#خُلِقتْ_حُرّة
#تكميل_الحلقه 7
جــــــــــنــان.....
حطيت ايدي ع فمي من ضربته و شفت ليدي الي كان فيها دم من فمي و بدون مانفكر مسكت يده و عضيته بكل قوتي ، كل مايحاول ان يفك يده مني نزيد نعض اكثر لدرجه حسيت لحمه انقطع بين سنوني
مصعب بصعوبه فك يده من بين سنونها و رغم آلم يده مابينلهاش مد يده خذا مناديل و حطهن ع يده مكان عضتها لان دممت
جنان : بعصبيه و صوت عالي ، افتح السياااره افتح بننزل و اذا تحسااب ان كيف كل مره تمد يدك عليااا و نسكت هذي لاا و ضيفها مع احلااامك يامتخلف يا..
وقفها صوت مصعب الي باين فيه ان تعدى اقسى درجات عصبيته
مصعب : عيونه ظلمن بعصبيه و صوت عالي ، اسكتييييي
زمطت ريقي و انا نشوف لاي مكان نهرب له من ملامح وجه الي يخوف وخرت لاوره لدرجه لصقت ف الباب ، مسك يدي بقوه و قربني منه و اناا نحاول نفك يده و نوخر من يده الي كيف الحديد
مصعب : بعصبيه و يضغط ع سنونه ، حركه وحده تحركيهاا حتشوفي وجه في حياتك هذي كلها ماعمرك شفتيه حتى من هلك
جنان : علت صوتها ، شن تبييي منيي انتتت حااط رااسك من رااسي
مصعب : بصوت اعلاا منهاا ، سكريي فمك صوتك مانبيش نسمعه
رعش جسمي من علو صوته ، شفتله و رمشت عيوني اكثر من مره و مافيش صوت ف سياره الا صوت نفسي الي واضح فيه الخوف و صوت نفسه الي واضح من كثر عصبيته
مصعب : بعصبيه و يضغط ع سنونه ، كلامك الي حكيته كلا حيكون بحساابه ياجنان مافيش شي حيمشي و لا حتى حرف وضغط ع يدها اكثر ، لكن عارفه شنو مش حنتحاسب معاك توا لما يجي الوقت حنعرف كيف انتصرف معااك
اول مره في حياتي نفكر اذا نرد او لا ، شفت لملامحه الي منكمشات بطريقه تخوف ، عيونه الحمر و حواجبه كيف عاقدهن و ايد يضغط بيها ع ذراعي وايد الثانيه مكورها بعصبيه ، فضلت اني نسكت محافظة ع سلامه حياتي ، زمطت ريقي بعد ماكمل كلامه
مصعب : و الاهم انك خششتي الشك في راسي يعني الي كنت فارضه عليك حيزيد بالضعف و عيني حتكون عليك اربع و عشرين ساعه تراجي منك في غلطه وحده بس
جنان : غمضت عيونها ب آلم من يدها الي حتنقطع من يده و بصوت واطي هادي ، يدي
شاف ليدي و سيبني بقوه لدرجه رديت لاوره ، حطيت يدي ع مكان مسكته و انا نشوفله بغل و حقد مش حنكون جنان اذا ماطلعتش عقلك من راسك اليابس هذ ، مسكت يدي و شفت للروشن بعد ماحرك السياره لكن استغربت ان ماردش للمزرعه
جنان : شفتله و باستغراب ، وين شايلني ، و الي قهرني اكثر ان ماردش عليا شفتله و بعصبيه ، مصعب وين واخذيني شن حيقولو علينا و انت اصلا ولد عمي لا اكثر
مصعب : ضحك بهزوه ، نفس الي حيقولوه لما بتهربي
نفخت بقوه و خذيت شنطتي حطيتها في كتري و برمت نشوف مع القزاز و انتبهت ان كان ماشي للبلاد ، اتكيت ع الروشن و انا نشوف للمحلات و السيارات بدون مانشوفله لحد ماوقف ...
