شرطة الغرام

الفصل الثانى و العشرون

فى الكوافير كانت الفتيات مجتمعات معا و كلهن حاضرات لمساعدة اسراء....انتهت خبيرة التجميل من وضع مساحيق التجميل على وجه اسرلء و باقى الفتيات و دقائق و وجدوا هاتف اسراء يرن و لم يكن سوى عمار بالتأكيد.....خطفت حلا الهاتف بنكر و فتحت الخط و شغلت مكبر الصوت فخرج صوت عمار الذى قال بهيام: وحشتينى
ابتسمت اسراء بخجل شديد و كتمت الفتيات ضحكاتهن
اسراء: عمااار
عمار بحب: اى يا قلب عمار
اسراء بضحك: الاسبيكر مفتوح....تعالت ضحكات الفتيات بينما قال عمار بجدية زائفه: احم...انا كنت متصل بيكى علشان اقول لك انا بره اطلعى يا هانم
و اغلق الخط سريعا و نظر الى فارس و خالد الذان
ضحكا عليه بشدة و قال: اى شئى اى
فارس بضحك: لا ولا حاجه
بعد عده دقائق خرجت اسراء بثوب زفافها الابيض الطويل الذى منحها مظهر ملائكى رائع خطف قلب ذاك العاشق الذى اتجه اليها قائلا: انتى ازاى حلوة كده
اخفضت نظراتها بخجل شديد فقال خالد: يلا يخويا خلينا نطلع على القاعه الناس مستنيين
نظر له عمار بغضب ثم اخذ يد اسراء و اتجه الى سيارته بينما سحب فارس حلا و لارا الى السيارة
فبقيت نغم واقفه فقال خالد: يلا يا نغم هنروح مع بعض
نظرت له نغم و قالت: لا طبعا انا هروح بعربيتى
خالد بهدوء: انا كده كده رايح يا ريت تبطلى عند و اتفضلى اركبى مينفعش تروحى لوحدك
نغم بعند: لا هروح لوحدى
نظر لها خالد نظرات مريبه ثم فى لحظه حملها و وضعها فى السيارة و اغلق الباب ثم اتجه الى مقعد السائق و بعدها اغلق القفل الكترونيا و بدء فى القيادة

نغم بصراخ و غضب: نزلنى يا خالد افتح الباب ده احسنلك
بينما خالد نظر لها ببرود و لم يرد....ظلت خى تحاول فتح الباب و لكنها تجمدت عندما سمعته يقول بحزن: هتفضلى زعلانه منى لحد امتى يا نغم
نظرت له نغم و قالت ببرود عكس ما بداخلها تماما: انا مش زعلانه منك يا خالد اللى بيننا مش زعل انت مدستليش على رجلى و جاى تعتذر انت حطمتنى يا خالد فاهم يعنى اى......اكملت و قد تساقطت دموعها تجرح وجهها الندى: انت حطمتلى كل احلامى من قبل ما تتبنى يا خالد......انت دمرت كل حاجة دمرتنى و دمرت حبى ليك و ثقتى فيك انا و انت مبقاش فى حاجه تربطنا ببعض خلاص يا خالد كل حاجه خلثت اللى بيننا ميتسماش زعل تقدر تسميه اى حاجة الا انه زعل تقدر تسميه انك خنتنى....ولا هتخوننى ازاى و انت معتبرنى مجرد لعبه...انت فاهم يعنى اى ابقى انا مخلياك كل حياتى و بانيه احلام لحياتى معاك و بعدها الاقيك معتبرنى مجرد لعبه....عمرك ما هتحس بربع المى اللى انا حاسه بيه

اوقف خالد السيارة و نظر لها بعيون احتبست فيها الدموع و قال بندم: صدقينى يل نغم انا عمرى ما حبيت وا هحب غيرك انتى انا عارف انى كنت واحد بايظ و عرفت بنات كتير و صاحبت كتير و عملت حاجات كتير حرام بس و الله العظيم من يوم ما سبتينى و انا اتغيرت انا استوعبت انك اخلى حاجة حصلتلى بس للاسف استوعلت متأخر اوى.....من يوم ما سبتينى و انا قطعت علاقتى بأى بنت كنت اعرفها و مفوتتش فرض...سامحينى يا نغم ده ربنا بيسامح...
سامحينى و انا هعمل لك احلى فرح و هعوضك عن كسرى ليكى هنسيكى كل اللى سمعتيه فى اليوم ده صدقينى