صباح العســـل احبتــــي ❤️
/// البارت ثمانية وثمـانون /////
#بيوت_بلا_جدران
#شمس_السعدي
----------------------------------------------
نعيب زماننا والعيب فينا ..
وما لزماننا عيب سوانا ..
ونهجو ذا الزمان بغير ذنب ..
ولو نطق الزمان لنا هجانا ..
_______________________________
اركان ..
رجعت للبيت العصر تعبانين وهوسة ماارتاحينا ..
فتحت الباب ودخلنا دست على شي ..
دنگت جانت ورقة وفوكاها رصاصة ..
ومكتوب .. دمكم مهدور ..
شافتها فاطمة صاحت سديت حلكها بساع ماردتها تخوف نورا لو تورج علينا العالم .
دخلتها بسرعة للبيت ..
همستلها ..
" حظري ملابسج بساع اوديج يم امي ماامن عليجن هنا "
ردت ..
" وانت ؟"
رديت ..
" اني راح ابقى واريد اشوف منو هذا اليهدر دمي ابن امه خلي يواجهني "
ردت فاطمة ..
" تحجي صدك ماامشي اذا ماتمشي ويانا شلون تبقى هنا وحدك "
رد ..
" فاطمة لاتعاندين قابل اشرد شني جبان "
ردت ..
" اليخاف على نفسه وعائلته مايتسمى جبان .. خلي اني ماتهتملي بس بنتك منو الها بعدك مافكرت بيها "
اتنهدت ..
" امشي هسا حظري الملابس والله كريم "
دخلنا بساع ..
لمت ملابسها وملابس نورا ..
بقيت گاعد بالهول منتظرها وبحضني نورا ..
طلعت من غرفتهن دخلت الغرفتي ..
سألتها ..
" شتسوين ؟"
ردت ..
" اخذلك ملابس صدگت اعوفك هنا وحدك "
عفت نورا بالهول ورحت وراها للغرفة ..
فتحت الكنتور ..
همست ..
" عوفي اني اطلع مااخذ هواي كم قطعه بين مانشوف شيصير "
بعدني جاي احجي وياها ..
سمعنا ضربة قوية مثل الانفجار..
حضنتني بساع وصرخت ..
حضنتها هدأتها ..
" اشششش لاتخافين ماكو شي اني يمج هنا "
صاحت ..
" نوراااا "
عفتها وركضت للهول ..
جانت مقرفصة جوة القنفة وتبجي ..
اخذتها الحضني بساع ورحت للغرفه ..
انطيتها الفاطمة ..
" ديري بالج عليها "
لزمتني ..
" وين رايح يكتلوك "
رديت ..
" اقفلي الباب عليج وابقن هنا بين الكنتور والجرباية اگعدن لا تطلعن "
بجت نورا ..
" بابا لا تعوفنا "
مسحت دموعها وبستها ..
" بابا هاي اني يمج مااعوفج وماما يمج هسا اجي لاتبجين انت سباعية ماتخافين "
ردت ..
" لا اني اخاف لاتعوفني "
ردت فاطمة ..
" ابقى يمنا لاتطلع "
أنت تقرأ
بيوت بلا جدران
General Fictionرواية تتحدث عن اجيال مختلفة .. اولهم فصلية .. لكن ليست كـ اي فصلية .. عانت منذ ستينات القرن الماضي ظلم وجبروت البشر تحت مسمى التقاليد والعادات العشائرية ..
