#خُلِقتْ_حُرّة
#الحلقه5
" قبل الحلقه ...
لناس الي تقولي مستحيل مايفرقوش بين الدقيق و الحشيش و كذب ما كذب ، انا الي سمعتها من البطله كتبتها ، قالوله يا شحا شن علمك الكذب ( قاللهم الي نسمعها نقولها 😂💔) اذا هيا كذبت عليا مش ذنبي نا 😂😂 انبصر عليكم والله ، الموقف حقيقي و البنت حكت الموقف عن حقيقه و شهود من البطلات الثانيات و الشي الثاني ، واضح ان عيلتهم من عدمه الثقه بينهم و عصبيتهم متحكمه فيهم لذلك يتسرفو بدون وعي "
___________________________
ابتسمت بشماته و انا نشوف في بابا و عمامي و جدي مصبيين و يتوعدو لمحمد و مصعب اكثر ثنين يستاهلو الي يصير فيهم ، قرب عمي من مصعب و رفع يده ضربه بدون مايحكي معاه و لا حرف ،
فتح مصعب عيونه بصدمه و هوا مش عارف عليش باته مد يده عليه لكن مع هكي مارفعش صوته و لا حكى معاه ، و ممكن الشي الوحيد الي كويس فيهم انهم يحترمو في ابهاتهم من عمامي لجدي و ضناهم لهم و لجدي ،
عمي " محمد " : عزق ع وجه الحشي .. قصدي الدقيق ، ع هكي ربيييتك اناااا اااه هكي كبرت و تعبت عشاانكم خوتك الي اكبر منك ماعمرهم حطو السسسم في فواهم و تجي انت عقااب الوقت تحشش يانذل ياعطيب الرجله
مصعب : مكانش مستوعب الي قاعد يقول فيه عمي خصوصا الكف الي خذاه قدام العيله و بعصبيه ، حشيش شنو حشيش شنو الي تحكي عليه ياباتي
عمي : مسكه بعصبيه من ماليته و يضغط ع سنونه ، تسأل تسأل حشيش شنو اذا ماربتكش نا حيربيك غيري
جره من ماليته و مصعب مزال مش مستوعب الي قاعد يصير لكن متحكم في اعصابه بالسيف عشان باته الي قادمه ، و قف و نزل يده باته و بعصبيه
مصعب : شن قااعد اديير فهمنيي على شنو تحكيي
قدم جدي بعكوزه و رافع راسه ك العاده بشموخ ، صبى قدام مصعب و بجموده المعتاد
جدي : هوا سؤال و مش حنكرره ، من امتى تاخذ ف السم هذا
مصعب : عيط بعصبييه من انهم يتهمو فيه بشي هوا مش عارفه شنو ، تييي ع شنن تحكووو فهمووني و اين سم تحكوو عليه
عمي : رفع صوتته ، وطييي صوتك و انت تحكي صوتك مايرتفعش
مصعب : مشى بيده بعصبيه ع شعره و يشد فيه عشان يضبط اعصابه و هوا يضغط ع سنونه و حنكه تشنج من العصبيه ، فهمنيي ع شنوو تحكي فهمنييي
قدم منهم بابا و صبى قدامهم و شاف لمصعب الي يتنفس بعصبيه و بهدوء شير على الي عزقه عمي
بابا : السم هذكي لقنه البنات في جاكتك و سمعنك انت و تحكي مع محمد عليه
مصعب : سكر ع يده بعصبيه ، ع من تحكيي من الي لقاااته
كنت نشوف ب استمتااع كبير و هوا قاعد كيف المجنون بينهم و نضحك من كل قلبي بس ماقدرتش انطلع ضحكتي فضلت اني نكتمها و تمنيت ان الحقير محمد قاعد عشان ياخذ نصيبه ، و تلاشت كل ضحكتي لما قال بيعرف من الي لقاته تي وربي لو يعرفني نا حيقتلني ، بينهم بدون شك و مافيش حد يقدر يفكني من يديه ، غمضت عيوني بقوه لما كان بابا بيقول اسمي لكن تنفست براحه لما جا ادهم و هوا مستغرب من عصبيت باته و مصعب و عمامي الي مصبيين
