مساء الفل والياسمين احبتي ❤️
/// البارت اثنا وثمـانون /////
#بيوت_بلا_جدران
#شمس_السعدي
----------------------------------------------
وجودكِ بحياتي عن جميع الناس يكفينـي ..
وجودكِ ياصغيرتي يجعل كل شيئ بخير حتى انا !!
طول الطريق ملتهي وي نورا وسوالفها واسألتها عن كلشي تشوفه وكانه جانت عايشة بسجن تتعجب من اقل شي تشوفه ..
ماحسيت الا سيارة وگفت بالباب وصاروا يرمون ..
دفعت الباب بسرعة وفتت ..
بس ساعتها گطعت النفس ..
مااسمع شي بس صياح رحمة وبجيها ..
جان كل همي نورا بنتي .. الرمي فوگ راسنا واني اتلمس بيها وخايف مرعوب اول مرة اخاف من خسارة احد بحياتي..
راح صوت الرمي ..
ورحمة تبجي وتصيح ..
" اركان ايدك ايدك تنزف تصوبت "
ماحسيت بالطلقة من فاتت بجتفي كثر خوفي لا نورا بيها شي ..
گامت مرعوبة تبجي وحضنتني ..
" دم يطلع منك راح تموت وتعوفني "
رديت ..
" مابيه شي حبيبتي لاتخافين .. "
شوية شوية بديت احس بحرارة وايدي وبدت تنمل من الالم ..
جنت امثل اني زين وحاضنها وابتسم وباقي اتلمس بجسمها خاف بيها شي ماصدگت هي بخير ..
جابت رحمة حجابها لفت جتفي حيل ..
" راح اخابر علي يجي "
بقيت گاعد بالطارمة واون من الوجع ونورا حاضنتني ..
اسمع صياح جوة ..
" رحمة امي وگعت من الهبطة بسرعة خل يجون خابريهم "
شوية واجو الولد ..
شافوني تسودنوا ..
گومني رضوان..
" بس بيدك الضربة "
هزيت راسي..
سأل ..
" منو الضربوك ماشفتهم "
رديت ..
" لا ماشفت جنت احجي وي رحمة "
ردت رحمة ..
" مو وكت سوالف اخذوه دمه نشف ماتشوفوه ينزف "
رد علي ..
" راح اجيب سيارة واجي "
ردت رحمة ..
" وعمتي هم متخربطة خلي اخوتي ياخذون اركان وانت اخذ عمتي "
جاب سيارتين واجه ..
شالوني رضوان ودرع للسيارة .. ونورا تبجي وراي تريدني ..
عاينت عليها ..
" ابقي يمه عمه حبيبتي وصيري حبابه هسا ارجعلج "
جانت تشهگ وتهز براسها ..
جنت بالگوة احجي مااحس بروحي بعد كثر مانزفت
صاح رضوان ..
" لحد يگول الامي "
اخذوني للمستشفى سين وجيم وشرطة اني دخلوني للطوارئ بالاول ودور حولوني للعمليات ..
ماجان احد ببالي ساعتها بس نورا وشكلها من تبجي عليه ..
اول مرة احس واحد يخاف عليه هيج ويخاف يخسرني مثل مااني جنت خايف اخسرها ..
أنت تقرأ
بيوت بلا جدران
General Fictionرواية تتحدث عن اجيال مختلفة .. اولهم فصلية .. لكن ليست كـ اي فصلية .. عانت منذ ستينات القرن الماضي ظلم وجبروت البشر تحت مسمى التقاليد والعادات العشائرية ..
