توليب وهي نازلة في السلم قالت ليهم:كل الموضوع اني قررت قرار ..كل الماضي حأنساه وحأبدا اعيش من جديد اي شي متعلق بالماضي حأنساه وحفتح صفحة جديدة لأنو انا شايفة انو في اشياء في حاضري بتستحق الوجوود ومف داعي ازعل على شي فات وماحيتغير واي زول سبب لي الم ف يوم حأمسحو من كتابي سواء اعمامي او ريان او حريم اعمامي ..معتز ..سكتت مسافة بعدها زفرت بضيق وقالت .. وامي كمان من اليوم عيلتي الجديدة انتو وانتو سندي واخواني وامي هنادي هي امي الولدتني وربتني وبوعدكم اني ما حأخذلكم في حياتي كلها ابداا وعد مني.حسام:ماعارف اعبر ليك كيف ولا اقول ليك شنووو بس كل العارفو هسي اني فخور بيكك شديد شديد وبحمد ربي على انكك اختي🖤.مؤيد:وانا كمان فخوور فيك شديد يخخ ربنا يكملكك بعقلك وكلامك صح مية بالمية وصدقيني احنا حنكون واقفيين معاك دايما♥️♥️وحنكون الكتف البتستندي عليه لما تقعي حسام:انا حأكون ليكك كالأب الثانيي وصدقيني ماحأحوجك لشي مادام الموضوع في يدي.هنادي:وانا امك اللي بتخاف عليك اكتر من ايشي تاني في الدنيا واحنا معاك دايما يابتي.توليب ماعرفت تعمل شنو غير انها تبكي وتغطي وشها بيدها جا حسام زحا يدينها ومسح ليها دموعها وضماها وقال ليها اختي الصغيرة الحلوة البحبها شديد مادايرين دمووع ابدا.بعدها فكاها اخدا مؤيد وحضنها وقال ليها:مادايرين دموع.(وانا منو يحضني ويقول لي مادايرين دموعع ها؟ واعععععععع😭💔)ومرر اليوم عادي لحد ماجا يوم السبت وكان عندهم جامعة مشو اللتنين وطبعا مؤيد متوعد لخالد انو ماحيخليه.توليب اخدت المحاضرة الاولى وطلعت الكافتيريا وكانت قاعدة مع يزن بتونسو *بالرغم من انو يزن كان اقرب زول لتوليب ف الجامعة وبإعتبارو بستها الى انها ماكانت بتحكي ليه اي شي عنها لأنو توليب مامن النوع اللي بيدخل في الناس بسرعة او بالأصح مابتثق ف الناس بسهولة لأنو المواقف والتجارب المرت عليها في حياتها كانت كتيرة وكافية جدا لإنها ماتعطي ثقتها لأي حد كان.وهم قاعدين وبتونسو جا مؤيد وقال ليهم تعالو اقعدو معانا وبالمرة يتوتة تتعرفي على شلتي.توليب:اوك تماموقامو ومشو قعدو.الشلة كانت بتتكون من الآتي:اربعة اولاد واربعة بناتالاولاد هم مؤيد وباسل ويزن بتعرفوهم والرابع اسمو مهاب وشخصيتو كانت انو ظريف ودايما بضحكهم وبزبط الطلعات هو دايما.البنات بتعرفو توليب ورزان واتنين تانين وحدة اسمها سحر والبت دي حنكوشة لمنن غلط والرابعة لو بتتذكرو كان عرفت عنهم بشكل عام زمان انو يظهر عليها كيوت البت الرابعة المهم البت دي اسمها ميسم وكيوت شديد وهادئة ومحجبة وملامحة بريئة جدا ويظهر عليها بتحب الطيب وبتحب الخير للناس هي الوحيدة الارتاحت ليها توليب.قعدو كلهم نظام يتونسو وكدا اما باسل كان ف جوالو وعامل فيها مامركز معاهم لكن هو داقي صيوانو معاهم😂 بقو يتونسو ويحكو وتوليب ماحبت رزان وسحر ابدا ابدا وكانت مغيوظة منهم ومن مياعتهم وتصنعهم للحنكشة عشان يلفتو النظر.نهاية اليوم توليب كانت منتظرة مؤيد جمب سيارتو هو قال ليها دقايق وبجيكبقت منتظراه لما ماجا ضربت ليه وكان مابرد على تلفونو وهنا الخوف اتملكها كانت بتدور في راسها كل الافكار القبيحة.بتتكلم مع نفسها:معقوول يكون حصل ليهو شي؟لالا يخخ اكيد بكون قاعد مع باسل وناسيني زي كل مرةلكن لو كان مع باسل ونساني ماكان طول قدر كدالكن عادي الونسة بتكون اخدتهم وسرحتتطيب لو حصل ليه شي انا حعمل شنولالا يخ مابحصل ليه شي "تفائلو بالخير تجدوه" ان شاء الله بكون كويس وجاي هسي علي وحيجي بعد 10,9,8,7,6,5,4,3,2,1واي ماجاا لأ انا بالجد بديت اخافيخخ هو وينن يارب رجعو سالم وين ماكان...عند مؤيد:طلع من الجامعة وكان في زقاق كدا تقريبا بعيد شوية كدا من الجامعة مؤيد كتب لخالد رسالة محتواها"لو راجل تعال لي في ... بعد نص ساعة"وفعلا بعد نص ساعة بالظبط خالد جا وهو بيكف يد القميص اللابسو خالد:وهو بخت يدو على كتف مؤيد : قلت لي لو راجلل؟ هدا انا اثبت رجولتي وجيتك يبقى ورينا رجولتك انت.مؤيد ماتردد ولا دقيقة وطوالي اداهو بوكس ف بطنو وخالد رجع ليك البوكس فوشو واحد وفبطنو واحد وبقو يتضاربو وماف زول جايب خبرهم لحد ماانتهت الشكلة بمؤيد واقع ف الارض وخالد داير يضربو تاني وقف بضربة من واحد تاني لما اتلفت لقا د باسل بقو يتضاربو هم برضو لحد ماخالد انتهى بيه الوضع وهو واقع وبيرعفف ..باسل جرا مشا لي مؤيد رفعو وتكلو وبقا ماشي بيه لحد ماوصلو سيارتو كان عندو علبة اسعافات اولية في سيارتو..طلعها وبقا يعقم لي مؤيد جروحو وقال ليهباسل:كنت عارف انك ماحتخليه.مؤيد:مستحيل طبعا اخليه..كيف يتجرأ يلمس اختي.باسل:ماعلينا حصل خير المهم اننا اتسدينا حقها.مؤيد:شكراا كتير بدونك ماعارف كنت حعمل شنو..باسل:تاني لو قلت لي شكرا بعوقكك وبتم اللي ماتماهو خالد.مؤيد:خلاص معليش😂😂....بعد ما باسل عقم لي مؤيد الجرح مشى اشترا ليه موية وعصير وجابهم قال ليهو اشربهم..المهم شربهم وبعدين فتح جوالو لقا 13 مكالمة من توليب..سكتت مسااافة بعدها عاين لي باسل وقالمؤيد:نسيتها😯باسل:منو هيي يامؤي...قطع كلامو يوم اتذكر توليب وانها بتمشي مع مؤيد😂باسل:شتتتت ياحمار انت اممشي الحقهامؤيد:قوم ارح معايباسل:ارحح ارح طيب خارجنامشو بسرعة وشايلين كل الافكار القبيحة في راسهم وانو توليب مستحيل ترحمهم بقو ماشين وهم خايفين لحد ماوصلو ليها واتفاجئو بأنها... وباكر ننسى كل الفات واصلآ كل زول في الدنيا ليهو مع الحزن وقفات .♥✨🎶.يتبع..
