صحت بالليل زي الساعة 8 مساء غسلت وشها وصلت الصلوات الفاتتها ولبست توب وطلعت براحة تتسلل للمطبخ لأنها جاعت وسامعة البيت هادئ كأنو مافي زول مشت لقت سلطة اسود زااابطة اكلتها هضمتها تمام ومشت بقت تفتح في الغرف على اساس تشوفو نام في ياتو غرفة بس ما لقت ليه اثر وكدة ارتاااحت والهم انزاح منها مشت غرفتها بإرتياح وسعادة وخلت الباب مفتوح عشان تسمع صوتو لمن يجي فتحت كتبها وقعدت تقرا دروس اليوم (فايقة ورايقة😫💔).
بعد ماخلصت كانت الساعة 12بالليل طلعت الحوش وقعدت شوية لحدي مابقت الساعة 1 ودخلت غرفتها رقدت في سريرها بإسترخاء بعد ما اتأكدت انها قفلت باب الغرفة بالمفتاح ♥️.
______________________________
...:هي ماليها ذنب بالحصل يامؤيد.
_لا ياحسام ليها مادام هي بنتها خلاص
...:بس كدة انت بتظلمها.
_مابهمني لو بظلمها ولا لا كل العارفو انو بي سبب امها عيلتنا اتفرقت واتشتت ويمكن لو ماهي هسي ابونا يمكن كان عايش لسة ..💔.
...:استغفر الله دا شنو الكلام البتقول فيهو دا يا مؤيد ابونا مات قضاء وقدر وهم ماليهم دخل وقوم يلا هسي امي لو سمعتنا حتتضايق وتزعل مننا
_مؤيد مسح وشو بي يدينو وزفر بي ضييق وقال يارب صبرنا
______________________________
توليب صحت اليوم اللي بعدو مع صلاة الصبح♥️ ودعت الله يوفقها ويصبرها وينجحها وبكت شوية وبعدها قرت الورد حقها من القرءان الكريم♥️ وقامت نظفت البيت كلو وسوت الفطور وخلتو في البوتجاز ..استحمت ولبست ملابسها وطلعت على مدرستها (طبعا ما اتحننت عشان المدرسة).
دخلت المدرسة وشايفة البنات بتهامسو وبوسوسو وهي كالعادة وضعية يادنيا مافيك الا انا المهم وصلت لحدي فصلها دخلت اخدت حصصها وهي طالعة لاقتها ريان:حبيبتي مش المفروض انتي ماتجي المدرسة عشان عرستي(اقروها ب مياعة)
توليب :والله حبيبتي انا اجي ما اجي اتوقع دة شي ما بخصك.
ريان عصبت شديد نسبة لبرود توليب حمرت ليها مساااافة ومشت خلتها اما توليب زعلت لأنو اتكلمت معاها بالاسلوب دة فهي في النهاية بت عمها.
رجعت بيتها فتحت الباب بالمفتاح الي كانت ماخداه معاها احتياط دخلت لقت البيت صاني ومافيهو حركة قالت احتمال يكون نايم دخلت غرفتها استحمت وغيرت ملابسها ولبست التوب حقها وطلعت مشت المطبخ شافت الحلل لقتها مليانة مما يدل على انو ماف زول جا ولا اكل سرحت مسااافة وقالت ياربي ليه ماجا اكل بعد شوية قالت ياخ انا مالي في ستينو😒.
شالت اكلها ومشت اكلت ورجعت غرفتها قفلت الباب بالمفتاح ورقدت نامت 💛.
______________________________
...:اها يا مان ما لقيت حل
_مالقيت والله بس ربنا يستر
...:ماتاخد هم ان شاء الله بتتحل♥️.
_انا تعبت شديد من الكلام معاها بتخجلني شديد بتصرفاتها يامؤيد
...:ماتشيل هم ياصحبي كلو لي خير
_ان شاء الله
______________________________
توليب صحت بعد العصر صلت ومشت قعدت تقرا واليوم البعدو كالعادة نفس الروتين الممل مشت وجات ولسة ماشرف العريس ما اهتمت كتير واليوم البعدو كمان مشت المدرسة ورجعت البيت اكلت ونامت وصحت 5 العصر صلت وقعدت تقرا...(متخيلين معاي ياجامعة البت دي قوية قد شنو يعني بنت عمرها15سنة عرسوها وكمان ابوها متوفي وامها ماعارفاها وين ولا شكلها زاتو كيف راجلها سكير وكمان ليها تلاتة ايام بايتة في بيتها براها وهي في عمر زي دة اي بت مكانها ماكانت اتحملت ربع العذاب اللي هي اتحملتو ..💔)
بعد شوية زي الساعة 7 كدة الباب دقا توليب لبست توبها ومشت فتحت الباب وارتسمت على وجهها علامات الصدمة والدهشة لمن شافت القدام الباب
______________________________
....:انتي يارحاب البت دي لسة ماجات
رحاب:لالا ماجات لكن بتكون ليها مع وحدة مع صحباتها وهسي حتجي
محمد:بالله مع صحباتها لحدي المغرب ولسة ماجات كدي خليها تجي ونسألها كانت وين
رحاب:(بارتباك)انت ما بتوثق في بنتك؟
محمد:بوثق بوثق خلاص(ماقلت ليكم ماراجل👊👊)
جواد كان نايم وجا طالع سمع عمو وخالتو بتكلمو في سيرة ريان.
جواد:مالها ريان ياخالتو
محمد:ماجات من المدرسة لسة(هو قال خالتو انت خالتو😒👊)
جواد:وانا جاي شفتها كانت واقفة بتتونس مع..
رحاب:صحبتها ترتيل صح ..اها يامحمد ماقلت ليك البت هنا قريبة وهسي بتجي خلاص مدام هي مع ترتيل تقوم انت ترتاح شوية..
جواد مستغرب شديد فيها
جواد:مامع ترتيل😔
محمد:😶مع منو
رحاب:😰
جواد:لمن جيت البيت كانت واقفة مع ولد لمن قلت ليها دة منو قالت لي م ليك دخل(ارجل راجل في بيت محمد😂)
محمد:عصب شديد وضرب يده في التربيزة بقوة
رحاب خافت وقالت:هوي ياود ماتكضب البت ماعملت ليك حاجة عشان تكضب فيها انا عارفة انها عند ترتيل حتى هي كلمتني قبل تطلع قالت لي انا حمشي لي ترتيل.
رواح:هوي يا رحاب اوعك تقولي ولدي كذاب ولدي دة تربية يدي مابكذب انتي امشي شوفي شغلك مع بتك دي ولميها عليك بدل تقعدي تكذبي الناس وبعدين داطفل صغير كلامو بتصدق حبيبتي انتي
..بس امشي لملمي بتك دي.
محمد:شفتها وين ياجواد
جواد:ورا المدرسة.
رحاب:يامحمد هسي انت بتصدق الشافع السليط دة قلت ليك كلمتني انها حتمشي لي ترتيل تاني في داعي للشوشرة ...لكن كان مابتثق في بتك المرة الجاية قبل تطلع بقول ليها كلمي ابوك عشان بعدين لا حيصدقني لا حيصدقك
رواح:هسي ولدي بقا شافع سليط؟!تمام يازولة.
جرت ولده من يده ودخلت غرفتها وقفلت الباب.
اما رحاب بتحاول تقنع محمد انو مايمشي لي ريان حتجي براها عشان مايرتكب فيها جريمة لو شافها واقفة مع ولد بورا المدرسة.
أشتَهيْ الجُلُوِس بَمُفردِي ؛ تَحت سَماء شَديدةْ المَطر ؛ وَ أنْ ٱنسِى جَميع مَا يُوجَد فِيّ دآخلّيِ… ✨🖤.
تتوقعو الجا لي توليب ميين؟!
يلا اشوف توقعاتكم
يتبع...
