بيوت بلا جدران

بارت 65

صباح الورد احبتي ❤️
/// البارت خمسة وستـون /////
#بيوت_بلا_جدران
#شمس_السعدي 
----------------------------------------------
ومابين الغياب والحضور..!!
هناك وقت لا يحتسب من العمر..
ومابين الوداع واللقاء..؟
هناك تلك الاوقات
المتجمدة التي لا تمر..؟!
فكيف لنا ان نذيب جليد المسافات..!!
التي لازالت يوماً
بعد يوم تستمر..
واجمل ايام العمر تمضي..؟
مابين شوق وبعد وهجر ...
________________________________
سنة 2000 ..
السنين مرت .. مابين غياب رضوان الذي طال ولانعرف لرجوعه مصير .. وبين لهفتنا وشوقنا لدرع وبعده عنا .. وبين جفاء وقسوة اركان .. وحبه المحرم الذي الهاه عن الدنيا ومافيها ..
وبين فيصل واجباره على زواج لايريده .. زواج غير متكافئ .. بعدما تزوجت زهرة .. اشترطت ان يزوجوه حماتها الفيصل وكانت تكبره بالعمر ثلاث سنوات ..
فأضطر الى ان يتمرد عليهم ويترك كلشي ويرجع الاحضان مرمر من جديد .. وليولد في قلبه حب كان بالاصل موجود لكنه مخفي .. وحان الوقت ليظهر للعلن

--------------------------------------
اركان ..
من اول ماشفت نورا حسيت بشي يجذبني الها ..
يمكن لأني اول مرة اشوف هيج بنية حلوة وشكلها يجذب ..

عيونها مليانه حزن رغم الوسط العايشة بي .. ابوي مرة گالي كلام ..
" عيش حياتك مثل ماتريد .. اصرف البس اتونس .. بس لاتخلي وحدة تضحك عليك .. وخاصة بنات الليل .. ذني انخلقن للونسة مو للعشگ والحب .. لاتفكر بيوم تحب وحده منهن وتضحك عليك .. اخذ منها ولاتنطيها الا الفلوس .. گلبك .. واسمك محرمات عليهن"

بس المشكلة نورا غير ومتأكد غير البنات العرفتهم ماردت افرغ نزواتي بيها ..
طول فترة الجامعة .. صادقت ومشيت وي هواي بنات .. بقيت افتر عليهن مثل النحلة .. من الزهرة الزهرة .. امص رحيقها وانتقل الغير زهرة ..
جنت بالنسبة الهن خوش صيدة .. اسم وجمال ومركز ..

بس يعرفن راح اصير ضابط يتسودنن .. الارضي جنت مسوي قصاصات صغار .. بحيث حتى گمت انسى المن انطيته والمن ..

ابوي بدأ ياخذني الحفلات كبار .. حفلات الوزراء وحتى ابن الرئيس .. حضرت حفلة عيد ميلاده لأول مرة ..

وهنا جنت مصدوم من الشفته .. بنات بمختلف الاعمار .. ومطربين كبار .. كلها جانت موجودة ..

سألته ..
" وين احنه بوية "

رد ..
" هنا الجنة وليدي .. ادخللها برجلك اليمين وعيش "

واني هم ماگلت لا ..
بديت اعيش .. واستغليت الفرصة الاجتني على طبق من فضة ..

وبوحدة من الحفلات اخذت عقلي وحده ..
كانت راقصة تطفر من طاولة الطاولة وترگص .. حلوة حيل وشعرها طويل .. ومشهورة بوكتها ..
شكلها يسحر اي رجل بالدولة .. تتمايل مثل الغصن بوسط الريح ..

ماانكر جذبتني .. وحتى تمنيت اوصللها بأي طريقة .. بس هاي غير عن البقية .. هاي خاصة للكبار بس وممنوع احد غيرهم يوصلها ..