تمااااما ..💔 انتهى اليوم وجا الليل توتة دخلت غرفتها وبعد ماقفلت الباب رقدت في سريرها وانفجرت بالبكا وبقت تبكي وتقول ليه انتي مامعاي ليه انتي مامعاي انا محتاجة ليك وبتبكي بقووة لحد ماجاتها حمة وفقدت وعيها وبقتت تهلوس بس اما حسام وامو كانو بتونسو ومعاهم مؤيد فقدو توليب وقام حسام عشان يشوفها ودخل الغرفة لقا المكيف واقف والمروحة واقفة والشبابيك مقفولة استغرب شديد لأنو الجو سخن فتح النور وشاف توتة بحالة يرثى لها شديد معررقة ووشها احمر وعيونها مورمة وبتهلوس في كلمة لي انتي مامعاي اتخلع شديد وماعرف يعمل شنو مشا لمس جبهتها لقى حرارتها مرتفعة شديد بقا يحاول يصحيها بس لاحياة لمن تنادي حاول بكلل جهده انو يصحيها بس ماقدر لما ماصحت وشاف حالتها تعبانة شديد جاب اقرب عباية ليها ولبسها وشالها ونزل تحت وقال لي مؤيد شغل السيارة بسرعة طبعا مؤيد اتخلع وماعرف يتصرف قام بسرعة وشغل السيارة اما هنادي كانت بتقولهنادي:ووووب علي سجمي البت مالها حسام:امي ماف وقت هسي بشرح ليك بعدين المهم خليك في البيت لأنك مابتقدري تمشي معاناهنادي:لالا بمش..حسام:امي اسمعي الكلام ماف وقت خلينا نلحق البت بسرعة هنادي:طيب طيب طمنوني اول ما تصلوحسام:طيب تماممشى ركب وركبها في السيارة بي ورا وقال لي مؤيد سوق سرعة حسام كان مرقدها في حضنو وبحاول يصحي فيها بس هي كانت بتهلوس .. مؤيد كان حاني على حالتها بس مابقدر يتقبلها ولايعمل ليها البعملو حسام اما توتة كانت بتقولتوتة:لييه مشيتي خليتيني براي ليه ياخ انا محتاجاك شديد في حياتي انا محتاجاك تعالي لي عليك الله تعالي لي سوقيني معاك انا محتاجاك انا محتاجاك وبقت تكرر في كلمة انا محتاجاك سوقيني معاك ونزلت دمعة حارة على خدها ومشت لصدر حسام ودموعها اصلا كانت بتنزل وملت ملابسه ضماها عليه شديد وبقى يقول ليها انا معاك مابخليك انا معاك وهي لسة بتهلوس حسام كان خايف عليها شديد لأنو حرارتها كانت مرتفعة لمن عرقت بي حسام زاتو ومؤيد زاتو كان خايف عليها♥️.وصلو المستشفى حسام شالها ودخلها غرفة الدكتور فحصها وركب ليها درب وطلع قال ليهم عندها ملاريا كعبة شديد وشكلها ملاريتها كعبة اصلا وحتقعد معانا تلاتة ايام على الاقل حتى تطلع .. المهم جابو ليها العلاجات وجو وبقو قدام غرفتها منتظرينها تصحى اما حسام اتصل طمن امو عليها بعد قريب الساعتين حتى صحت وكانت ماقادرة تتكلم ولاتنطق حرف المهم جوها حسام ومؤيد داخلين قالو ليها حمدالله على سلامتك حسام مشا قعد جمبها ومسك يدها وخت اليد التانية على شعرها وقال ليهاحسام: كيف بقيتي احسن؟!توليب هزت راسها ودمعتها نزلت حسام:مسح ليها دمعتها ومسك يدها بقوة وشد عليها قال ليهاحسام:انا معاك دايما ماحخليك صدقينيتوتة:ماعرفت تقول شنو بس بقت تعاين ليه وعيونها مدمعةتوتوة:انا مابحب المستشفىحسام:بس كدا ماينفع لازم تقعدي اقل شي تلاتة ايامتوتة:انا مابقدر ياحسام سوقني من هناحسام:طيب بشوف حسام طلع وفضل مؤيد معاها في الغرفة لا عاين ليها ولا عاينت ليه بعد مسافة حسام جا قال ليها طيب حنطلع بس الدرب يخلص بالاول (حسام قدر انو يطلع توليب نسبة لإنو صحبو شغال في المستشفى وكدا ف عندو واسطة) قعد معاها لحدي ما الدرب انتهى بعدين نادو الممرضة تجي تفكو ليها ..جات الممرضة فكت ليها الدرب وقالت ليها انتبهي على نفسك ملاريتك كعبة حسام سندها ووقفها لحد ماوصلت السيارة حسام ركب ورا ومؤيد سايق حسام ختا راس توليب في رجلينو وبقا يمسح على راسها قال ليها اها احسن؟!هزت راسها ب اي.المهم وصلو البيت ونزلو وحسام سندها لحدي ماوداها الغرفة وبعدين مشا دقا باب الغرفة حق امو وكلمها وهي جات لي توليب شافتها واتطمنت عليها وبقت مساهرة معاها وعملت ليها مكمدات ومشت خلطت ليها عصير ليمون وبعدين جات رقدت معاها في سريرها عشان تكون جمبها ونامت الساعة 3 صباحا .. اصبح الصباح هنادي صحت بدري ومشت عملت الشاي لي اولادها حسام صحى الصباح مشى اتطمن على توليب اول شي ومشى سلم على امو وبعداك طلع شغلو جا مؤيد مشى لي امو وسألها توليب بقت كيف قالت ليهو كويسة الحمدلله بعد م اتطمن عليها طلع جامعتو .مرت الايام وتوليب بقت كويسة وكان قدمت للجامعة وقبلوها في نفس جامعة مؤيد طب اسنان ونزلت اشترت ملابس الجامعة واي شي وخلاص بقت جاهزة وهي ومؤيد لسة ما اتصالحو ولا اتكلمو مع بعض اما علاقتها مع حسام كانت فلل وتمام شديد وحتى هي بدت تتعلق بيه شديد وعلاقتها مع هنادي زي علاقة الام وبتها وهنادي بتحب توتة شديد ومابتتمنى ليها الشرر وتوتة برضو بتحبها بس لسة ما اتعودت عليهم ♥️.#ماف جديد يذكر عن ناس عمها__________مؤيد:هي انا جعان والله ارح نمشي بيتكم...:اي ما اصلو مابتجي بيتنا الا لما تجوع عامل لي كرشك الكبيرة ديمؤيد:لالا يخخ معقولة بسس...:عان خلاص صدقتك بطل طلسسمؤيد:😂😂...:ارح قووممؤيد:عارفك اساسا شاطر بتسمع الكلام...:بغير راي😑مؤيد:اركب ورا ولا قدام؟!...:😂👊ورا ولا قدام ياكبير؟!مؤيد:😂😂😂هذا الاكتئاب اكبر مني بكثير ساخرجه من داخلي دون ان أتمزق😪💘
#كسرةفي حاجات كتيرة حتتوضح انتو ماعارفينها وحتى الشخصية الفوق دي حكشف عنها في البارت الجاي وممكن تقولو الرواية حتبدا تبقى حلوة من البارت الجاي واحداثها حتكون حلوة ومشوقة وفي حاجات كتيرة عارفاكم مافاهمنها حتفهموها كلها في البارت الجاييتبع...
