صباح اليوم التاني .. يوم جديد .. توليب صحت من الساعة 5 صباحا على الروتين الممل وحاولت انها بقدر الامكان م تفكر في امها وقصتها نزلت صبحت على ناس البيت وبتحاول تخفي وجعها بضحكتها بقدر الامكان .. قعدت اتونست معاهم شوية وبعدها طلعت غرفتها اتونست مع يزن ولمار وطبعا هم م عارفين الحصل ليها .. اتونست معاهم عادي كأنو مف ولا شي وبعدها قفلت الخط ونامت شوية.
صحت الساعة 11 كان عندها محاضرة الساعة 1 نزلت فطرت وطلعت استحمت واتأنقت في لبسها كالعادة .. ومشت جامعتها ولاقت اصحابها اخدو المحاضرة وطلعو .. مشت قعدت مع ناس مؤيد واتونست معاهم وباسل مقادر يرفع عينو منها وهي انتبهت ليهو بس كانت عاملة ميته😂 .. مر اليوم عادي ولا جديد يذكر كالعاده رجعت من الجامعة مع مؤيد وباسل وصلت البيت مشت غيرت ملابسها .. ورقدت نامت .. صحت بصوت كواريك تحت لبست عباية ونزلت واتفاجئت لما لقت عمها محمد قدامها
ايوا عمها محمد اللي دايماا كان بضربها !!.
عمها محمد اللي دايما كان بقيف مع مرتو ضد بت اخوهو او بتو !!.
عمها محمد اللي دايماا كان ضدها فكل شي وم بحب نجاحها !!.
عمها محمد اللي زوجها بالغصب !!.
عمها محمد اللي اتخلى عنها !!.
نزلت خطوة خطوة لحد م وصلت تحت .. حاولت تخفي خوفها منو .. ربعت يدينها وقفت بثبات قدامو .. عاينت ليهو جوة عيونو وقالت:
ماشاء الله عمي محمد شخصيا !!.
محمد:حمر ليها كويس (لسة في حركاتو😩💔)
كيفك يبتي
توليب:هه .. بتك؟! ياتو بت د ياعمي؟!.
محمد : انا جيت عشان اعتذر ليك يبتي على كل الحصل عشان لقيت نفسي غلطان😪.
توليب : عشان لقيت نفسك غلطان ولا عشان اتذكرت انو ورثة ابوي لسة انا م اخدتها .. عشان تسوقني اوقع على الاوراق وبعدها تاخد الورثة صح ولا غلط !!.
عمرك م فكرت فيني وفمصلحتي .. بس كل همك القرووش
حسام: تولييب !!.
توليب:م توليب ولا شي يحسام .. د الحقيقة.
عمها طبعا اتغاظ منها لأنو فعلا كلامها صح !.
محمد:انا قلت لرحاب انو محتقبل اعتذاري
توليب : انت القلت ليها ولا هي القالت ليك لأنك دايماا بتسمع كلام مرتك😏.
ف اللحظة د عمها جا عليها وكان عايز يضربها كف توليب رجعت بخوف وضجر وهي بتخت يدها على وجهها كردة فعل.
اتفاجئت بيد بتمسكها من يدها وتسحبها وراها فتحت بعد خمسة ثواني لقت انها ورا مؤيد ومسك يد عمها عشان م يضربها
عارفين اتذكرت شنو؟
اتذكرت يوم كانت قاعدة مع عمها كان عمرها 16 سنة وقتها .. كان في البارت الاول .. كانت قالت نفس الكلام او قريب ليهو تقريبا نفس الموقف بس مع اختلافات بسيطة .. اعمارهم اتغيرت .. شخصيتها اتغيرت للأحسن .. لقت السند !!.
هي فكل المواقف المرة والحلوة كانت بتلقى مؤيد وحسام معاها ♥️.
بس بالجد م حست بعظمة السند الا في الموقف د !!.
حست قدر كيف انو ربنا عوضها بحاجة حلوة شديد .. هو هسي م حماها من كف بس !!.
حماها من حاجات كتيرة
المم وعذاب وقهر وظلم .. مؤيد جا في الوقت المناسب .. وكان نعم السند🌏♥️!!.
مؤيد:بس عشان انت عمي لسة عندي شوية احترام ليك .. لكن والله والله ترفع يدك تاني على توليب
حسام: وقتها م حنقدر انك عمنا ولا غيرو
عمهم عاين ليهم كلهم بنظرات متفحصة قبل مايخليهم ويطلع حسام مشا قفل الباب وفي المسافة د مؤيد اتلفت عل توليب
مؤيد:انتي كويسة؟
توليب : ايوا كويسة الحمدلله
حسام : م تخافي احنا معاك دايماا
توليب : م هو د الشي المصبرني على الحاجات د كلها
مؤيد: متشيلي هم كلو بتحلا ان شاء الله♥️
توليب : ان شاء الله.
(طبعا فالموقف د امهم كانت مافي بس لما جات حكو ليها كل شي)
مرت الايام يوم ورا يوم اسبوع ورا اسبوع لحد م انتهى السمستر التاني وبكدا مؤيد وباسل خلصو اخر سنة ليهم فالجامعة اما توليب واصاحبها بقو سنايير♥️.
نسبة لأنو د اخر يوم ليهم كلهم اقترحو انهم يطلعو مع بعض كلهم اصحاب مؤيد وباسل ومعاهم اصحاب توليب .
مشو حديقة مفتوحة وشالو معاهم كيك وشايي وفطاير وحاجات زي دي .. كانو بتونسو كلهم مع بعض بعد شوية برضو قامو كلهم مع بعض يلعبو السفينة زي الشفع😂 اتونسو كتيير شديد واستمتعو بيومهم مع انو بتشاكلو وبتناقرو بس كان يوم حلو قضتو توليب معاهم انبسطت شديد باليوم د وبعد م خلصو ونستهم وايي شي .. قامو عشان ياخدو سيلفي للذكرى مع بعض كانو بضحكو كلهم وتوليب صورت السيلفي .. وبكدا انتهت الطلعة بسيلفي .. وانتهى معاها الجزء الاول من رواية ماذا عنكِ ..؟!.
انتهى الجزء الاول بسعادة توليب في اخر يوم ليها فالجامعة .. توليب لقت ناس بتحبها ولقت اسره ظريفة ..بس لسه كانت ملخبطة شديد من جوة .. كانت محتاجة لأمها فحياتها ..
"أرتجي من الله أن يُبقيني كما انا قوية لا أميل ولا أنهش مهما كانت عثرات الحياة🖤"
الحمدلله الجزء الاول انتهى اتمنى يكون عجبكم وم تحرموني من ارائكم وتعليقاتكم لو سمحتو .. وتابعو الجزء الثاني اللي حينزل قريب ان شاء الله واردمو براحة عليك الله عمري 15 سنة😂.
ومع السلامه♥️
