صباح الفل والياسمين احبتي ❤
/// البارت احدى التسعـــون /////
#بيوت_بلا_جدران
#شمس_السعدي
----------------------------------------------
لا اعرف كيف احببتك .. ؟؟
متى ..
واين ..
وكيف ..
كل الذي اعرفه انك اصبحت عالمي ..
ملكي ..
ومملكتي ..
ومالكي ..
أصبح لـ دقــات قلبـي معنى بــ تواجدك في حياتي
ففي جميع حالاتها تنبض لك ..
فرحاً بك ..
حباً لك ..
شوقاً إليك ..
و خوفاً عليك ..
ادمنتك رغم اني لم اتعاطى منك سوى صوتك ونظراتك ..
-------------------------------------------------------
ماانكر جنت معجبة بي ..
وخاصة بعد ماتعودت على رسائله احسها صارت روتيني ..
تحول هالاعجاب الشي اكبر ..
شلون وشوكت ماادري بس من غاب عني وانقطعت رسائله بديت اشتاق اله ..
وصرت كل شوية اشوف الموبايل وادور على رسائله
اول مرة اشتاق الشخص هيج غير اهلي ..
من داومت بالكوفة جنت اشتاق الاهلي واضوج واختنگ وهالشي صار وياي من ميراد بطل يدزلي رسائل ..
من گالي راح يخطبني ماصدگت .. معقولة الهاي الدرجة يحبني .. تذكرت جدتي من تگول ماحبني واحد مثل مهران معقولة ميراد مثل ابوه ..
معقولة راح اعيش حب مثل حب امي وابوي ..
ضحك من شافني ساكته ..
" شبيج ساكته احجي "
رديت ..
" شحجي ؟"
رد ..
" حسسيني انت هم رايدتني هم تحبيني ؟"
بقيت صافنه بوجهة ..
هاااا
هاااا شنو انت تحبيني سألتج ؟
ميراد لاتحرجني
وليش احرجج مو من حقي اعرف شتحسين اتجاهي شهور واني اراسلج واحجيلج مشاعري وماكو رد منج
استحي احجي وجها لوجه
معناتها اليوم نتراسل وتحجيلي
ابتسمت ..
سمعت صوت علا فزيت من مكاني ..
" ماسة وينج دورت عليج شكثر شتسوين هنا ؟"
جانت تباوع الميراد وتباوعلي ..
رديت ..
" هااا ميراد اقاربنا واجه اليوم للجامعه عندة شغل "
ردت ..
" اي اتذكرته هم اجه مرة مووو ؟"
رديت ..
" اي صح يله امشينا للمحاضرة "
سألته ..
" انت تروح لو تبقى ؟"
سأل ..
" انت شتردين ؟"
ابتسمت افتهم عليه ..
رحنا للمحاضرة وعلا الف سؤال سألت على ميراد
تگلي نظراته الج بيهن شي ..
رديت ..
" متوهمة "
ضحكت..
" لا تخافين مانحسد .. استاذ مثنى اذا حلوة ليش ماينعجبون بيج "
أنت تقرأ
بيوت بلا جدران
Ficção Geralرواية تتحدث عن اجيال مختلفة .. اولهم فصلية .. لكن ليست كـ اي فصلية .. عانت منذ ستينات القرن الماضي ظلم وجبروت البشر تحت مسمى التقاليد والعادات العشائرية ..
