اسعد الله مسائكم احبتي ❤️
/// البارت اثنا وتسعـــون /////
#بيوت_بلا_جدران
#شمس_السعدي
----------------------------------------------
كثرة الكتمان ..
والتظاهر بـ القوة .. يجعل قلوبنا هشة
هشة جداً و تبكي من أتفه الأسباب .. !!
---------------------------------------------------
من صغري واني اشوف حزن جدتي وامي واكتم بداخلي ..
لان قوتي استمدها منهن .. تعلمت انه شما اواجه اصبر ..
مرات اگول شيصير لو ابوي علي واسمي مسجل بأسمه هالعائلة الانتمي الها وجذوري تمتد من جذورها تأذيني بمجرد مااتذكر حكايا جدتي والمر الشافته اضوج وانقهر
بس مايوم توقعت انه راح يصيبني الصابهن ..
وانه لازم اخذ نصيبي من الصارلهن وكأنه حظهم وراثة من بنت الامها ..
من طلعت ضايجة من القسم وشفت موسى مااعرف شصار بيه ..
خفت واحس رجلي ترجع للخلف والساني تلعثم ..
جان يسأل طلاب على اسمي ..
سحبت علا بساع ورجعت للقسم حايرة وين اروح منه وهي مستغربة وتسألني شكو شبيج ؟؟
رديت ..
" اششش هذا ابن عمي واحد غثيث مااريده يشوفني"
دخلنا للقاعات الجوة والخوف ماكلني ..
وعلا تحجي عليه ..
" شبيج خايفه احنه بوسط جامعة ترى واكو امن وطلاب واساتذة شيسويلج مثلا .."
رديت ..
" طبعا ميسوي شي بس مااريده يشوفني "
بقينا گاعدين بهاي القاعه حتى المحاضرة فوتناها ..
گامت ..
" اروح اشوف الوضع قابل نبقى اليوم كله هنا "
عافتني وراحت لزمت بيها ..
" اوگفي اخذيني وياج لتعوفيني "
نزلنا وعيوني تدوره خاف يطلعلي بأي مكان ..
اجت بنية من القسم ..
" ها وينجن ضربتن المحاضرة عاد الشغله تسوه تضربنها "
ردت علا ..
" شنو شبيج مايصير واحد يتخربط ماسه تخربطت واخذتها ترتاح "
ردت ..
" هااا عبالي خطيبها مسويلها مفاجأة ثانية ومعزمتوني مثل البارحة "
همست علا ..
" امشي ماسة لاابتلي بيها شني هالقسم الماتنظم بي سالفة "
مشينا صاحت ورانا ..
" هااا صدگ گرايبج اجه سأل عليج ودورتج ماكو "
تلعثمت بالحجي ..
" ووينه هسا ؟"
ردت ..
" يمكن راح بقى شوية وماشفته بعد دخلت للمحاضرة"
تخبلت من سمعت حتى قسمي يعرفه شعرفه هذا ..
طلعت موبايلي خابرت ماما ..
حجيتلها تخبلت ..
" اسمعي اذا وصلج بعد لو اجه اشتكي عليه للامن لاتسكتين واني هسا اخابر ابوج وخوالج يطيحون حظه"
مااعرف اليوم شلون مر من التوتر ..
بعدين استغربت على نفسي ..
" عود اني ليش هيج خايفه قابل شيريد يسويلي بس شعنده اجه اصلا "
خابرني بابا يسألني اذا اجه بعد لو لا ..
گلتله لا ..
رد ..
" خابرنا عمج فرج وفيصل وگالوا نطيح حظه وهو اصلا ماهو رايح وي جماعته يگولون للزيارة انت ديري بالج على نفسج ولاتنطيه وجه ابد "
أنت تقرأ
بيوت بلا جدران
Narrativa generaleرواية تتحدث عن اجيال مختلفة .. اولهم فصلية .. لكن ليست كـ اي فصلية .. عانت منذ ستينات القرن الماضي ظلم وجبروت البشر تحت مسمى التقاليد والعادات العشائرية ..
