صباح الفل والياسمين احبتي ❤
/// البارت السابع وستـون /////
#بيوت_بلا_جدران
#شمس_السعدي
----------------------------------------------
ستعاني كثيراً ..
عندما تكون نقيا من الداخل .. وكل الاشياء من حولك ملوثة !!
--------------------------------------------
في المدرسة يعلموننا الدرس ثم يختبروننا ..
أما الحياة فتختبرنا ثم تعلمنا الدرس .. قد تقصر الحياة وقد تطول .. فكل شيء مرهون بالطريقة التي نحياها بها ..
ولكل واحد منا هناك ضعف وقوة ..شجاعة وجبن .. صمود واستسلام .. نقاء وقذارة .. فالمخلص يقاوم والغادر يستغل الفرص لينا منا ...
فأن كنا انقياء لانعرف خبثهم سنعاني منهم كثيرا ..
*****
هذا الصار وياي بعد ماجنت اخر شي اتوقعه انه اهلي يغدرون بيه ..
سمعت وشفت غدرهم للغير بس اني ماجنت اضن يجي يوم يغدرون بيه .. او گلبي الطيب خلاني مااشوفهم مثل ماغيري يشوفهم ..
طلعت مااشوف بعيني من الغضب .. وعلي يركض وراي
" اوگف شبيك مو احجي وياك "
التفتت ..
" ابو حسين عوفني خليني اطفي ناري بيهم .. ليش هيج يسوون بيه .. ليش يحرموني من السعادة .. شسويتلهم "
رد ..
" لان مارضخت الهم .. لان وگفت بوجههم .. وهم اليوگف بوجههم يمحوه "
تعصبت ..
" جا شنهي يردوني مثل جعمقة شيگلولي اگلهم صار "
اتنهد ..
اعتذرت منه ..
" اعتذر خوية بس… .."
قاطعني ..
" وليش تعتذر الحجيته صح .. يردونا كلنا عبيد مثل هذا الارتبط اسمي بأسمه وصعب امحيه .. وراح اشيل هالوجع كلما ينذكر اسمي واسم ولدي .. شفت ليش گلتلك اهدأ .. لان مو بس انت المتضرر كلنا .. اني ورحمة ودرع ورضوان وامهم وامك وانت وامي وكلنا يعني ثورتنا لو ثارت تمحيهم بس انتظر يجي يومهم وداعتك والمظلوم حقه يردله ولو بعد حين "
رديت ..
" بس اني مااسكت .. اني موش جاهل ويزوجوني بكيفهم .. مااخذ الا الاختارها گلبي ولو وگفوا كلهم گبالي .. انا الشغلة التخصني اخذها من حلگ السبع "
رد ..
" جان اخذتها اني ودرع ورضوان قبلك .. انت شبيك فيصل كبرت لاتتهور .. زينب لو الك تبقى الك ومحد ياخذها "
احس روحي خارت ..
گعدت على الرصيف ..
" شسوي فهمني "
رد ..
" لاتسوي شي لو رحتلهم راح يساوموك .. انت اهدأ وخلينا نفكر "
رديت ..
" شفكر ماسمعت يگولون ابن عمتها نهى عليها "
ضحك ..
" ولك هو بس ابن العم ينهى شبيك هاي عود انت تعرف بهالسوالف .. وولد عمها صغار ماكو واحد بعمرها بعد لويش خايف .. ترى زينب عمرها جبير بالنسبة الهم وهم البنية عدهم 14 سنه يعرسوها .. يعني لو ابن عمتها رايدها صدگ ليش ماخذاها من زمان شمنتظر يكبعها وياخذها حتى مهر مايطيها .."
أنت تقرأ
بيوت بلا جدران
Fiksi Umumرواية تتحدث عن اجيال مختلفة .. اولهم فصلية .. لكن ليست كـ اي فصلية .. عانت منذ ستينات القرن الماضي ظلم وجبروت البشر تحت مسمى التقاليد والعادات العشائرية ..
