..سكتت مسااافة بعدها عاين لي باسل وقال
مؤيد:نسيتها😯
باسل:منو هيي يامؤي...
قطع كلامو يوم اتذكر توليب وانها بتمشي مع مؤيد😂
باسل:شتتتت ياحمار انت اممشي الحقها
مؤيد:قوم ارح معاي
باسل:ارحح ارح طيب خارجنا
مشو بسرعة وشايلين كل الافكار القبيحة في راسهم وانو توليب مستحيل ترحمهم بقو ماشين وهم خايفين لحد ماوصلو ليها واتفاجئو بأنها قاعدة في كرسي قدام السيارة بشوية كدة ومغطية وشها بي يديها وبتهز رجولها دلالةة على التوتر والخوف.
..مؤيد عاين لي باسل:
..الله يستر
باسل:الليلة يا حتقتلكك يا حتقتلكك😂
مؤيد:يخ د ماوقتك.
باسل:خلاص معليش ارح نمشي نموتت..اقصد نشوفها.
مؤيد المسافة الكانت بينو وبين توليب تقريبا 10 ثواني وف ال10 ثواني دي ماخلا ولا آية كرسي ولا معوذات ولا سورة يس قرا اي شي الخواف😂
..وصل ليها وختا يدو في كتفها.
..بلسان توليب:
كنت قاعدة وحرفيا اي فكرة كعبة جات ف راسي وكل ما اطرد وحدة تجيني وحدة تانية اكعب منها وفي النهاية انتهى الوضع بدموعي بتنهمر زي الشلال
..ماعارفة لأنو مؤيد غالي على قلبي شديد ولا عشان حاسة انو مع خالد ولو بالجدد هو مع خالد حيكون بسببي ويكون حصلت ليه حاجة وانا السبب فيها واعيش على تأنيب الضمير طول العمر ولا عشان اولل مرة احس بالأمان مع عائلة حلوة وحرفيا انا مادايرة اخسر اي فرد من العائلة الحلوة د لأني مالقيتهم بالساهل عشان اخسرهم بالساهلل..
اضطريت اغطي وشي بيديني عشان الماشي والجاي مايسألني مالك وحاصل ليك شنو وو... الخ).
..وهي قاعدة حست بيد بتتخت في كتفها ماعرفت تعمل شنو فكرت انو حيكون واحد يقول ليها لقينا اخوك مضروب في المحل الفلاني ..بكل الخوف الفي الدنيا رفعت راسها على جهة الزول واتفاجئت لما لقت مؤيد قدامها.
ب لسان مؤيدِ:
..ختيت يدي ف كتفها وبعد مدة 10 ثواني كدا تقريبا رفعت راسها واتفاجئت بالمنظر الشفتو عيونها كانت مورمة من البكا ووشها احممممممر وقتها افتكرت انو حصل ليها حاجة وخلاص بقيت ماقادر حتى اسألها مالك والمبكيك شنو من الخوف.. بالجد وقتها حسيت الدنيا ضاقت بي من كل الاتجاهات شعور صعب لما تشوف اختك الوحيدة في موقف زي دة وشكلها كدا.
..بلسان الكاتبة:
مؤيد ختا يدو ف كتف توليب وهي رفعت راسها بقت تعاين ليه مسافة ومالقت نفسها الا وهي ف حضنو وبتبكي ب حرقة شديد من جوا قلبها كأنو حصل ليها شي وطبعا لأنو مؤيد ماحصل شافها بتبكي بالطريقة دي الا يوم شارع النيل ف هنا قلقوو زاد وخاف عليها اول شي عملو ضماها عليهو وبقا يمسح على شعرها ويقول ليها مالك احكي لي في زول زعلك وو..الخ).
بعد مسافة 10 دقايق كدا حتى هدت بعدها باسل مشا فتح باب سيارة مؤيد وجا راجع ليهم اما بعد ما توليب هدت مشت معاهم قعدت في السيارة في المقعد القدام ومقبلة على الباب والباب مفتوح وواقفين مؤيد وباسل بسألوها في شنو احكي لينا في زول اذاك وكدا.
وسكتو اللتنين لما سمعو رد توليب ليهم اللي حيرهم شديد ووقفو مسافة 5 دقايق عشان يستوعبو هي بتقول في شنو ..
رد توليب كان:
ماف زول اذاني وماحصل لي شي بس خفت عليك يا مؤيد فكرت خالد حيكون عمل ليك شي ولما مارديت علي زاد خوفي وقلقي عليك.
بعد 5 دقايق استوعبو الموضوع مؤيد قعد على رجولو باس يدها وقال:
بالجد انا محظوظ بيك شديد.. وخالد م عمل لي اي شي خالد د جبان ساي ومن النوع اللي بيهدد بس مابعمل اي شي وهسي انا وقفتو عند حدو وباسل ماقصر معاي ابداا+تعالي هنا انتي بتحبيني للدرجة دي ..؟ لما بكيتي كدا انا كنت قايل في حاجة حصلت ليك م بتتوقعي خوفتيني قدر شنو
توليب:آسفة ماقصدي😪
مؤيد:قعد يضحك ومسكها من ارنبة انفها اللي بقت حمرااا وقال ليها :اسفة فعينكك😂❤
توليب قعدت تضحك .. ركبو السيارة باسل قدام وتوليب ورا وبقو مؤيد وباسل يتونسو ونسة عادية وتوليب مامنتبهة معاهم مرة ف الجوال ومرة تسرح لحد ما وصلو البيت رجعو نامو وبعدين اتغدو وقعدو يتونسو وبعدها كل واحد دخل غرفتو.
...مرتت الايام على هذا النمط وحياتهم سعيدة شديد وتوليب اتعلقت بيهم شديد وحبتهم.. وكل يوم بتحمد ربها على النعمة دي وبتسأل ربها دواامم النعمة.
(ماذا عنك ؟!😪💔
..فعلا عوض ربناا اجمل بكثيير... انا اتعذبت كتيير وضقت المم كتير شديد في حياتي كميةة بالمعنى الحرفي #لاتطااق بس م كنت عارفة انو عوض ربنا اجمل من كلشي خسرتو وبعوضني بحاجات عمري م اتوقعتها.. خسرت عيلتي الحقيقية اللي ليها الاولوية في تربيتي بس لقيت عيلة.. حرفيا لو لفيت الدنيا كلها مابلقى زيها يحبوني بالطريقة دي ويعاملوني بالطريقة دي... لو كنت عارفة من زمان اني حلقى العائلة ديي كان قلت لأي شيي كعب ف حياتي انا ماعايزااك لأني عارفة انو عوض ربنا اجمل بكثيير وبجي على هيئة جبر خاطر بنسيك كل الجروح وكل اللحظات الصعبة العشتهاا... بس ببقى الجرح الأول والأساسي اللي مهما حاولت اقفلوو لازم يرجعني ليهو موقف تانيي من الأول ..وارجع ل نقطة الصفرر.. جرحح حتعب معاهو كتير عشان اقفلو وانساه ..لأني بشوفة في كل زاوية وكلل ركن بحياتي ..رغمم انو ماما هنادي بتعاملني معاملة ماعاملتني ليها امي الحقيقية الى انو كل ماتعاملني حلوو كل ما بتذكر امي الحقيقيةة اللي حالياا بكرهها من اعممق نقطة ف قلبي وم بقدر اتقبل فكرتها نهائيي لأنو تعبي الفي الدنيا دي كلها بي سببو .. شكراا ليكك كتير لأنكك السبب في اني القى عوضض اجمل بكتيير منكك ..ماف مقارنة .. عوض جمييل للحد البخليني احبكك وانا بكرهكك .. توليب)
الجملة الاخيرة دي للناس العميقة😂
"الدنيا مهما وجعتك ؛ فـ عوض ربنا ما بينتهي 🌸 ..زي ما بنقابل ناس ما عرفت تحبنا زي ما دايرين ؛ بنقابل برضو الحبونا أكتر من ما نستحق
لسه في صوت قرآن بيطمن و في فضفضة مع ربنا بتغير حالنا 💜 ..
لسه في حاجات حلوة منتظرانا🖤"
يتبع..
