#خُلِقتْ_حُرّة
#الحلقه 24 إضافيه
" حب المرأة لا يعترف بالعادات أو التقاليد إنّه لا يعترف إلّا بعود الثقاب الذي يحرقه "
جــــــنـــان ......
الي مش عايش حياتي مايحكمش ع تصرفاتي ، ممكن تشوفو فالتلفون و الحياه و الطلوع كلا شي عادي مش مهم للبنت ، ممكن تشوفو في حياتي مش ظلم حياتي حياه عاديه
بس انا مانخلقتش عاديه ، انا انسانه انخلقت بطبع اني نبي كل شي ليا ، نبي ندير كل شي في راسي ، مانرضش بحد يتحكم فيا و لا حد يمشي كلمته عليا و القدر عاكسني جاب شخصيتي و حطني وسط الناس الي تحكم عليا بعكس شخصيتي ، و كأن حاطط البنزين ع النار
عادات هلي و واقعي البنزين و شخصيتي النار ، كل ما يتجبرو عليا انا نزيد تجبر و تمرد ، و الي صار في رهف حطمني شفت روحي بيها فالمستقبل محمد و مصعب فوله و انقسمت ، من هما و صغار نفس بعضهم و نفس التفكير و العقليه و اكيد حنعيش زي مأسات اختي ، اكيد حيسكر حيضرب و يكسر ؟ و انا البنت و انا الي انتحمل لا انا مستحيل انكون هكي ، رغم ان هلي مصرين ع طلاق رهف بس انا اكثر وحده نعرف ان كلام و بس و مالش اساس من الصحه
درت هكي و لبست هكي و هذا كلا بس عشان نثبتله اني مش زي رهف و مايفكرش حتى دقيقه ان يتجبر عليا زي ماتجبر محمد عليها ، بس الدخان لما شفته حسيت اني بنجرب بنشوف شعورهم شن يحسو لما يدخنو ، شي طبيعي و عادي مايحتجش ردت فعل قاسيه لدرجه هذي
ماتوقعتش حيرد عليا بطريقه زي هكي ، من صدمتي و حرارة روحي كنت حنعيط بعلو صوتي بس ايده كتمت صرخاتي ، ليش حتى صوت وجعي ممنوع ؟ ، شفتله و دموعي تحرجن في عيوني و انا نشوف للدخان مزال في يده و ماطفش ، قربه مني وهوا يهمس بصوت شيطاني
مصعب : قربه منها و همس بعصبيه ، نكمله في فمك ؟ اه ردي نطفيه في فمك
سحبت ايدي لصدري و انا ماسكتها بقوه و آلم ، هزيت راسي ب لالا و دموعي طاحن و نفسي يرقى و ينزل
عزق الدخان من ايده و عفس عليه ، و بدون سابق انذار مسكني بقوه من شعري و رفعني لدرجه حسيته طار كلا في ايده لكن ماقدرتش نحكي حرف قدام ثورة عصبيته دموعي بس الي تنزل ب آلم و خوف ، كان في مرايه في دولاب داره صباني عليها وهوا ماسك شعري و يهز فيه بقوه قدام المرايا
مصعب : بعصبيه و هوا يضغط ع سنونه ، عاااجبك منظرك هكي هااا و شير ع دبشها ، جسمك كلاااا طااالع و الي يخش يشوفلك و يتفرج عليك ؟ بتعرضي و تعري زي ال***** عشان يقولو جسمك سمح و شكلك سمح ، و عيط بصوت عالي ، احكييييي وين لسااانك و لا انتي ديري المصيبه و بعدين ديري روحك تخاافي اه
شهقت ببكاء بدون مانرد عليه ، شعري حسيته كلا عدا في يده من كثر ماخض براسي و ايدي موتتني من الحرق ، ضميت جسمي ع بعضه بخوف وببكاء ،
