اليوم البعدو كلهم صحو وجو البيت كان متوتر شوية اما توليب ما فكرت حتى تطلع من غرفتها كانت قاعدة بس وسرحانة بتفكر سمعت صوت الباب قاعد يدق .. اول م سمعت الصوت عملت نفسها نايمة لأنها م دايرة تلاقي اي زول ود كان مؤيد معاهو صينية الفطور مشا ختا الصينية ف التربيزة وجا قعد قصاد وشها ومسك يدها وقال
مؤيد:انا عارف انك صاحية وبتمثلي انك نايمة والحركات د م علي انا قومي نفطر مع بعض
توليب فتحت عيونها براحة هو ابتسم اما هي كشرت كأنو ف دمعة حتتسلل على خدها بس هي حابساها قامت قعدت على حليها
مؤيد:توليبي انا عارف انك جعانة انتي م اكلتي اي شي من الصباح
توليب:شبعانة انا.
مؤيد : يعني م حتاكلي معاي ..؟!
توليب: لا شبعانة.
مؤيد : بس انا جعان
توليب :امشي اكل
مؤيد م حاكل براي
توليب : وانا قلت ماحاكل
مؤيد:طيب انا ذنبي شنو؟
توليب : ...
مؤيد : اكلي معاي عشاني
توليب : ...
مؤيد : لقمتين بس
توليب : طيب طيب
مؤيد جاب الاكل وجا قعد خلا توليب تاكل بالغصب وبعدها اداها كباية عصير برضو شربتها بالغصب.
بعد انتهت مؤيد قال
مؤيد:توليبي .. انا عارف انو صعبة عليك شديد انو امك تكون غايبة عنك 17 سنة وتظهر فجأة وعارف انو مف زول برضى بحاجة زي دي وعارف انها زعلتك واذتك شديد بس ..
توليب قاطعته
توليب:ياريتها اذتني وزعلتني بس ي مؤيد امي كسرت قلبي عارف يعني شنو كسرته ؟ الزعل بتجبر والالم برضو بيتجبر بس هي كسرت قلبي مرة وحدة يخ صعب ي مؤيد انت فكل ركن ف حياتك يكون موجود الشخص د وف كل وقت بتفكر فيه وهو حتى ماحاسي بيك!! انا وصلت لمرحلة اني اكرهها واشمئِز منها مرحلة اشبه بالحاجز الكبير بقت تشكل على حياتي وكل تفكيري عائق م قادرة اتقبل فكرة انها امي حتى انا بكرهها شديد .. بكرهها بالمعنى الحرفي .. ياريتها ماكانت امي.
مؤيد :انا عارف كل د والله بس على الاقل لو م حتقدري تسامحيها فكري فنفسك وفينا م بتتخيلي امس حالتنا كانت كيف لما حصل ليك الحصل .. توليب انتي اختي البحبها اكتر من اي شي ف الدنيا و م مستعد اخسرك بأي شكل من الأشكال انتي نفسي الطالع والنازل .. سعادتنا من سعادتك وزعلنا من زعلك وتعاستنا من تعاستك
انتي اذا دايرانا نكون بخير بس انتي كوني بخير♥️♥️.
توليب قعدت تبكي مسح ليها دموعها وقال ليها : كوني قوية عشانا .. اتذكري انو نحنا معاك دايما وم حنخليك🖤.
توليب : بحبكم اناا😔❤.
مؤيد : احنا زاتنا بنحبك يلا قومي خلينا نطلع لينا محل مع بعض
توليب : وين ؟!
مؤيد :خليها مفاجأة انتي بس قومي يلا
توليب :اوك يلا
توليب م كان عندها نفس بس كانت عايزة تجبر بخاطر مؤيد عسى ولعل الله يجبر بخاطرها💘💘.
قامت ولبست بنطلون وتونيكا عاديات وطلعت معاه الكلام د كان الساعة ٢ ضهر اول شي مشو السوق اشترا ليها اندوميات وشكولاتات ونوتيلا وببسيات وبطاطس وحاجات كتيرة شديد بعدين مشا اشترا ليها شوية ملابس لما خلصو الساعة كان بقت أربعة مشا بيها السينما حضرو فلم انتهى الساعة ستة بعدها مشو مطعم اكلو تمام وطلعو مشو شارع النيل بقو قاعدين شوية ويتمشو شوية ويفضفضو ويمشو يشوفو البحر بعدين مشا بيها حديقة قعدو يلعبو مع بعض بعدها رجعو البيت الساعة عشرة مشو استحمو وغيرو ونزلو تحت يحضرو فلم رعب كانت قاعدة ف النص يمينها حسام وشمالها مؤيد كل م تجي لقطة مخيفة تتخبى ف حضنهم وتسحب يدينهم وتقرصهم وتعضيهم لحد م انتهى الفلم مشت غرفتها عشان تنوم هي لما جات من برة واستحمت غرفتها كانت ملخبطة هسي مشت لقت الغرفة مرتبة والانوار مطفية استغربت بس فتحت النور لقت غرفتها منظمة لفت نظرها صندوق احمر كبير قاعد ف سريرها مشت بسرعة وبحماس فتحت الصندوق اول شي كان فيهو دبدوب طلعتو لعبت بيهو تمام بعدها ختتو تاني لقت كم ساعة واسورة وجزمة اسبورت من النوع البتحبو لقت شوكلاتات كتيرة شديد تكفيها لمدة شهر وتاني لقت دفتر كبير واوراقوو كتيييرة شديد لقت ورقة ملصقة فيهو لفتت نظرها شالتها كان مكتوب فيها توتة الحلوة عارف نفسياتك تعبانة قدر شنو حاولت اخد الليلة اجازة من الشغل عشانك م قدرت عشان كدا جبت ليك الهدية د عسى ولعلها تغير من نفسياتك وان شاء الله تعجبك حسام ♥️♥️.
توليب عيونها دمعت من الفرح شافت باقي الصندوق كلو اندوميات وحاجات زي دي وعبايتين وملابس .. برضو لفت نظرها خاتم بسيط وحلو شكلو راقي جداا لبستو طوالي .. وبعدها ختت الحاجات الجابها مؤيد ليها جوا الصندوق وقفلت الصندوق وختتو ف الدولاب بعدها مشت غرفة حسام دقت الباب اول مافتح ليها جرت لحضنو وقالت ليه انا بحبك بحبك شديد وهديتك عجبتني 😔💘.
مؤيد : جاهم طالع فجأة وقال شايف انو ف خيانات حاصلة قعدو يضحكو بعدها تاتي رجعو يتونسو مع بعض لحد م الصبح اذن قامو صلو كلهم حاضر وقرو قرآن وبعدها نامو وتوليب كانت مبسوطة جداا من اخوانها وبتحمد ربها مية مرة عليهم ♥️.
(واعيد وأكرر الاخوان الكبار سند بالجد😩❤❤❤).
صباح اليوم التاني .. يوم جديد .. توليب صحت من النوم على الروتين الممل وحاولت انها بقدر الامكان م تفكر في امها وقصتها نزلت صبحت على ناس البيت وبتحاول تخفي وجعها بضحكتها بقدر الامكان .. قعدت اتونست معاهم كتيير وبعدها طلعت غرفتها اتونست مع يزن ولمار وطبعا هم م عارفين الحصل ليها .. اتونست معاهم عادي كأنو مف ولا شي وبعدها قفلت الخط ونامت شوية.
السلام على الذين يعانون من التعب ، لكنهم يضغطون على أعصابهم ويعاملون الناس بلُطف💙
يتبع..
