بعد نص ساعة مؤيد صحا توليب وقال ليها نمشي البيت؟ توليب كانت شايفة الحنية ف عيونو وقفت بقت تعاين ليه مسافة وتعاين ل باسل بعدها عيونها دمعت.توليب:انتو فاهمين الوضوع غل..مؤيد:هشش خلاص انا معاك م تخافي♥️♥️.توليب:دقيقة افهمك خالد د انا بعرفو بس ماشديد كم مرة كان بحاول يجي ويتظارف معاي بس انا مابتكلم معاه اساسا انا مابتكلم الا مع يزن وانت بتعرفو كان مرة كنت قاعدة براي في الموقف لما اتأخرت علي وكنت منتظراك جا اداني رقمو وقال لي اتصلي علي .. انا عشان خفت على نفسي منو وانو كم مرة يزن حذرني منو قلت ليه طيب عشان مايأذيني واخدت رقمو لكن يشهد الله انا ما اديتو رقمي نهائيا ولا حصل اتكلمت معاه هسي انا كنت واقفة هنا ومنتظراك هو جا فجأة وحضني لكن والله انا ماكنت مستوعبة اي شي لأنو جا فجأة وحتى من دون ما اشوفو بعدها جيت انت وشفتنا وحصل الحصل مؤيد عيونو بقت شرار مسك يدها قوي وقال ليها انا اسف سامحيني ياتوليب ماسمعتك وكنت كل الفترة الكامل د جاف ف التعامل معاك لكن اسف انا بعتذر عن اي موقف سيء بيني وبينك واي كلمة غلط قلتها ليك وانا بوعدك اني اعوضك عن اي شي في الفترة الجاية♥️.توليب دمعتها نزلت مؤيد مسح ليها دمعتها وابتسم بعد شوية مدا يدو وقال ليها:مؤيد اخوك الكبيرتوليب ضحكت على غبائو ومدت يدها وقالت ليه وانا توليب اختك الصغيرة😂مؤيد ايوا عليك الله ورينا ضحكتك السمحة دي دايما .. نمشي؟توليب:نمشي.مؤيد يادوبو اتذكر انو باسل وينو ووين اختفى اتصل عليه قال ليه اي جاييكم بعد ربع ساعة تقريبا جا وكان معاه بيتزا وكولا وسندوتشات شاورما 🖤.مؤيد:د شنو يامان😂باسل:اكل🙂مؤيد:بالله؟؟ليه تعبت نفسكك ياخباسل:معقولة لكن +حبيت اطلعكم من جو النكد د شوية😉مؤيد:جيت ف وقتك يلا ناكل طيبقعدو ياكلو ويتونسو وضحكو توليب معاهم بهبالتهم وعوارتهم يمكن اول مرة تضحك مرتاحة بعد وقتت طويل !!.اكلو ورجعو بيوتهم باسل ومؤيد كانو راكبين بي قدام وتوليب ورا وصلو باسل بيتو وتوليب ركبت قدام ومشو بيتهم الكلام د كان الساعة 9 بالليل جو داخلين البيت وهم بتونسو وبضحكو ام مؤيد من شافتهم داخلين مع بعض وبضحكو عيونها دمعت وبقت تقول الحمدلله الحمدلله يارب وحسام كان واقف وشكلو عامل كدا😶توليب ومؤيد قعدوو يضحكو في شكلو بعدها مؤيد قال ليهممؤيد:احنا الحمدلله اتصالحنا وحلينا سوء التفاهم البينا 💛.اهلهم فرحو شديد وبالمناسبة د عملو شاي وزلابية وقعدو يشربو ويتونسو لحد الساعة 11 كل زول دخل غرفتوو ...توليب دخلت غرفتها وقفلت الباب وبقت قاعدة في السرير حقها ساي وبتفكر ف حياتها كلها..(انا لمتين حأقعد انتظرها كدا وهي ماجاية ولاشغالة بي .. انا بالجد تعبت من انتظاراها وزهجت من اني اخلي الحولي كلهم منتظرين متين ترجع شخصيتي ومتين ارجع اضحك واهظر مع الناس ..انا بالجد عندي اخوان سندد بكل ماتحمله الكلمة من معنى وكل الناس بتتمناهم ♥️♥️.لكن هل انا مقدرة النعمة العندي ليها دي ..؟!لمتين حأجحد النعم الحولي بس عشان منتظرة انسانة اعتبرتني من الماضي حقها ورمتني وراها ومشت ..؟!لهنا كفاية انا محأقعد اتقيد برجعتها ووقتها .. والليلة احب اقول ليك يا الانسانة اللي اسمها امي يا الخلتيني ومشيتي .. انا مسحتك من الوجود من الليلة ومن اللحظة دي زيي ماخليتيني وراك وما سألتي عني يبقى استحملي نتيجة اخطائك انا كل يوم بصحى على امل اني القاك موجودة لكن خلاص .. انا تعبت وانا بكرهك شديد يا امي يمكن ماما هنادي م ولدتني لكن احسن منك انتي بمليون مرة انتي اللي انا طالعة من بطنك وخليتيني ومن الليلة ماما هنادي هي امي الولدتني وربتني وماعندي ام غيرها...توليب)#ماذا عنك يا امي ..؟!يبب د اسم الرواية ود فكرتها .. الكلام الفوق د في دفتر اليوميات حق توليب في بداية كل صفحة فوق بتكتب ماذا عنك ..؟!اي بمعنى انو اي شي حلو وجميل لقيتو .. طيب انتي الاساس انا بدونك ولا شي ماذا عنك ..؟!م حتجي ..؟!رقدت في سريرها وبقت تتقلب بس ماقادرة تنوم مشت البلكونة وبقت قاعدة فيها وبتعاين للقمر .. كانت بالحالة دي لحد الساعة 4 صباحا بعدها مشت صلت الصبح ورقدت بعدها نامت وفي راسها الف خطة ليوم بكرة.صباح اليوم التالي اللي هو الجمعة توليب كانت نايمة لحد الساعة 1 ضهر وناس البيت قلقو عليها وجوها ف غرفتها اكتر من مرة لما لقوها نايمة ماحبوو يصحوها هي صحت غسلت وشها ونزلت تحت لقت مؤيد وحسام في الصلاة وامها مافيشة قعدت تشرب الشاي ( يب الشاي🙂) وبعدها مشت صلت الضهر ورقدت تاني نامت وماصحت الا الساعة 4 المهم يوم نزلت شكلها كان حلوو شديد شديد لأنها لما تكون صاحية من النوم يادوب عيونها بتكون منفوووووخة ونخرتها حمراااا ووشها زاتو احمر😂😂 وهي نازلة مؤيد كان طالع في السلم عاين ليها وقال :اووو النوامة هسي نقول صباح الخير ولا مساء الخير؟جوري: عصرر الخير😀😀مؤيد:😑جوري:😂😂مؤيد خاف منها ومن التغيير الجذري الحصل د ابتسم ليها ابتسامة ب خووف وطلع غرفتو نزلت لقت حسام ف وشها برضو قعدت تتغابى ليه اتخلع منها وهو كمان طلع غرفتو😂صلت العصر ومشت قعدت في التلفزيوون لحد ما امها جات مشت سلمت عليها بالأحضان وامها كمان اتخلعت منها😂.بعد المغرب بشوية كدا توليب طلعت غرفتها تجيب جوالها ويوم نزلت سمعتهم بتكلمومؤيد:ماعارفها والله خلعتني انا قلت يمكن ركبها جني😂هنادي:بريي بعد الشر علييهااحسام:😂😂 ياودد ماتبطل استهبال😂+اي حتى انا قعدت تتعاور معاي مالها ياربي😶توليب وهي نازلة في السلم قالت ليهم كل الموضوع اني قررت قرار..الإنتظار قاسي، والأقسى أن تنتظر من لا تتيقن رجوعه..🖤!يتبع..
