بيوت بلا جدران

بارت 94

مساء الفل والياسمين احبتي ❤️
/// البارت اربعة وتسعـــون /////
#بيوت_بلا_جدران
#شمس_السعدي 
----------------------------------------------

( الاحساس بالفقد هو اصعب من لحظة الفقد نفسها !!)

فرق كبير بين أن تسمع عن أحزان الآخرين ..
وبين أن تعيشها شخصياً .. خاصة عندما يكون
الفقد هو الأصعب بالنسبة لك .. فقدان السند والظهر والذاكرة والقوة والاحتواء .. وهل يمكن أن نطلق على الأب غير هذه الصفات .. ؟

طول فترة الفاتحة ومابعدها والمشاكل الصارت ماخلتني احزن واختلي بحزني على ابوي ..

فجأة صرت شيخ وتحملت مسؤولية جبيرة  ..
وانشغالي بالسيطرة على الوضع اعدم تفكيري بغير شي

لكن من يجي الليل احساس الفقدان ياكل بيه ..
احس صوت ابوي محاوطني .. جنت اسهر وياه كل يوم
ومرات انام يمه ..

هو غرفته وحدها عن غرفة نسوانه جان كل ليلة يروح يم وحدة وليلة يخلصها وحده يگعد يدرس حسابات الگيعان ومشاكل العشيرة او ومرات يناقشها وياي وياخذ رأي ..
جان يعجبه تفكيري ويشجعني .. اكثر كلمة احب اسمعها منه من يگلي عقلك اكبر منك..

انطاني الثقة بداخلي وخلاني اعرف اتصرف واحذر قبل اي تصرف ..

هسا اني محتاجة حيل .. رغم الولد مامقصرين عني ووياي اخذ رأيهم ويساعدوني .. وامي رغم ماتحب تجي الهذا البيت بس تجيبهم وتجي كل جمعة علمودي علمود تحسسني انه كلهم واگفين وياي ..

اعرف تضغط على نفسها من تجي بس مااگدر اكلها لاتجين اناني حيل بحبها احس راحتي بوجودها يمي حتى فكرت اهد البيت واغير تصميمه علمودها حتى ماتهيج عليها الذكريات ..

لكن رغم كلشي فموسى ماتركنا بحجة يجي الامه وهو كل يوم رايح جاي ومااگدر اطرده ..
اخواتي اشوفهن يتقيدن من وجوده ويدخلن للغرف من يجي ..

فوگ كل هذا السلف يصيح منه ويشكون واني مالي سلطة عليه واحجي وياه اعرفه السانه متبري منه ويفشلني گدام العالم ..

جنت گاعد بيوم بالمضيف والولد يمي ..
اجه محسن ولد جايجي يشتغل بالمضيف متكفل بالجاي والگهوة وتنظيف المضيف وكلشي يخصه ..

صاح ..
عمي اكو ولد صارلة كم يوم يروح ويرد اشوفه وشاك بي شو يعاين للبيت الجبير وللمضيف .. شكيت للزلم وخليتهم يكضوه ويحبسوه ..

سألته ..
" وانتو شلون تحبسوه .. تعدى عليكم ؟؟ "

رد " لا "

حاجاكم ؟

لا

سوة شي غلط

لا

جا شلون تحبسوه

رد ..
" مو گبل جنا اذا هيج واحد يفتر يمنا ونشك بي نلزمه ونسلمه العمي حطاب "

رديت ..
" انتو ليش ماتفهمون ذاك الوضع خلص انتهى .. هسا كلشي تغير .. جان المفروض اول مالزمتوه تجيبه الي وافهم منه "