اسعد الله اوقاتكم بكل خير احبتي ❤
/// البارت الثامن وستـون /////
#بيوت_بلا_جدران
#شمس_السعدي
----------------------------------------------
يجفل الهجران روحي
وتغسل الحنة بدمعها
وتفرش جناحين يالدربك بعيد
وتنذر الجيتك .. دمعها ..
آخ روحي ...
بيهة عشگ الجرح للسيف
وانت لسة ما تحزر طبعها ..!!
______________________________
اخذت منها التلفون وانا كلي لهفة الو وشوق ..
رديت ..
" الو درع شلونك "
رد بدون حتى سلام ..
" براء تطلگي غيابي وتزوجي بس ابني خليه عند جدتي ماتاخذيه وياج "
بقيت مصدومة مااعرف اشنو احجي ..
" درع انت تحجي صدگ اشنو اتطلگ اني حبيبتك برو انت بوعيك .. يول لا تاذي گلبي .. اهاجس روحي تاتطلع "
رد بعصبية ..
" مو هذا طلبج من اجيتج وردتج ترجعين وياي ..اشنو تغير هسا ..سنين واني النار تسعر بيه .. حسيتي هساع بالصارلي وكت ماگلتيلي درع طلگني .. !!
انت خذلتيني براء وخلتيني بلا حول ولا قوة .. سنين واني اكل بروحي اكل .. واحسو كلامج طنين بأذني مايفارگوا .. "
رديت ..
" ليش هو هين عليه هالحجوات .. بس انت تعرف ابوي وطبعو خفت عليك يآذيك .. "
ضحك ..
" واني اشنو جاهل وتخافين عليه .. يول انت لو واكفه وياي كان صرتي قوتي الاواجه بيها ابوج .. وكت هالحجي راح .. اني حسرتي بقت على امي وابني الماشبعت منهم "
اتهسترت ..
" درع لاتظلمني حرام .. عبالك خذلتك وماردت اجي وياك من انطيتني الرسالة .. اصلا لميت غراضي اني ووطن بس حسو عليه .. وهددوني بيك .. رادوا يكتلوك انت ليش ماتصدكني "
قاطعني ..
" اكفي .. اكفي .. يعني الاغتيال ابوج سببو "
سكتت ..
صاح ..
" لاتسكتين احجي هو سبوو مو .. والتقرير هم هو سبوو يعني هو ماكفاه راد يقتلتي ودور هجرني من اهلي وبلدي "
رديت ..
" لا التقرير خالك منهل مو هو "
سألني ..
" وانتي تعرفين من البداية ؟"
رديت ..
" اي واني بلغت رحمة كافي درع لاتحجي هيج خاف يطلع مراقب "
تعصب..
" من انعل شيب اهلو واهل الخلفو .. مايهمني بعد .. هساع ارجع واوگف بوجهو واحاسبو . اني شلون طاوعت جدتي وعلي وطلعت .. ليش صرت جبان شلون ماوگفت بوجهو وحاسبتو شلون "
بقى يلوم بروحو ..
" درع السويتو صح .. فكر بوطن بأبننا .. اعرف انت تكرهني يمكن هساع بس السويتو حتى مااخسرك واحرم ابني منك .. حتى لو بعدت عني يكفيني اعرف اخبارك واعرف انت بخير .. الهم ابني عندو اب .. وهساع لو ردت لاتستقبلني عندك مااجبرك .. او استقبلني كأم الابنك بس .. لان مااريد اتزوج ولااريد رجال غيرك يلمسني .."
أنت تقرأ
بيوت بلا جدران
General Fictionرواية تتحدث عن اجيال مختلفة .. اولهم فصلية .. لكن ليست كـ اي فصلية .. عانت منذ ستينات القرن الماضي ظلم وجبروت البشر تحت مسمى التقاليد والعادات العشائرية ..
